لوبنان... خۆپیشاندانی رۆمانسی

خۆپیشاندەرانی لوبنان سەرنجی هەموو جیهانیان راكێشاوە

لوبنان... خۆپیشاندانی رۆمانسی

653 خوێندراوەتەوە

لەرۆژی 17ی ئەم مانگەوە، هاوڵاتیانی بەیروتی پایتەخت پاشان شارەكانی دیكەی ئەو وڵاتە دەستیانكردوە بە خۆپیشاندان بەهۆی ئەو رەوشە ئابوریە سەختەی كە تیایدان، خۆپیشاندەران داوای دەستلەكاركێشانەوەی سێ سەرۆكایەتی ولاتەكەیان دەكەن.

خۆپیشاندنەكان جگە لەوەی كاردانەوەی نێوخۆی لە سەر ئاستی لوبنان و وڵاتانی عەرەبی و جیهان لێكەوتەوە بە جۆرێك وەزیرەكانی سەمیر جەعجەع دەستیان لە كاركێشایەوە، سەعد حەریری سەرۆكوەزیرانیش بەڵێنی ئەنجامدانی چاكسازی بە خۆپیشاندەران لە پێش هەمووشیانەوە كەمكردنەوەی مووچەی پلە باڵاكانی وڵات هەروەها كەمكردنەوەی ئەو باجانەیە كە لەسەر خزمەتگوزاری دابینكردنی ئاو و كارەبا و پەیوەندی تەلەفۆنی و خزمەتگوزاریە گشتییەكانی دیكە دانراون.
لوبنان جیا لەوەی ,لاتێكی فرە نەتەوە و مەزهەب و ئایینە لە هەمان كاتدا فرەیەكی سیاسی، ئاینداری و لیبراڵییەكی رۆژئاوای پێوە دیارە، لوبنان جگە لەوەی وڵاتی سێو و جوانی و شروستی جوانە هاوكات بە كچی جوان و كوڕی قۆزیش ناسراوە.


لە خۆپیشاندانەكانی ئەمجارەش لوبنانییەكان جیاوازییەكانی خۆیان پیشاندا كاتێك بە جل و بەرگری جیاوازو بە مەیكەپ و جلی جوانەوە رژانە سەر شەقامەكان داوای چاكسازی و گۆڕانكاری لە ژیان و گوزەرانی خۆیان لە دەسەڵات دەكرد.


كچان و ژنان بە سوراو مەیكەپ و جلی نیمچە رووتەوە دژی ئەو چینە ئەرستۆكراتییە داوای باشكردنی ژیانیان دەكەن ئەمەش وای لە زۆرێك لە رۆژنامەنووسانی بیانی بكەن لە تویتەرو راپۆرتەكانیان بنووسن خۆپیشاندانی رومانسییەكان، چونكە خۆپیشاندەران زۆر سەرنجراكیش و جوان دەرچوونە لە زوومی كامێرای رۆژنامەنووسان.

لە لوبنان بەهۆی ناكۆكیی سیاسیی و دەستوەردانی وڵاتانی دەرەكی، لە ساڵی 1975 تا 1990 شەڕی ناوخۆیی لەنێوان پێكهاتەكان دروست بوو و بووە هۆی كوژرانی 120 هەزار كەس و ئاوارەبوونی زیاتر لە یەك ملیۆن كەس لە ناوخۆی وڵاتەكە. بەڵام دوای ئەو رووداوە خوێناویانەش لوبنانییەكان ژن و ژنخوازی و تێكەڵاوی كۆمەلایەتیان لە نێوانیاندا زۆر بەهێزە بە جۆرێك ژن شیعەیە و مێردەكەی سوننەیە و بووكەكەیان مەسیحی مارۆنییە بەڵام توانی بە یەكەوە ژیانیان زۆر بەهێزە ئەوەی وڵاتەكەی ناخۆش كردووە دەستێوەردانی ئێران و سعودیە، فەرەنسا و ئەمریكا هەروەها پێشتریش سووریا رۆڵی سەنتەری لەو وڵاتە هەبوو. جگە لەوەی لە دوای جەنگی ناوخۆوە چەندین بنەماڵە لە سەر بنەمای تائیفی دەسەڵات و سامانی گشتی وڵاتیان كۆنترۆڵكردووە دابەش بووە

لە خۆپیشاندەكانی ئەمجارەی لوبنان مۆسیقاو گۆرانی و هەڵپەركێ میللی لوبنانی ئامادەییەكی بەهێزی هەبوو، خەڵك لە پاڵ پرۆتستۆ كردنی حكومەت سەرقاڵی گوشت برژاندن و خواردنەوەی شەرابی سوور و چاو قاوە بوو، گەنجان جگە لە یاری پۆپكەر یارییەكانی دیكە لە ناوەراستی خۆپیشاندان پەیامی توڕەی خۆیان بە حكومەت دەگەیاند.

لوبنان كەوتووەتە رۆژهەڵاتی دەریای ناوەڕاست، لە هەرسێ پێكهاتەی عەرەبی سوننە، عەرەبی شیعە و مەسیحی، دوورز و ئەرمەنی و كورد و توركمان چەندین پێكهاتەی دیكەی بچووك پێك دێت و پۆستە سیادییەكان بەپێی عورفێك بەمشێوەیە یەكلا كراونەتەوە؛ سەرۆككۆمار بۆ پێكهاتەی مەسیحی، سەرۆكی پەرلەمان بۆ پێكهاتەی شیعە، سەرۆكوەزیران بۆ سوننە

یەكێكی دیكە لە گەنجەكان وەكو نارەزایەتی بە شۆڕت لە نێو مەوانگەیەكی بە ئاڵای وڵاتەكەی لە ناوەراستی شەقام دانیشتووە، یەكێكی دیكە بە دەم سەیری تۆڕە كۆمەلایەتییەكانەوە لە سەر ئۆتۆمبێلێك دانیشتووە خەریكی نێرگەلەكێشانە، لە شارێكی وەكو تەرابڵۆسی سوننەنشین بۆ شەوەكەی خەڵك وەكو كڵەبێكی كراوە دەستیان بە گۆرانی و سەماكردن كرد بە رووناكی مۆبایلەكەیان دیمەنەیەكی جوانیان دروستكردووە ئەگەر كەسێكی بێ‌ زانیاری سەیری وێنەكە بكات وا هەست دەكات ئەمە فیستیڤاڵێكی گەورەی نیشتمانییە نەك خۆپیشاندانی خەڵك برسی.