سیاسه‌تی ئێمه ئه‌وه‌یه نامانه‌وێت هیچ که‌سێک بکوژین ئه‌گه‌ر داعشیش بێت

سیاسه‌تی ئێمه ئه‌وه‌یه نامانه‌وێت هیچ که‌سێک بکوژین ئه‌گه‌ر داعشیش بێت

474 خوێندراوەتەوە

ئیلهام ئەحمەد

سیاسه‌تی ئێمه ئه‌وه‌یه نامانه‌وێت هیچ که‌سێک بکوژین ئه‌گه‌ر داعشیش بێت

ئه‌م چاوپێکه‌وتنه له‌گه‌ڵ ئیلهام ئه‌حمه‌د، مانگی ڕابردوو پێش ده‌ستپێکردنی له‌شکرکێشیی داگیرکاریی تورکیا ڕۆژنامه‌نوس جارید سزوبا به زمانی ئینگلیزی بۆ پێگه‌ی 'زه دیفێنس پۆست' ئه‌نجامی داوه، به‌ڵام چونکه بۆ تێگه‌یشتن له بارودۆخی ئێستای ڕۆژاڤا گرنگه وه‌رمگێڕاوه بۆ زمانی کوردی. 


ئیلهام ئه‌حمه‌د ئه‌ندامێکی باڵای پارتی یه‌کێتی دیموکرات (په‌یه‌‌ده) و هاوسه‌رۆکی ده‌سته‌ی جێبه‌جێکاری ئه‌نجومه‌نی سوریای دیموکراته که ناوچه‌ی ئۆتۆنۆمی باکور و ڕۆژهه‌لاتی سوریا به‌ڕێوه‌ ده‌بات.
دیفێنس پۆست: ئه‌مڕۆ، ئه‌نتۆنیۆ گیوتیرێز سکرتێری گشتی نه‌ته‌وه یه‌کگرتووه‌کان رایگه‌یاند کۆمیته‌ی ده‌ستوریی سوریا پێکهاتووه. ئایا هیچ که‌سێک له ئیداره‌ی خۆبه‌ڕێوه‌به‌ریی یاخود هێزه‌کانی سوریای دیموکرات خراوه‌ته ناو ئه‌و کۆمیته‌یه‌وه؟


ئیلهام ئه‌حمه‌د: نه‌خێر.

دیفێنس پۆست: ئه‌دی کاردانه‌وه‌ی ئێوه چییه؟

ئیلهام ئه‌حمه‌د: ئێمه ئه‌و کۆمیته‌یه ناپه‌ژرێنین (قبوڵی ناکه‌ین). نوێنه‌راتیمان تێیدا نییه، له‌به‌ر ئه‌وه وابه‌سته نیین به هیچ ده‌رئه‌نجامێک که له‌و کۆمیته ده‌ستوریه بکه‌وێته‌وه.
هه‌ر به جدی ئێمه تێناگه‌ین نیه‌ت چییه له‌وه‌ی نه‌خراوینه‌ته ناو ئه‌و کۆمیته‌یه‌وه. هه‌ر بۆ رازیکردنی تورکیایه‌؟ بڕوا ناکه‌م. من زۆر گومان له نیه‌تی سیاسه‌تکارانی نێوده‌وڵه‌تی ده‌که‌م. باوه‌ڕم نییه هیچ خواستێک هه‌بێت کێشه‌ی سوریا به‌شێوه‌ی سیاسی چاره‌سه‌ر بکرێت.
به‌بێ گرتنه‌خۆی لایه‌نه‌کان، پێکدادان هه‌ر به‌رده‌وام ده‌بێت.

دیفێنس پۆست: له‌وکاته‌وه‌ی کۆمیته‌که پێکهاتووه له‌گه‌ڵ حکومه‌تی ئه‌مه‌ریکی قسه‌تان کردووه؟

ئیلهام ئه‌حمه‌د: جارێ نه‌خێر. ڕه‌نگه له ڕۆژانی داهاتوودا. ئێمه پێشتریش به حکومه‌تی ئه‌مه‌ریکیمان وتووه ئه‌گه‌ر ئێمه‌ی تێدا نه‌بین ئه‌و کۆمیته‌یه به‌ که‌ڵک نایات. پێم وایه ڕێککه‌وتنێکی نێوده‌وڵه‌تی هه‌یه له‌سه‌ر کۆمیته‌که.

دیفێنس پۆست: به‌م دوواییانه که‌ستان ناردووه بۆ دیمه‌شق بۆ تاوتێکردنی بابه‌ته‌که؟

ئیلهام ئه‌حمه‌د: ساڵێک پێش ئێستا به‌ڵێ. چیدی پێویست نییه، ناگه‌ین به هیچ له‌گه‌ڵیان.

دیفێنس پۆست: پێش کۆبونه‌وه‌که‌ی ئه‌نکه‌ره له‌نێوان سه‌رۆکی روسیا و ئێران و تورکیا سه‌ره‌تای ئه‌م مانگه، وه‌زیری ده‌ره‌وه‌ی سوریا به هێزه‌کانی سوریای دیموکرات 'هه‌سه‌ده' ی گوت 'تیرۆریست'.

ئیلهام ئه‌حمه‌د: ناوهێنانی هه‌سه‌ده به تیرۆریست ناڕه‌وایه، له‌کاتێکدا هێزی راسته‌قینه‌ی شه‌ر دژی تیرۆریزم هه‌سه‌ده‌ بووه. ئه‌مه راستی ئه‌و ڕژێمه و ئه‌وه نیشان ده‌دات که چه‌ند دوورن له‌وه‌ی له‌گه‌ڵ ئێمه بگه‌نه ڕێککه‌وتن، هه‌روه‌ها پێداگیری ئه‌وان نیشان ده‌دات له‌سه‌ر هه‌ژموونی سه‌ربازی.

دیفێنس پۆست: دوواهه‌مین زانیاری چیه له‌سه‌ر خستنه‌گه‌ڕی میکانیزمی ئه‌منی نێوان ئه‌مه‌ریکا و تورکیا له باکوری خۆرهه‌ڵات؟

ئیلهام ئه‌حمه‌د: میکانیزمه ئه‌منیه‌که جه‌ختکردنه‌سه‌ر داگیرکاری تورکیایه. ئێمه هه‌نگاوی یه‌که‌ممان نا، ئه‌وه‌ش بارودۆخه‌که‌ی هێور کرده‌وه. به‌ڵام ئه‌وه کاتیه و هه‌میشه‌یی نییه. تورکیا هێشتا هه‌ڕه‌شه‌یه و قه‌یرانه‌که قوڵتر ده‌کاته‌وه. هێشتا مه‌ترسیمان له‌سه‌ره.
که‌واته، یه‌په‌گه له سنور کشایه‌وه و شوێنگه‌ی به‌رگریکردن له‌گه‌ڵ هاوپه‌یمانی نه‌ما؟

ئیلهام ئه‌حمه‌د: دروسته.

دیفێنس پۆست: پاسان چی؟ هێشتا یه‌په‌گه‌ی دیکه هه‌ن له سنوور بکشێنه‌وه؟

ئیلهام ئه‌حمه‌د: ئێستا له ناوچه‌ی میکانیزمی ئه‌منی، هێزی دیکه‌ نه‌ماوه تاکو بکشێنه‌وه.

دیفێنس پۆست: ئه‌و ڕۆژه، به‌رپرسێکی پینتاگۆن، به‌ڕێوه‌به‌ری هێزه‌کانی ئه‌رکی دژایه‌تیکردنی داعش کریس ماجیر وتی هێشتا هه‌ندێک ئه‌ندامانی یه‌په‌گه له‌وێن، به‌ڵام به‌م زووانه پاشه‌کشه ده‌که‌ن.

ئیلهام ئه‌حمه‌د: نه‌خێر که‌سی لێنییه.

دیفێس پۆست: مه‌وداکه‌ش (مه‌ودای هاتنه‌ناوه‌وه‌ی سوپای تورکیا) ڕ‌‌ه‌زامه‌ندی لههسه‌ر دراوه؟

ئیلهام ئه‌حمه‌د: له‌نێوان ٥ بۆ ١٤ کیلۆمه‌تر، که‌وتۆته سه‌ر جێگاکه‌ش.

دیفێنس پۆست: ئه‌ردۆگان داوای ٣٠ بۆ ٤٠ کیلۆمه‌تری کردووه. ئه‌وه چۆن ده‌بینیت؟ ئێوه له‌و مه‌ودایه زیاتر قبوڵ ده‌که‌ن که پێشتر ڕه‌زامه‌ندیتان له‌سه‌ر داوه؟

ئیلهام ئه‌حمه‌د: نه‌خێر.

..

تورکیا به پاکتاوی ڕه‌گه‌زیی ئاسوده ده‌بێت له ناوچه‌که، هه‌روه‌ها به نیشته‌جێکردنی ئاواره‌کانی سوریا که خه‌ڵکی ئه‌م ناوچه‌یه نین

دیفێنس پۆست: ئه‌ردۆگان وتی کۆتایی سێپته‌مبه‌ر، ئه‌گه‌ر ڕێککه‌وتنه‌که و هه‌نگاوه‌کان ته‌واو نه‌بوون، ڕه‌نگه هێرشه‌که‌ی ده‌ستپێبکات. پێت وایه هه‌نگاوه‌کانی کۆتایی تاکو ئه‌وکاته بگاته ئامانج؟

ئیلهام ئه‌حمه‌د: ئێمه نازانین تورکیا چی هه‌نگاوێک له ئێمه داوا ده‌کات. تورکیا باسی کیلۆمه‌تر ده‌کات و ئێمه‌ش قبوڵی ناکه‌ین.

دیفێنس پۆست: هیچ ئایدیایه‌کتان هه‌یه تورکیا چی ده‌وێت؟

ئیلهام ئه‌حمه‌د: تورکیا به پاکتاوی ڕه‌گه‌زیی ئاسوده ده‌بێت له ناوچه‌که، هه‌روه‌ها به نیشته‌جێکردنی ئاواره‌کانی سوریا که خه‌ڵکی ئه‌م ناوچه‌یه نین، وه‌کو له عه‌فرین کردی.

دیفێنس پۆست: تورکیا وتی ٢ بۆ ٣ ملیۆن ئاواره ده‌به‌نه هه‌رێمێکی ئارام. ئێوه وتوتانه هه‌ندێک ئاواره قبول ده‌که‌ن. مه‌رجه‌کان بۆ قبوڵکردنی ئه‌و ئاوارانه چین؟

ئیلهام ئه‌حمه‌د: ده‌بێت خه‌ڵکی ناوچه‌که بن.
دیفێنس پۆست: ئه‌ردۆگان وتویه‌تی ڕه‌نگه پرۆژه‌ی بنیادنانی خانووبه‌ره جێبه‌جێ بکه‌ن. ئێوه به‌وه رازی ده‌بن؟
ئیلهام ئه‌حمه‌د: نه‌خێر.

دیفێنس پۆست: حکومه‌تی ئه‌مه‌ریکی شتێکی تا راده‌یه‌ک جیاوازی له‌وه‌ی ئێوه وتووه. ماجێر، هه‌فته‌ی رابردوو وتی ئه‌مه‌ریکیه‌کان له ناوچه سنوریه‌کان ئاواره سوریه‌کان به هاوکاری نه‌ته‌وه یه‌کگرتووه‌کان قبوڵ ده‌که‌ن ئینجا خه‌ڵکی ناوچه‌که بن یان نا. ئه‌و نه‌یگوت هه‌ر ده‌بێت خه‌ڵکی ناوچه‌که بن. ئه‌وه بایه‌خی هه‌یه بۆ ئێوه؟

ئیلهام ئه‌حمه‌د: ئێمه به ئه‌مه‌رکیه‌کانمان وتووه ته‌نیا خه‌لکی ناوچه‌که بۆی هه‌یه لێره نیشته‌جێ بکرێت. ئه‌وان ئه‌وه ده‌زانن.

زه دیفێنس پۆست: پێت وایه ئه‌مه‌ریکیه‌کان به‌پێی توانای خۆیان به قسه‌تان ده‌که‌ن؟

ئیلهام ئه‌حمه‌د: جارێ هیچ شتێک پێچه‌وانه‌ی ئه‌وه روینه‌داوه که ئێمه ڕه‌تمانکردۆته‌وه.

دیفێنس پۆست: وه‌زیری به‌رگری تورکیا، هولوسی ئه‌کار وتویه‌تی ده‌یانه‌وێت بنکه‌ی هه‌ڵمه‌تی هاوبه‌ش له‌گه‌ڵ ئه‌‌مه‌ریکیه‌کان له‌‌سه‌ر سنور له‌ناو خاکی سوریا بناید بنێن. ئێوه قبوڵی ده‌که‌ن؟

ئیلهام ئه‌‌حمه‌د: نه‌خێر.

دیفێنس پۆست: ئه‌مه‌ریکیه‌کان ئه‌وه ده‌زانن؟

ئیلهام ئه‌حمه‌د: باسی ئه‌وه‌یان نه‌کردووه.
دیفێنس پۆست: جه‌نه‌رال مه‌زڵوم (فه‌رمانده‌ی هێزه‌کانی سوریای دیموکرات) وتی سه‌ربازه‌کانی سوپای تورکیا بۆیان نییه سنور ببڕن، که‌چی ئه‌مه‌ریکیه‌کان ڕێگه‌یان پێدان.
ئیلهام ئه‌حمه‌د: هاتن و گه‌ڕانه‌وه.

دیفێنس پۆست: که‌واته بوونی سوپای تورکی جێگیر مایه‌ی قبوڵ نییه؟
ئیلهام ئه‌حمه‌د: نه‌خێر.

,,

. دووای هه‌ندێک بۆردومان له ناوچه‌که‌ی ئێمه، بۆمان ده‌رکه‌وت ڕژێم (ی سوریا) به‌رپرسه

دیفێنس پۆست: ئایا ئـه‌مەریکیه‌کان هیچ گه‌رانتییه‌کیان داوه به‌وه‌ی ئه‌گه‌ر شتێک له‌لایه‌ن تورکیاوه ڕوویدا به‌ری سنووری لای ئێوه بپارێزن، هیچ جۆره گه‌رانتییه‌ک به‌وه‌ی له‌گه‌ل هێزه‌کانی تورکیا له ناوچه‌ی ئارام ده‌مێننه‌وه؟

ئیلهام ئه‌حمه‌د: هه‌تاکو ئێستا ڕاگه‌یاندراوی فه‌رمی ئه‌وان له
چوارچێوه‌ی نه‌خشه‌ڕێگای ڕێگه‌گرتن له 'ئاڵۆزبوونی زیاتری بارودۆخه'، هیوادارین هه‌ر ئاوا بمێننه‌وه (هه‌ڵبه‌ته چاوپێکه‌وتنه‌که وه‌ک ئاماژه‌مان پێداوه پێش ئه‌م پشێوی و داگیرکاریه ئه‌نجام دراوه).

دیفێنس پۆست: سه‌باره‌ت به ئاسایشی ناوخۆ، ئه‌و کۆسپ و نیگه‌رانیانه چین که روبه‌روتان ده‌بنه‌وه؟

ئیلهام ئه‌حمه‌د: هێشتا مه‌ترسیه‌کی گه‌وره‌ی داعش هه‌ر هه‌یه. بێگومان مه‌ترسی هه‌ڕه‌شه‌ی تورکیا و پێداگیری ڕژێمی سوریا له‌سه‌ر ڕێگه‌ی سه‌ربازی.

دیفێنس پۆست: هێزه‌کانتان ڕوبه‌روی هیچ مه‌ترسیه‌ک بوونه‌ته‌وه له‌لایه‌ن ئه‌و میلیشیایانه‌ی ئێران پشتگیریان ده‌کات، بۆ نمونه له ناوچه‌ی دێر ئه‌لزور؟

ئیلهام ئه‌حمه‌د: هه‌وڵی زۆر هه‌یه بۆ ڕێکخستنی هۆزه‌کان و شانه‌کان له‌ناو قه‌ڵه‌مڕه‌وی ئێمه‌. دووای هه‌ندێک بۆردومان له ناوچه‌که‌ی ئێمه، بۆمان ده‌رکه‌وت ڕژێم (ی سوریا) به‌رپرسه، به‌تایبه‌ت له حه‌سه‌که و قامیشلو.

وەرگێڕانی ــ ماردین ئیبراهیم


گروپ و ده‌سته‌ی سه‌ر به لایه‌نی بیانی به‌راستی بارودۆخه‌که ئاڵۆزتر ده‌که‌ن. وه‌کو ئه‌وه وایه بۆمبێک بێت و ده‌کرێت هه‌ر کاتێک بته‌قێته‌وه.
بابه‌تی عه‌فرینیش هه‌یه ( زۆرینه‌ی دانیشتووانی کورد بوون ساڵی ٢٠١٨ تورکیا داگیری کرد). ده‌ستدرێژی بۆ سه‌ر هاولاتیانی سڤیل له زیادبووندایه. هه‌ڵمه‌ته‌کان خه‌ڵک بێ جێ‌وڕێ ده‌که‌ن. ده‌ستگیرکردن، ڕفاندن، کوشتن. نیشته‌جێکردنی عه‌ره‌به‌کان له جێگایه‌ک که هی خه‌ڵکی عه‌فرینه. هه‌ندێکیان له‌ناو تورکیاوه هاتوون، له‌م دوواییانه له هه‌ڵمه‌تی ئیدلیبه‌وه و هه‌روه‌ها له غوتاوه.
هه‌ڵمه‌تی تورکاندن هه‌یه. قوتابخانه‌کان به تورکی ده‌خوێنن. ئه‌نجومه‌نی خۆجێی ئالای تورکیای هه‌ڵکردووه. زۆرتر له شارۆچکه‌یه‌کی نزیک غازی عه‌نتاب ده‌چێت. ئه‌مه پرۆژه‌ی دابه‌شکاریه. تورکیا به هاوکاری نێوده‌وڵه‌تی سوریا دابه‌ش ده‌کات.
دیفێنس پۆست: باسی بارودۆخی که‌مپی ئه‌لهۆل مان بۆ بکه. هیچ پێشڤه‌چوونی ئه‌رێنی هه‌یه؟

ئیلهام ئه‌حمه‌د: جارێ نه‌خێر. هیچ هاوکاریه‌ک نییه. هیچ پرۆژه‌یه‌کی ستراتیجی نییه بۆ که‌مپه‌که. بارودۆخی ئه‌منی که‌مپه‌که زۆر خراپه. هه‌ندێکجار خێوه‌ته‌کان ده‌سوتێنن، خه‌ڵک ده‌کوژن. گروپی ناو که‌مپه‌که ئه‌و کارانه ده‌که‌ن. جێهێشتنی که‌مپه‌که به‌م شێوه‌یه زۆر ترسناکه.

دیفێنس پۆست: هه‌فته‌ی ڕابردوو به‌رپرسێکی پینتاگۆن ده‌رباره‌ی دۆخی ئه‌منی که‌مپی ئه‌لهۆل و که‌مپه‌کانی دی وتی بارودۆخه‌که 'ناجێگیره' هه‌روه‌ها وتی ئه‌‌مه‌ریکا راهێنان به هێزه ئه‌منیه‌کان ده‌کات له که‌مپه‌که. ئه‌مه‌ریکیه‌کان هیچ شتێکی زیاتریان پێشکه‌ش کردووه؟

ئیلهام ئه‌حمه‌د: نه‌خێر هیچ شتێک. که‌مپه‌که پێویستی به پرۆگرامی سه‌رله‌نوێ گونجاندنه‌وه و بارهێنانه‌وه‌ی زیندانیه‌کان هه‌یه (ڕیهابیلیته‌یشن). پێویسته زیندانیه‌کان لێکدی جیابکرێنه‌وه له که‌مپه‌که‌دا. سوریه‌کان له‌گه‌ل عێراقیه‌کان و بیانیه‌کاندا له هه‌مان جێگه‌دان- پێویسته جیابکرێنه‌وه له یه‌کتر تاکو بتووانرێت وایان لێبکرێت به که‌ڵکی ناو کۆمه‌ڵگه بێن.

دیفێنس پۆست: ئه‌وه ده‌ستی پێکردووه؟

ئیلهام ئه‌حمه‌د: نه‌خێر. نه‌ته‌وه یه‌کگرتووه‌کان ڕێ به‌وه نادات. ئێمه پێویستیمان به هاوکاری زۆر هه‌یه. هاوکاری دارایی. ئه‌وێ وه‌کو شارێکی بچوک وایه.

دیفێنس پۆست: بیستوومانه یه‌که‌ی ژنان هه‌یه له‌ناو هێزه تایبه‌ته‌کانی هه‌سه‌ده، ئه‌وه‌مان بۆ باس بکه، که‌ی ئه‌وه ده‌ستی پێکردووه؟

ئیلهام ئه‌حمه‌د: به‌ڵێ وایه. چونکه ئێمه هێزه تایبه‌ته‌کانمان هه‌یه، هێزی تایبه‌تیشمان هه‌یه که ته‌نیا ڕاهێنان به ژنان ده‌کات. ئه‌گه‌ر ژنان ده‌یانه‌وێت سه‌ربه‌خۆ بن، ڕێکخراوی خۆیان پێویسته.

دیفێنس پۆست: بارودۆخی دێر ئه‌لزور هه‌میشه پڕکێشه بووه. هێرشی به‌رده‌وام دژی شانه نوستووه‌کانی داعش هه‌بووه و واده‌رده‌که‌وێت ئه‌و هێرشانه ئامانجی خۆیان پێکابێت. نه‌ته‌وه یه‌کگرتووه‌کان ڕاپۆرتێکی بڵاوکردۆته‌وه که له هه‌ندێک له‌و هێرشانه‌دا که هێزه‌کانی سوریای دیموکراتی تێدا بووه و ئه‌وان زانیاریان لایه که خه‌لکی بێتاوان تێیدا کوژراوه. له روداوێکدا، سێ پیاو و ژنێکی دووگیان کوژراون کاتێک له خانویه‌ک هاتونه‌ته‌ده‌ره‌وه. ئه‌مه‌ش پشێوی و ناڕه‌زایه‌تی دژی هه‌سه‌ده‌ لێکه‌وتۆته‌وه. ئیداره‌ی ئێوه وه‌لامی بۆ ئه‌و راپۆرت و سکاڵایانه چییه؟
ئیلهام ئه‌حمه‌د: هێرش و به‌سه‌ردادانه‌کان له‌گه‌ڵ
هاوپه‌یمانه‌کان کراون. سیاسه‌تی ئێمه ئه‌وه‌یه نامانه‌وێت هیچ که‌سێک بکوژین ئه‌گه‌ر داعشیش بێت، گرتنیان به زیندویی خواستی سه‌ره‌کی ئێمه‌یه. به‌ڵام ئه‌گه‌ر به‌ره‌نگاری هه‌بێت، هێزه‌کان ناچارن به‌رگری له خۆیان بکه‌ن.
ئه‌گه‌ر دڵنیابین له‌وه‌ی ئه‌وانه‌ی کوژراون خه‌ڵکی سڤیلن، ئه‌وا پرۆسه‌ی لێکۆڵینه‌وه‌و ئاشتبوونه‌وه (له‌گه‌ڵ که‌سوکاریان) ده‌ستپێده‌که‌ین.

دیفێنس پۆست: ئینجا ئه‌وه چۆن ده‌که‌ن؟

ئیلهام ئه‌حمه‌د: ئێمه کۆمیته‌ی ئاشتبونه‌وه‌مان هه‌یه بۆ خێڵه‌کان. خه‌ڵک ده‌تووانێت له ڕێگه‌ی هێزه ئه‌منیه‌کانه‌وه وه‌کو ئاسایش و پۆلیس سکاڵا بداته ئه‌نجومه‌نی خۆجێیی. بێگومان ئه‌و مه‌سه‌لانه زۆر به جدی وه‌رده‌گرین.
ئه‌وه مانای ئه‌وه نییه که هه‌ڵه ناکه‌ین، به‌ڵام مکوڕین له‌سه‌ر راستکردنه‌وه‌ی هه‌ڵه‌کانمان.

دیفێنس پۆست: یه‌کێک له‌و سیاسه‌تانه‌ی خه‌ڵکی له دێر ئه‌لزور بێزار کردووه مه‌سه‌له‌ی سه‌ربازی به‌زۆره - ته‌جنیدی ئیلزامی. ئه‌وه هه‌تا که‌ی به‌رده‌وام ده‌بێت؟
ئیلهام ئه‌حمه‌د: ئه‌وه له دێر ئه‌لزور په‌یڕه‌و ناکرێت، له ڕه‌قه و له ته‌بقه‌ش ناکرێت. ته‌نیا له کانتۆنی جه‌زیره و کۆبانێ- حه‌سه‌که و کۆبانێ ده‌کرێت. له دێر ئه‌لزور ناکرێت. هێزی به‌رگریمان هه‌یه، به‌ڵام خۆبه‌خشن. خه‌ڵک له ماڵه‌کانی خۆیان و له خاڵی پشکنینه‌کان ده‌ستگیر ناکه‌ین {تاکو خۆمان له سه‌ربازگریی به‌زۆر ببوێرین}

دیفێنس پۆست: ئه‌دی چۆن خه‌ڵک ڕازی ده‌که‌ن په‌یوه‌ست بن؟ بێگومان خه‌ڵکێکی خۆبه‌خش هه‌یه، به‌ڵام .....
ئیلهام ئه‌حمه‌د: خێڵه‌کان کوڕی لاویان زۆره ده‌یانه‌وێت په‌یوه‌ست بن. هه‌روه‌ها مانگانه و پێگه‌ی مه‌عنه‌ویان ده‌ست ده‌که‌وێت. هه‌روه‌ها فراوانی په‌یوه‌ندیه گشتیه‌کانی هه‌سه‌ده سه‌رنجی خه‌ڵک بۆ په‌یوه‌ستبوون ڕاده‌کێشێت.
دیفێنس پۆست: یه‌کێک له‌و مه‌سه‌لانه‌ی جێگه‌ی نیگه‌رانی خه‌ڵک بوو له دێر ئه‌لزور پشکی ئه‌وان بوو له نه‌وت. نیگه‌رانی هه‌بوو له‌وه‌ی هه‌ندێک که‌س له ئه‌نجومه‌نی سه‌ربازی دێر ئه‌لزور له ڕێگه‌ی ڕوباره‌که‌وه نه‌وت ده‌فرۆشن.
ئیلهام ئه‌حمه‌د: نه‌وت کێشه‌ی زۆره. ئه‌و ده‌زگایه‌ی په‌یوه‌ندی به داهاتی نه‌وته‌وه هه‌بوو هه‌ندێک کێڵگه‌ی نه‌وتی داوه به گونده‌کان. له‌سه‌ر ئه‌وه شه‌ر له‌نێوان خه‌ڵکی دێر ئه‌لزور رویداوه. ئینجا که‌سانی دیاری ئێمه و سکاڵاکاران وتیان 'ئێوه وه‌ری بگرن'، ئیتر ئێمه وه‌رمان گرت. ئه‌وه ماوه‌یه‌کی زۆر پێش ئێستا بوو، سه‌ره‌تای نوسینگه‌ی نه‌وت بوو.
ئه‌وانه‌ی ده‌یان فرۆشت پێیان گوتین که بازرگانی نه‌وت هه‌ن و هه‌ندێکجار خه‌ڵکی دێر ئه‌لزورن. ئه‌وانه ده‌چن به قاچاخ ده‌یفرۆشن به خه‌ڵکی تر و کێشه دروست ده‌بێت. ئیتر ئێمه ڕێگای قاچاخمان گرت.

دیفێنس پۆست: ئه‌مه‌ریکیه‌کان پێیان خۆش نه‌بوو به حوسام قاتیرجی بفرۆشرێت که بزنسمانێکی سوریه و په‌یوه‌ندی به حکومه‌ته‌وه هه‌یه.
ئیلهام ئه‌حمه‌د: که‌واته با ڕێگه‌یه‌کمان پێ بڵێن. با هاوکاریمان بکه‌ن له دۆزینه‌وه‌ی به‌دیلێک .

دیفێنس پۆست: هیچ له‌و پاره‌یه ده‌چێت بۆ قه‌ندیل؟
ئیلهام ئه‌حمه‌د: پاره بۆ بچێت بۆ قه‌ندیل؟

دیفێس پۆست: هه‌ندێک ده‌ڵێن ....
ئیلهام ئه‌حمه‌د: هه‌ر به‌شی ناوچه‌که‌ش ناکات. به‌رهه‌مهێنان له ئاستێکی زۆر که‌مدایه. ژێرخانمان هه‌ر نه‌ماوه. به‌رهه‌‌مهێنانی نه‌وت، ئاو، کشتوکاڵ به هه‌زار حاڵ به‌شی پێداویستیه‌کانی ناوچه‌که ده‌کات.

دیفێنس پۆست: مه‌ىه‌ستم نه‌وته‌که نییه، مه‌به‌ستم پاره‌ی نه‌وته‌كه‌یه. ده‌تووانیت بڵێیت هیچ له‌و پاره‌یه ناچێت بۆ قه‌ندیل؟
ئیلهام ئه‌حمه‌د: ده‌توانم بڵێم هیچ ناچێت. داوای هیچ له قه‌ندیل ناکه‌ین و هیچیش نانێرین.