ژنە پۆلاینەكە، لە دیسكۆوە بۆ كۆشكی راوێژكاری ئەڵمانیا !

ژنە پۆلاینەكە، لە دیسكۆوە بۆ كۆشكی راوێژكاری ئەڵمانیا !

1688 خوێندراوەتەوە

ئیعتیدال سەلامە
و. بەهمەن ئەحمەد

رەفتاری سیاسی ئەنجێلا مێرگل راوێژكاری ئەڵمانیا جیاوازییەكی زۆری لەگەڵ سەرۆك وەزیرانی پێشوتری بەریتانیا ( مارگرێت ساچەر)دا نیە. ساچەر ترسی زۆری لە سیاسییەكانی بەریتانیا و ئەوروپا هەبوو بەوپێیەی ئەو زۆر توند بوو لەهەڵسوكەوتی سیاسی و زیاتر پەنای بۆ شێوازی هێرشبردن دەبرد لەبەدەستهێنانی دەسكەوتە سیاسییەكاندا، تەنانەت بەشێك لەسیاسییەكانی ئەوروپا هەڵوێستی دوژمنكارانەیان بەرامبەردەنواند بەهۆی قسە بەناوبانگەكەی ساڵی 1984 كە وتبوی " دەمەوێت سەروەت و سامانەكەم بگێڕمەوە ".

مەبەستی ساچەر داشكاندن و كەمكردنەوەی ئەو هاوكارییە مادییە بوو كە وڵاتەكەی پێشكەشی دەكرد وەك وڵاتانی دیكەی ئەوروپی بەیانوی ئەوەی وڵاتەكەی یەكێكە لە هەژارترین وڵاتانی ئەوروپا و كەمترین هاوكاری دارایی پێدەگات، بەتایبەتیش ئەو هاوكارییەی كە پەیوەندیدار بوو بە كەرتی كشتوكاڵ. ئەمەش هانی ( هلموت كول) راوێژكاری پێشووی ئەڵمانیای دا كە ساچەر وەك شەیتانی ناو ئاوی پیرۆز پێناسە بكات. ئەمە لەكاتێكدا كە ئەجێلا مێرگل بەوشێوەی پێیناسراوە كە بەكارهێنانی " دەسەڵاتی نەرم" ە دەستكەوتە سیاسییەكانی بەدەستدەهێنێت، لەئەگەرەكانی تریشدا رێگای توندی بەكارهێناوە بۆ نمونە بەپێداگیریی زیاتر وڵاتانی ئەوروپای ناچاركرد " پلانی كەمكردنەوەی خەرجی " جێبەجێبكەن لەسەروبەندی قەیرانی یۆرۆ ئەوەش بۆ تێگەشتن لە زۆر بابەت لەگەڵ پێداگیریكردنی لەسەر گۆڕانكاری.

،،

لەتەمەنی گەنجیدا، مێرگل گەنجێكی ئاسایی بووە بەپلەی ئیمتیاز خوێندنی تەواو كردووە و بوەتە پسپۆڕێكی گەورە بواری فیزیا، بەڵام ئەوانەی كە چاودێری كار و چالاكییەكانی ئەو سەردەمەیان دەكرد پێیانوایە ئەو هەر لەسەرەتاوە بەدوای ئەوەدا گەڕاوە پێگەیەكی گەورەی لەكایەی سیاسەتدا هەبێت


لەتەمەنی گەنجیشدا، مێرگل گەنجێكی ئاسایی بووە كە لە رۆژهەڵاتی ئەڵمانیا گەورە بووە و بەپلەی ئیمتیاز خوێندنی تەواو كردووە و بوەتە پسپۆڕێكی گەورە بواری فیزیا، بەڵام ئەوانەی كە چاودێری كار و چالاكییەكانی ئەو سەردەمەیان دەكرد پێیانوایە ئەو هەر لەسەرەتاوە بەدوای ئەوەدا گەڕاوە پێگەیەكی گەورەی لەكایەی سیاسەتدا هەبێت و هەوڵی زۆریشی بۆ بەدەستهێنانی داوە.


هەرچەندە هەندێك پێیانوایە پێداگیرییەكانی دەچنە چوارچێوەی كەلەرەقییەوە، بەڵام مێرگل رێگەنادات بەوجۆرە دەربكەوێت، بەڵكو زیاتر وادەردەكەوێتە رێگایەكی نهێنی بەكاردەهێنێت بۆ بەدەستهێنانی ئەوەی كە دەیەوێت، تەنانەت ئەگەر زیان بەنزیكترین كەسەكانی خۆشی بگەیەنێت، ئەوە شێوازی كاركردنی بووە لەگەڵ راوێژكاری پێشوی ئەڵمانیا( هلموت كول).


هەرچەندە بەشێكی زۆر لە سیاسییەكانی ئەڵمانیا ئەم پێداگیریی و وردبونەوەی مێرگل بەزیاد لەپێویست دەزانن، بەڵام توانیویەتی بۆ رازیكردنیان و گەشتن بەئامانجەكانی سود لە دەموچاوە منداڵانەكەی و ئەو زەردەخەنەیەی ببینێ كە بەردەوام لەسەر لێوەكانیەتی و لە هورست كاستنەری باوكییەوە فێربووە، كە پیاوێكی ئاینی بووە. مێرگل رۆژێك دوانەكەوتووە لەداوای هاوكاری و پشتگیریكردن لەسیاسییەكانی ئەڵمانیە لەنێویشیاندا ( هلموت كول) بۆ گەشتن بە ئامانجە حزبییەكانیان، هەر بەوهۆیەشەوە بوو دواتر كول وتی كە مێرگل لەپشتەوە خەنجەری لێداون. پێدەچێت ئەم تۆمەتە راستبێت، بەڵام وەك دەوترێت " شەمەندەفەری سیاسەت هەرگیز ناوەسێت و چاوەڕێی كەس ناكات، لەبەرئەوە سیاسی زیرەك و سەركەوتوو ئەوەیە كە یەكەم كەس سەركەوێت و دەمێنێتەوە.

 

حزبی مەسیحی دیموكراتی
ئەنجێلا كاستنەر ( كەپاش هاوسەرگیریی بووە ئەنجێلا مێرگل ) لەژینگەیەكی كراوە و لەگوندێكی ئەڵمانیای رۆژهەڵات گەورەبووە، باوكی پیاوێكی ئاینی مەسیحی سەربە پرۆستانتەكان بووە و خاوەن باوەڕێكی سۆشیال بووە و وتویەتی ئاینی مەسیحی و بیری سۆشیالیزم لەیەكەوە نزیكن، هاوكات ژنەكەشی ( دایكی مێرگل) خاوەنی هەمان بیروڕابووە. بەڵام بەشێوەیەكی سەرسوڕهێنەر كچەكەی ( مێرگل ) بژاردەیەكی پێچەوانەی هەبووە و پەیوەندی بەحزبی نەیاری سەرسەختی سۆشیالەكان كردووە كە حزبی مەسیحی دیموكراتی بووە. بەڵام لەگەڵ ئەوەشدا هیچ بەریەككەوتنێك و جیاوازییەكی قوڵ لەنێوان مێرگل و دایك و باوكیدا رووینەداوە. لەوە تێگەشتووە و زانیویەتی چۆن مامەڵە لەگەڵ دەوروبەرەكەی بكات بەبێ دروستبوونی كێشەی سیاسی. لەیەكێك لەچاوپێكەوتنەكانیدا، ئاماژەی بەوەكردووە كە هونەری مامەڵەكردنی لەگەڵ بابەتە هەستیار و گرنگەكان زانیوە، بەتایبەتی لەگەڵ دایك و باوكی، ئەو هەمیشەكارێكی كردووە كە توانیویەتی لەگفتوگۆكان دەرچێت بەبێ ئەوەی كەسانی دەوروبەری بكاتە دوژمن لەخۆی.


بەڵام زۆر لەبارەی پەیوەندی مێرگل براكەی ( ماركوس) و خوشكە بچوكەكەی ( ئیرینا) نازانێت كە ئاسایی وەك هەر هاوڵاتییەكی تری ئەڵمانی دەژین. براكەی لەگواستنەوەی گشتی كاردەكات و پێداویستییەكانی لەبازاڕی ئاسایی دەكڕێت بەبێ ئەوەی كەس بیناسێتەوە و هەست بكات برای راوێژكاری ئەڵمانیایە، وەك باسیشی دەكات جارێك لەبەردەم سندوقی پارەدان وەستاوە و گوێی لەكەسێك بووە كە نوكتەی لەسەر ئەنجێلا مێرگلی خوشكی كردووە و ئەوانی دیكەش پێكەنیون.


مێرگل گرنگی زۆر بەزمان دەدات، بەتایبەتیش حەزی زۆرى لەزمانی رووسییە و زۆر جار لەگەڵ هاوتا رووسییەكەی، ڤیلادمیر پوتین، بە رووسی قسەدەكات بەبێ ئەوەی پێویستیان بەوەرگێڕ هەبێت، لەهەندێك حاڵەتی تایبەتدا نەبێت كە وەرگێڕ بەكاردەهێنن. هاوكات زانستی فیزیاشی لەزانكۆی كارل ماركس خوێندووە و دانی بەوەشدا ناوە كە خوێندنی فیزیا و زانستی سروشت هاوكاری بوون بۆ تێگەشتن لەسیاسەت.


لەساڵی 1976 ئەنجێلا لەگەڵ ئولریش مێركل یەكتر دەناسن و ساڵێك دواتر ژیانی هاوسەری پێكدەهێنن و هەرلەو ساڵەشدا دیپلۆما لەبواری فیزیا بەدەستدەهێنێت، بەڵام داواكارییەكەی بۆ كاركردن لەزانكۆ رەتكرایەوە.


دواتر لەگەڵ هاوسەرەكەی روویان لە رۆژهەڵاتی بەرلین كرد و لەوێ لە پەیمانگای ئەكادیمی بۆ كیمیای فیزیایی دەستی بەكاركردن كرد. ئەو یەكەم ژن بوو كە دەستی بەشداربوو لەدروستكردنی ئەو بەشەدا لەزانكۆ و دواتر هەشت زانا بوونە ستافی وانەبێژی بەشەكە. لێرەوە مێرگل دەستی بە دەرخستنی تواناكانی ژنان كرد بەتایبەتی لەو بوارانەی كە تا ئەوكات بەبواری تواناكانی پیاو دادەنران وەك خۆشی دەلێت ئەو پێویست بوو وەك ژن تواناكانی خۆمان بسەلمێنین.

،،

بۆ رزگاربوون لەژینگەی رۆژهەڵاتی بەرلین كە وەك زیندانێك بوو، یارمەتی چاككردنەوەی دیسكۆكانی دا و كاریشی تیاكردن، دواتر كاری فرۆشتنی تكتی شانوی كرد. ژیانی بەبێ مەترسی نەبووە و بۆماوەیكی زۆر لە رۆژهەڵاتی بەرلین لەخانوویەكی نایاساییدا ژیاوە پاش جیابوونەوەی لەهاوسەرەكەی.


لەساڵی 1981 كێشە دەكەوێتە نێوان ئەنجێلا و هاوسەرەكەی و دواتر جیادەبنەوە، هەندێكیش پێیان وابوو كە ئەو هەستی بەبەرتەسكبوونەوەی ئازادییەكانی كرد، بەڵام خۆی روونی دەكاتەوە و دەڵێت جیابوونەوە بریاری خۆی بووە و رۆژێك كەلوپەلەكانی پێچاوەتەوە و نەگەراوەتەوە.


لەلایەكی ترەوە هەندێك لە توێژەران پێیانوابووە جیابوونەوەی مێرگل لەهاوسەرەكەی رەتكردنەوەی بیروباوەرەكانی بووە كە بیروباوەڕی كۆمۆنیستی و و سۆشیالیستی بوو، ئەوەش وەك زیندانێك بووە كە سنوری بۆ تواناكانی ئەو داناوە و نەیتوانیوە پەیوەندی بە حزبی شیوعی دەسەڵاتدارەوە.


بۆ رزگاربوون لەژینگەی رۆژهەڵاتی بەرلین كە وەك زیندانێك بوو، بەهۆی ئەو دیوارەی كە بۆماوەی زیاتر لە 30 ساڵ هەردوو بەشەكەی ئەڵمانیای لەیەك جیاكردەوە، مێركل دەستی بەچاالاكییەكانی خۆی كرد.


یارمەتی چاككردنەوەی دیسكۆكانی دا و كاریشی تیاكردن، دواتر كاری فرۆشتنی تكتی شانوی كرد. ژیانی بەبێ مەترسی نەبووە و بۆماوەیكی زۆر لە رۆژهەڵاتی بەرلین لەخانوویەكی نایاساییدا ژیاوە پاش جیابوونەوەی لەهاوسەرەكەی.


دژایەتیكردنی لەگەڵ سیستمی سۆشیال و بیروڕای كۆمۆنیستی وای لە مێرگل كرد هەمیشە بەدوای نهێنییەكانی خۆیەوە بێت كە ئەوانی تر وەك " ئایدۆلۆژیایەكی سیاسی هێرشبەری بێزراو " وێنای دەكەن، بەڵام وەك كچی پیاوێكی ئاینی كەس پێشبینی ئەوەی نەدەكرد كە تا ئەو ئاستە سنور ببەزێنێت و بەوجۆرە بەشداری جوڵانەوەی راپەڕینی دیموكراتییەكان بكات كە لەساڵانی هەشتاكاندا و بۆ مەبەستی یەكگرتنەوەی هەردوو بەشەكەی ئەڵمانیا دروستبوون.


پاش شكستی لەیەكەم پرۆسەی هاوسەرگیریدا، مێرگل پرۆفیسۆری بواری كیمیا ( یواخیم زاور ) ی ناسی و بۆماوەی پێنج ساڵ پێكەوە بوون. یواخیم زۆر شتی لەبارەی بیروراكانی مێرگل دەزانی و لەبەرئەوەش لەژنەكەی خۆی جیابوەوە و ساڵی 1985 لەگەل مێرگل هاوسەرگیری كرد. ئێستا دوو كەسن كە هێشتا لەچوارچێوەی رێزگرتنی یەكتردا پێكەوە ژیان دەگوزەرێنن، هیچ لایەكیان كێشە بۆ ئەویتریان دروست ناكات ئەگەر جیاوازییەكیش لەبیروبۆچونیان هەبێت.
ئەمجۆرە لە گونجاندنی هاوسەرگیری ئاسانكاری زیاتر دەكات بۆ چونە ناو جیهانی سیاسەت و سەركەوتن تێیدا، هەرچەندە مناڵیشی نەبوو بەلام هاوسەرەكەی ئەنجێلا زۆر بەباشی مامەڵەی لەگەڵدا دەكات.


ئەمەش ئەوەیە كە هەموو ژنێك دەیخوازێت بۆ چونە نێو دونیایەكی سەخت و گرانی وەك كایەی سیاسی، هەر ئەوەش وایكرد ئەنجێلا ببێتە یەكێك لەدیارترین دامەزرێنەرانی جوڵانەوەی رەخنەگری ئەڵمانیای رۆژهەڵات و ركابەری سیاسییەكانی وەك ( راینر ئەبلمان ) و ( فریدریش شولمار) كە دواتر توانی رۆڵی بالای هەبێت لە رووخانی دیواری بەرلین و یەكگرتنەوەی هەردوو ئەڵمانیای رۆژهەڵات و رۆژئاوا و نەهێشتنی دەسەڵاتی كۆمۆنیستەكان لەو وڵاتەدا.

 

،،

مێرگل گرنگی زۆر بەزمان دەدات، بەتایبەتیش حەزی زۆرى لەزمانی رووسییە و زۆر جار لەگەڵ هاوتا رووسییەكەی، ڤیلادمیر پوتین، بە رووسی قسەدەكات . هاوكات زانستی فیزیاشی لەزانكۆی كارل ماركس خوێندووە و دانی بەوەشدا ناوە كە خوێندنی فیزیا و زانستی سروشت هاوكاری بوون بۆ تێگەشتن لەسیاسەت.

پاش رووخانی دیواری بەرلین

پاش رووخانی دیواری بەرلین لە 9ی نۆڤەمبەری سالی 1989، ئەنجێلاجولی دەستیكرد بەچاودێری كردنی دۆخی سیاسی و كۆمەڵایەتی ئەڵمانیاو هەنگاوەكانی بەرەو سەركردایەتیكردنی حزبی دیموكراتی مەسیحی نا.


یەكێك لەتایبەتمەندییەكانی ئەو ژنە وەك سەركردەیەك ئەوەبوە كەچاوەڕێی دەرفەتێك بووە بۆ جێبەجێكردنی پلانەكەی، ئەوە بوو دواتر لە یەكی شوباتی 1990 پۆستی سەرپەرشتیاری دارایی جوڵانەوەی دیموكراتی ئەڵمانیای رۆژهەڵاتی پێكدرا كە سەربە حزبی دیموكراتی مەسیحی بوو ئۆفیسەكەشی لەبەشی رۆژهەڵاتی بەرلین بوو. دوای یەك هەفتە بووە وتەبێژی رۆژنامەوانی جوڵانەوەكە، ئەم پۆستە بۆ ئەوكات گرنگ بوو كە ئەڵمانیای یەكگرتوو لەبەردەم هەڵبژاردنەكاندا بوو، حزبی دیمكراتی مەسیحیش خۆی بۆ ئەو هەڵبژاردنە ئامادە دەكرد و دەیویست لە ئەڵمانیای شەرقیدا گەشەبكات و رۆڵی هەبێت لەیەكەم بڕیاری ئەڵمانیای یەكگرتوودا. پەلهاویشتنی حزبی دیموكراتی مەسیحی بۆ ئەڵمانیای رۆژهەڵات و كردنەوەی لقەكانیان لەتەواوی هەرێمەكاندا بەسەرپەرشتی مێرگل كارئاسانی بۆ زیادكردنی رۆڵی ئەو حزبە لە ئەڵمانیای یەكگرتوودا دەكرد.


پسپۆڕانی سیاسی دەیانوت حزب و لایەنە سیاسییەكانی تری ئەڵمانیای رۆژهەڵات زۆر ترسیان لەهاتنە پێشەوەی مێرگل هەبوو بەوپێیەی ئەو ئەزمونێكی زۆری سیاسی و حزبی لەئەڵمانیای رۆژئاوا كۆكردبوەوە و پاش هاتنی خێزانەكەی بۆ ئەڵمانیای رۆژهەڵات ئەزمونەكانی زیادی كرد و لەوێ هەنگاوی گەورەی دەنا. هاوكات مێرگل شارەزایی زۆری لەسەر سیاسییەكانی دیكەی وەك ( دی مزی) هەبوو و دەیزانی چۆن بیردەكەنەوە، لەبەرئەوە وەرگرتنی پۆستی گەورەتر و باڵاتر بۆ مێرگل بەخێرایی كارێكی قورس نەبوو، تەنها پێویستی بەوە بوو وەك مرۆڤێكی نیازپاك و خاوەن پرۆژە بناسرێت كە ئەزمونێكی سیاسی گەورەی لە ئەڵمانیای رۆژئاوا كۆكردۆتەوە و دەیەوێت لەئەڵمانیای شەرقی دەوڵەمەندتری بكات و لەناو ئەڵمانیای یەكگرتوودا پراكتیزەی بكات.



ئەڵمانیا پاش یەكگرتنەوەی، قۆناغی گەشەكردنی دەستپێكرد، لە 5 ی ئایاری ساڵی 1990 ەوە ئەڵمانیا دەستی بەگفتوگۆكردن كرد لەگەڵ زلهێزەكانی پاش جەنگی جیهانی كە هەریەك لەوڵاتانی ( رووسیا، بەریتانیا، فەرەنسا و ئەمەریكا ) بوون و بەسەركەوتووی لەجەنگی جیهانی هاتبوونە دەرەوە. وەزیرانی دەرەوەی ئەڵمانیای رۆژهەڵات و ئەڵمانیای رۆژئاوا بەشدارییان لەگفتوگۆكانی یەكگرتنەوەدا كرد كە لەشاری بۆنی پاوتەختی ئەوكاتی ئەڵمانیا ئەنجامدران و پاش 13 رۆژ رێككەوتنێكی گەورەی بەدوادا هات. لەمانگی تەموزی هەمان ساڵدا بڕیاری یەكگرتنەوە خرایە جێبەجێكردنەوە و ئەنجێلاش بەپێچەوانەی خێزانەكەی كە هەڵگری فكری چەپی لینینی بوون گەشەی زیاتری بە بیروبۆچونە محافزكارییەكەی خۆی دا لەناو پارتی دیموكراتی مەسیحیدا.

،،

لەساڵی 1981 كێشە دەكەوێتە نێوان ئەنجێلا و هاوسەرەكەی و دواتر جیادەبنەوە، هەندێكیش پێیان وابوو كە ئەو هەستی بەبەرتەسكبوونەوەی ئازادییەكانی كرد، بەڵام خۆی روونی دەكاتەوە و دەڵێت جیابوونەوە بریاری خۆی بووە و رۆژێك كەلوپەلەكانی پێچاوەتەوە و نەگەراوەتەوە.

 

مێرگل لەسەردەمی یەكگرتنەوەی ئەڵمانیادا
رۆژی 3 ی ئۆكتۆبەری ساڵی 1990 بەفەرمی وەك رۆژی ئەڵمانیای یەكگرتوو ناسێنرا، رۆلی ئەنجێلا مێرگلیش بەرزكرایەوە بۆ وتەبێژی فەرمی حكومەتی ئەڵمانی كە ئەوكات راوێژكار هەلموت كول بوو. مێرگل وەك گەنجێكی تازە هەڵكەوتوو هەواداری زۆر بوو خەڵك خۆشیاندەویست و رێزیان دەگرت. لەهەمان كاتدا هەوڵی دەدا پەیوەندییەكانی خۆی لەگەڵ سیاسییەكان و پیاوانی ئاینی ئەڵمانیای رۆژهەڵات زیاتر و باشتربكات ئەوەش بەهۆی باكگراوەندە دینییەكەی باوكی و بەشداریكردنیشی لەخۆپیشاندانەكان بۆ یەكگرتنەوەی ئەڵمانیا. هاوكات مێرگل لەلایەن ( لوسەر دی مێزەر)ەوە پشتیوانی كرا كە ئەوكات سەرۆكی حكومەت بوو ئێستاش لەحكومەتەكەی مێرگل دا بەرپرسیارێتی وەزیری بەرگری هەیە، ئەمەش دەرفەتی زیاتری دایە مێرگل كە زوو زوو چاوی بە هەلموت كولی راوێژكاری ئەوكاتی ئەڵمانیا بكەوێت.


هەلموت ئومێدی زۆری بە مێرگل هەبوو هەم پشتگیری دەكرد و هەمیش داوای پشتگیری لێ دەكرد، كاتێك لە دووی دیسەمبەری 1990 دا وەك كاندیدی پەرلەمان و لە 18 ی كانونی دووەمی 1991 وەك راوێژكاری ئەڵمانیا هەڵبژێردرا. دوو رۆژ دواتریش ئەنجێلا مێرگل وەك وەزیری خێزان و گەنجان دیاریكرا، ئەوەش شتێكی تازە بوو بەلای سیاسییەكانی ترەوە لەحزبێكی كۆنی وەك حزبی دیموكراتی مەسیحی كە تا ئێستاش كەس نهێنی پێدانی ئەو پۆستە نازانێت و دواتریش وەك " كچی كول " ناوی هێنرا.


ئەنجێلا مێرگل دەڵێت " لەناكاو لەسەر شاشەی تەلەفزیۆن خۆم لەناو هەموو ئەو هاوڕێیانەدا بینیەوە كە پێشتر لەكاری سیاسیدا ناسیبونم " ئەوەش وەك ئاماژەیەك بۆ پشتیوانی زیاتری خەڵك لەهەنگاوەكانی.


مێرگل لەساڵی 1992 ش پۆستێكی دیكەی پێدرا و بووە جێگری سەرۆكی پارتی دیموكراتی مەسیحی، لە مانگی حوزەیرانی 1993 شدا بووە سەرۆكی ئەو پارتە لەویلایەتی مكلنبورغ.


كاتێكیش بۆ چوارەمین جار لەساڵی 1994 كولی بوەوە راوێژكاری ئەڵمانیا، مێرگل توانی لەبازنەی هەڵبژاردنی خۆیدا یەكەمین دەنگی پارتەكەی بەدەستبهێنێت و سەركەوتن بەسەر ( كلاوس تۆپفێر)ی وەزیری ژینگەدا بەدەستبهێنێت كە لەپارتەكەی خۆی بوو، دواتر مێرگل جێگەی ئەوی گرتەوە و بوە وەزیری ژینگەی ئەڵمانیا، لەو ماوەیەشدا توانی چاكسازی زۆر لە رێككەوتنە ژینگەییەكاندا بكات بۆ كەمكردنەوەی گازە ژەهراوییەكان لەژینگەدا و ئەڵمانیاو وڵاتانی دیكەی پیشەسازی ئەوروپاشی ناچار بەجێبەجێكردنیان كرد.


پاش شكستهێنانی كول لەهەڵبژاردنەكانی ساڵی 1998 داو دەركەوتنی هەردوو پارتی سۆشیال دیموكراتەكان و پارتی سەوز، مێرگل لەحكومەت هاتە دەرەوە، بەڵام پێشكەوتنەكانی لەناو حزبی دیموكراتی مەسیحیدا زیاتر دەبوو، پاش دەستبەرداربوونی (فولفغان شوبیلە)ی وەزیری دارایی ئێستا، مێرگل وەك یەكەم ژن دەبێتە سكرتێری حزبی دیموكراتی مەسیحی، ئەوەش تا ئەوكات هەنگاوێكی گەورە بوو بۆ كەسایەتی مێرگل هەم وەك سیاسییەك هەمیش وەك ژنێك چونكە گەلی ئەڵمانیا كاریگەر بوو بەبڕیاری حزبەكەی.

سەرجاوە : مجلە المجلە

 

author photo

ماستەر لە كارگێری كار

بەكالۆریۆس لە زمانی ئینگلیزی

ئەندامی ژوری توێژینەوەی سیاسی بزوتنەوەی گۆڕان