مەسرور بارزانی دەسەڵاتی وەزیرەكانی سنوردار دەكات

پارتی بەرپرسە هەڵگەڕاوەكان لە گۆڕان، لە حكومەتدا دەهێنێتە پێشەوە

مەسرور بارزانی دەسەڵاتی وەزیرەكانی سنوردار دەكات

1209 خوێندراوەتەوە

 

 

مەسرور بارزانی سەرۆكی حكومەتی كوردستان پلانێكی داناوە بۆ كۆكردنەوەی تەواوی دەسەڵاتەكانی ئەنجومەنی وەزیران لەدەستی خۆیدا لەڕێگەی دانانی كۆمەڵێك یاریدەدەرەوە.

 

بەپێی ئەو پلانە مەسرور بارزانی، لە بەرامبەر هەر وەزارەتێكدا یاریدەدەرێك بۆ كاروباری ئەو وەزارەتە دادەنێت و یاریدەدەرەكانیش راستەوخۆ دەبەستریضن بە ئۆفیسەكەیەوە،بەو هۆیەشەوە هەموو بڕیارەكان لە هەر بوارێكدا بێت لە ئۆفیسەكەی سەرۆك وەزیرانەوە گەڵاڵە دەكرێت و بڕیاری لێدەدرێت.

 

بەم هۆیەشەوە دەسەڵاتی راستەقینە لە وەزیرەكان دەستێنێتەوە یان رۆڵەكەیان سنوردار دەكات و رۆڵی جێگری سەرۆكی حكومەتیش لاواز دەكات.

 

،،

بۆ یەكەمجار پێشنیاری دانانی یاریدەدەر لەم كابینەیەدا لەلایەن بزوتنەوەی گۆڕانەوە كرا وەك بەشێك لە مفاوەزات و پاكێجی بەشداری گۆڕان لە حكومەت، داوای دانانی یاریدەدەریان كرد بۆ كاروباری چاكسازی. بەڵام  مەسور بارزانی بیرۆكەكەی وەرگرتن و یاریدەدەرەكەی ئەوانی پشتگوێخست" چونكە هەتا ئێستا فەرمانی دامەزراندنی بۆ سێ‌ یاریدەدەر دەركردووە كەچی هێشتا یاریدەدەرەكەی نەداوە بە گۆڕان.

 

یاریدەدەرەكان كێن؟

هەتا ئێستا مەسرور بارزانی، سێ‌ یاریدەدەری سەرۆك وەزیرانی دامەزراندووە كە بریتین لە:

  1. ئاشتی هەورامی بۆ كاروباری ووزە.
  2. رێباز حەملان بۆ ئەنجومەنی راژە

3.مدحەمەد حاجی بۆ كاروباری كوالێتی دەرمان

 

بەپێی زانیاریەكانی دیبلۆماتیك مەسرور بارزانی بەنیازە تیمی یاریدەدەرەكانی فراوانتر بكات و چەندین یاریدەدەری دیكەش بۆ بوارەكانی دیكە دابمەزرێنێت.

 

 

،،

دانانی یاریدەدەرەكان بەجۆرێك لە جۆرەكان لێدانە لە دەسەڵاتەكانی قوباد تاڵەبانی جێگری سەرۆكی حكومەت. بەوپێیەی لە كابینەكانی دیكەدا چەند مەلەفێكی تایبەت بە جێگری سەرۆكی حكومەت سپێردرابون بەڵام ئەمجارە لە سایەی ئەو هەموو یاریدەدەرەدا هیچ رۆڵێك بۆ جێگری سەركی حكومەتیش نامێنێتەوە.

 

 

بۆچی دانانی یاریدەدەرەكان مەترسیدارن؟

دانانی یاریدەدەری سەرۆك وەزیران بە بیدعەیەك دادەنرێت كە لەكابینەی برا گەورەوە سەری هەڵداوە و لە كابینەكانی دیكەدا نەبووە.

 

بۆ یەكەمجار پێشنیاری دانانی یاریدەدەر لەم كابینەیەدا لەلایەن بزوتنەوەی گۆڕانەوە كرا وەك بەشێك لە مفاوەزات و پاكێجی بەشداری گۆڕان لە حكومەت، داوای دانانی یاریدەدەریان كرد بۆ كاروباری چاكسازی. بەڵام  مەسور بارزانی بیرۆكەكەی وەرگرتن و یاریدەدەرەكەی ئەوانی پشتگویضخست" چونكە هەتا ئێستا فەرمانی دامەزراندنی بۆ سێ‌ یاریدەدەر دەركردووە كەچی هێشتا یاریدەدەرەكەی نەداوە بە گۆڕان.

،،

 سەبارەت بە موحەمەد حاجی هەرچەندە گۆڕان بەفەرمی هیچی نەوتووە  بەڵام محەمەد حاجی تۆمەتبارە بە تۆماركردنی دەنگی نەوشیروان مستەفا لە كۆبونەوەكاندا و بردنی ئەو تۆمارە دەنگیانە بۆ پارتی.

 

پشتكردن لە رێكەوتنەكەی پارتی و گۆڕان

ئەوەی جێگای تێبینییە مەسرور بارزانی تا ئێستا دوان لە سەركردەهەڵگەڕاوەكانی گۆڕانی كردووە بە یاریدەدەر كە بریتین لە رێباز حەملان و محەمەد حاجی.ئەمانە هەردوكیان لە سەردەمی ژیانە نەوشیروان مستەفا لە گۆڕان جیابونەوە و چونە پاڵ پارتی.هێنانەپێشەوەشیان بە هەوڵی پاداشت دانەوەیان دادەنرێت لە لایەن پارتی و مەسرور بارزانییەوە.

 

،،

بەهەموو پێوەرێك دانانی ئەم دوو كەسە وەك یاریدەدەر لە كابینەی نوێدا كە بە كابینەی هاوپەیمانی پارتی  و گۆڕان ناسراوە، ئیستیفزازكردنی گۆڕانە لەلایەن پارتییەوە و نیەتی باشی پارتی و سەرۆكی حكومەت بەرامبەر بە گۆڕان پیشان نادات.

پێشتر بڕیار بوو، رێباز حەملان بكرێتە یاریدەدەری وەزیری دارایی،بەڵام گۆڕان نیگەرانی خۆی گەیاندە پارتی و بەو هۆیەوە رێباز حەملان نەكرایە یاریدەدەری ئابوری،بەوپێیەی وەزارەتەكە لای گۆڕانە. بەڵام موجامەلەی پارتی بۆ گۆڕان نەبووە هۆی دورخستنەوەی تەواوەتی رێباز حەملان،بەڵكو تەنها بوارەكەی گۆڕدرا.

 سەبارەت بە موحەمەد حاجی هەرچەندە گۆڕان بەفەرمی هیچی نەوتووە  بەڵام محەمەد حاجی تۆمەتبارە بە تۆماركردنی دەنگی نەوشیروان مستەفا لە كۆبونەوەكاندا و بردنی ئەو تۆمارە دەنگیانە بۆ پارتی.

 

بەهەموو پێوەرێك دانانی ئەم دوو كەسە وەك یاریدەدەر لە كابینەی نوێدا كە بە كابینەی هاوپەیمانی پارتی  و گۆڕان ناسراوە، ئیستیفزازكردنی گۆڕانە لەلایەن پارتییەوە و نیەتی باشی پارتی و سەرۆكی حكومەت بەرامبەر بە گۆڕان پیشان نادات.

 

هەروەها دانانی یاریدەدەرەكان بەجۆرێك لە جۆرەكان لێدانە لە دەسەڵاتەكانی قوباد تاڵەبانی جێگری سەرۆكی حكومەت. بەوپێیەی لە كابینەكانی دیكەدا چەند مەلەفێكی تایبەت بە جێگری سەرۆكی حكومەت سپێردرابون بەڵام ئەمجارە لە سایەی ئەو هەموو یاریدەدەرەدا هیچ رۆڵێك بۆ جێگری سەركی حكومەتیش نامێنێتەوە.

 

هەروەها دانانی ئەم یاریدەدەرانە خۆی لەخۆیدا فراوانكردنی كابینە و قورسكردنی باری حكومەتە، لەكاتێكدا حیزبەكانی دیكە وەك بەشێك لە مفاوەزات داوای یاریدەدەریان كردووە پارتی بەبێ حسابكردن بۆ هاوبەشەكانی لە حكومەتدا بە ئارەزوی خۆی چەندی یاریدەدەر بوێت دایدەنێت.

 

 

author photo

ڕۆژنامەنوس و مامۆستای زانكۆ

سەرنوسەری دیپلۆماتیك مەگەزین

ڕۆژنامەنوسی تایبەتمەند لە ڕۆژنامەوانی بنكۆڵكاری