سیاسەتەکانی ترەمپ، کۆشکی سپی کردووەتە شوێنی ئاڵوگۆڕی بەرپرسان

سیاسەتەکانی ترەمپ، کۆشکی سپی کردووەتە شوێنی ئاڵوگۆڕی بەرپرسان

955 خوێندراوەتەوە

 

کۆشکی سپی، ئەو کۆشکەی هەموو سپێدەیەک لەو سەری خۆرهەڵاتی زەوییەوە بۆ ئەو سەری باکورییەوە، خەڵک چاوەڕێی دواین پێشهاتی سیاسیی و گۆڕانکاریی نێودەوڵەتی لێدەکەن، لە ئێستادا بووەتە شوێنی بەجێهێێشتن و دەست لەکارکێشانەوەی بەرپرسەکان، ڕەنگە بە درێژایی ئیدارەدانی کۆشکی سپی ئاڵۆزترین و بێبەخت ترین ئەو بەرپرسانە بن، کە لەماوەیەکی کەمدا لە ڕیگەی تویتەکانی ئەو دامەزراوەیە دەست لەکارەکانیان هەڵبگرن، ڕەنگە خولیا و خەونە تەواو نەکراوەکانیان فشارێکی دەروونی لە سەریان جێبهێڵیت، لەم ڕۆژانەدا زۆرترین کەسی باڵای ئیدارەی ترەمپ لەپۆستەکانیان دوور خرانەوە  ، بەبڕیاری سەرۆک تڕامپ (5) بەرپرس لە کارەکانیان دەرکراون ، 16 بەرپرسی تر  دەستیان لەکارکێشاوەتەوە ، ڕەتی ئەوەیان کردۆتەوە لە ئیدارەی ترەمپ کار بکەن.

 

cv
دۆناڵد ترەمپ و  ژمارەیەک لە ئەندامانی تیمەکەی ـ کۆشکی سپی

 

ئەو شڵەژانەی ئیدارەی ترەمپ چاودێرانی خستووەتە بەردەم ئەو بڕوایەی بێ توانای ترەمپ دەردەخات، کە ناتوانێت کەسە نزیکەکانی لەکار کردن لەگەڵی بەردەوامبن، ترەمپ دەخوازێت  دوایین قسە و بڕیار هەر خۆی بیدات و هەر خۆشی ئەو کەسە بێت کە سەرکەوتنەکانی لە بڕیارەکان و شانازییەکەی تەنها بۆ خۆی بێت، ئەمەش وادەکات ئەو تیمەی لەگەڵیدا کار دەکەن وابیر بکەنەوە لە دیوانی پاشایەتیی کار بکەن نەک ئەو شوێنەی کە پێویست دەکات بڕیارە قورسەکان بەڕاوێژ دەربکرێن، گۆڕانکارییەکانی ترەمیش پێدەچێت هەر لەو چوارچێوەیە بخولێتەوە.

،،

ترەمپ دەخوازێت  دوایین قسە و بڕیار هەر خۆی بیدات و هەر خۆشی ئەو کەسە بێت کە سەرکەوتنەکانی لە بڕیارەکان و شانازییەکەی تەنها بۆ خۆی بێت، ئەمەش وادەکات ئەو تیمەی لەگەڵیدا کار دەکەن وابیر بکەنەوە لە دیوانی پاشایەتیی کار بکەن نەک ئەو شوێنەی کە پێویست دەکات بڕیارە قورسەکان بەڕاوێژ دەربکرێن.

 

ڕیکس تیلەرسۆن، کە بە پیاوی بزنس دەرکەوت دواین جاریش لە تەنیشت پیاوێکی بازرگانەوە دەیویست شوێن پەنجەی لەسەر گۆڕانکارییەکانی جیهان جێبهێڵێت، بەڵام دوورخستنەوەی بە بڕیاری ترەمپ ئەو هیوا و خۆزگانەی لەگەڵ خۆی لە کۆشکی سپی بردنە دەرەوە، دیاریش نییە ئەو پیاوە بازرگانە، کە بە داوا و خواستی ترەمپ هاتە وەزارەتی دەرەوە لە کوێ دەست بە تۆڵەکانی خۆی دەکاتەوە.

 

fvt
ڕیکس تیلەرسۆن، وەزیری دەرەوەی لە کارلابراوی ئەمریکا

 

بۆ ئێمەی کورد گۆڕانکارییەکان چ لەو هاوکێشە ئاڵۆزە ناجێگیرە دەبینن کە میللەتی کورد تێدا گوزەر دەکات، تیمی نوێ لە پێناو خواستەکانی ترەمپ ئامادەن تەنها بەڵێی بۆ بکەن؟ وای دەبینین ئەو تیمە ناتوانن شتێک پێشکەش بە کورد بکات بە تایبەت تریش کە هەندێک چاودێر  پێیانوایە هاتنی  جۆن بۆڵتن وه‌ك ڕاوێژكاری ئه‌نجومه‌نی ئاسایشی نەتەوەیی ئه‌مریكا کورد دەباتە قۆناغێکی تر لە پشتگیرییی بەڵام ئەو بۆچوونە پێچەوانە دەبێتەوە کاتێک ترەمپ کورد وەک شەڕکەرێکی باش دەبینیێت نەک وەک پاراستنی بەرژەوەندی هاوبەش، جۆن بۆڵتن کە پێشتر باڵیۆزی ئه‌مریكا بووە له‌ نه‌ته‌وه‌ یه‌كگرتووه‌كان، به‌یه‌كێك له‌و سیاسیانه‌ی ئه‌مریكا دادەنرێت، كه‌ هه‌ڵوێسته‌كانی ڕاسته‌وخۆن‌ و دوورن له‌ موجامه‌له‌ی سیاسییانه‌وە.

،،

هەندێک چاودێر  پێیانوایە هاتنی  جۆن بۆڵتن وه‌ك ڕاوێژكاری ئه‌نجومه‌نی ئاسایشی نەتەوەیی ئه‌مریكا کورد دەباتە قۆناغێکی تر لە پشتگیرییی بەڵام ئەو بۆچوونە پێچەوانە دەبێتەوە کاتێک ترەمپ کورد وەک شەڕکەرێکی باش دەبینیێت نەک وەک پاراستنی بەرژەوەندی هاوبەش.

 

fvty
جۆن بۆڵتن، کاندیدکراو بۆ پۆستی ڕاوێژکاری ئاسایشی نەتەوەیی ئەمریکا

  

ڕۆژنامه‌ی حه‌یات، لە ڕاپۆرتێکدا پێیوایە پارتی دیموکراتی کوردستان، وای دەبینێت جۆن بۆڵتن ڕەنگە ئه‌و هاوكێشه‌یه‌ی، كه‌ پاش ڕیفراندۆمه‌كه‌ی کوردستان دروستبووه‌ و دۆخی کوردستانی ئاڵۆز کرد، بۆڵتن بتوانێت بە پێدانەوەی پۆستی سەرۆک وەزیرانی داهاتووی عێراق بە حەیدەر  عەبادی، هەرێمی کوردستان بگەڕێنێتەوە دۆخێکی ئاسایی، بەڵام ئەمەش دەکەوێتەوە سەر بەرژەوەندییە بازرگانییەکانی ترەمپ، ڕەنگە ئەگەر هەوڵێکی وا بدات چارەنووسی لە چارەنووسی تیلەرسۆن باشتر نەبێت.

 

 

author photo

 

نوسەر و ڕۆژنامەنوس