عادل عەبدولمەهدی پیاوێكی لاواز بوو

مەحمود عوسمان بۆ دیبلۆماتیك:

عادل عەبدولمەهدی پیاوێكی لاواز بوو

255 خوێندراوەتەوە

سەبارەت بەبارگرژی‌و ئەو بارودۆخەی کە ئیستا لەعێراقدا هەیە، دكتۆر مەحمود عوسمان سیاسەتمەداری کورد بۆ " دیبلۆماتیک مەگەزین" دەدوێت‌و ئاماژە بەوە دەكات كە خۆپیشاندانەکانی شارەكانی عێراق خۆڕسکن‌و باسلەوەش دەکات کە کورد دەبێت هەموو ئامادەکارییەکی کردبێت بۆ ئەگەری هەر گۆڕانکارییەک لەعێراق‌و دەڵێت:" دەبێت کورد یەکگرتوو بێت".


دكتۆر مەحمود عوسمان بۆ دیبلۆماتیك مەگەزین دەڵێت:" بەبڕوای من ئەو خۆپیشاندانانە خۆڕسکن، وەئەو خەڵکە ناڕازیە ، زیاتر لە ٢٠ ساڵە ئەم حیزبە ئیسلامیانە لەخواروی عێراق باش نەبوون‌و نەیانتوانیوە خزمەتی خەڵک بکەن نەیانتوانیوە سەربەستیەکان بپارێزن، ویستویانە تەنانەت كۆنترۆڵی سەربەستی کۆمەڵایەتیش بکەن، هەموو شتێکی خراپیان کردووە بەتایبەتی لەم کۆتایانەشدا هێزی حەشد پەیدابووە بەناوی ئەوەی کە لەمەرجەعیەتەوە هاتوون و هەمووشتێکیان کردووە، لەبەرئەوە ئەو ناڕەزایی چەندین ساڵە کۆبۆتەوە خەڵکی تەقیوەتەوەو خۆپیشاندان دروست بووە، دیارە هەموو خۆپیشاندانێک، هەموو کەسێکی تێدەکەوێت، بەڵام دیارە خۆپیشاندانەکان خۆڕسکەو سوورن لەسەری‌و دوومانگە خەڵک لەسەر شەقامە، دیارە چاکسازیان دەوێت و هەلی کاریان دەوێت، ئەمشتانە هەمووی هەیە، وردە وردە خۆپیشاندانەکان تەتەوری کرد‌و دروشتمەکانیان داوای گۆرانی حکومەتیان دەکردو گۆڕانی پەڕلەمان و هەڵبژاردنی پیشوەخەت .

،،

 عادل عەبدولمەهدی، لەو ماوەیەی کە مابووەوە پیاوێکی لاوازبوو، قسەی نەکرد بڵێت حەشد کردویەتی، ئێران کردویەتی، لایەنێکی شیعە کردویەتی، هەرمایەوە بە بێدەنگ وە هەموو شتێک لەسەر ئەوحسێب کرا


مەحمود عوسمان باس لە وەدەکات کە خەڵکی چیتر بڕوای بەسیاسیەکانی عێراق نەماوەو دەڵێت:" ڕازینەبوون چونکە بڕوایان بەحکومەت نەبوو، بروایان بەپەڕلەمان نەبوو، دەڵێن بۆچەند ساڵە ئیشتان نەکردووە، ئێستا بەپەلە چاکسازی دەکەن، بڕوایان پێناکەن زانیان بەکۆمەڵ قەرارو بەکۆمەڵ چاکسازی تەنها بۆتێپەڕاندنی کاتەو بەڵکو ڕازیان بکەن بۆئەوەی خۆپیشاندانەکان تەواوبێت".

مەحمود عوسمان سەبارەت بە دەستلەکار کێشانەوەی عادل عەبدولمەهدی وتی:" خۆپیشاندانەكان بە دەستلەكاركێشنانەوەی عەبدولمەهدی كۆتاییان نایەت، دەبێت وەزارەتیتر دروست بکەن، وەزارەتێکی بچووک نەک زۆر قەرەباڵخ، ئەو وەزارەتە بەپێی یاسایەکی تازەی هەڵبژاردن وە کۆمیسیۆنێکی تازە کە حیزبی نەبێت، تاوەکو هەڵبژاردنی پێشوەختە، هەرئەوەیە ڕێگاکە بۆئەوەی خەڵکی ڕەئی بدات بۆئەوەی بزانن خەڵکی چیان دەوێت، وەخەڵکی ئەوانەی دەیانەوێت هەڵی بژێرن، بەڵام دەست لەکار کێشانەوەی عادل عەبدولمەهدی بەتەنها هیچ شتێک ناگۆڕێت، وای لێیهاتبوو نەی دەتوانی بمێنێتەوە، چونکە هەموو ئەوکوشتارانە لەسەر ئەو حسابە، ئەو قایدی عامی قواتی موسەلەحەیەو سەرۆکوەزیرانە، لەو ماوەیەی کە مابووەوە پیاوێکی لاوازبوو، قسەی نەکرد بڵێت حەشد کردویەتی، ئێران کردویەتی، لایەنێکی شیعە کردویەتی، هەرمایەوە بە بێدەنگ وە هەموو شتێک لەسەر ئەوحسێب کرا، بەڵام وە ئیستا داوای دادگایی كردنی دەکەن، مەوزوعەکە تەنها دەستلەکارکێشانەوە نییە ".

،،

پەیوەندیەکانی نێوان هەرێم و بەغداد باش نابێت،ئێستا دەبێت کورد بزانێی کێ دێتە حکوم، کێ دروست دەکات کورد دەبیت یەکگرتووبن‌و بەیەکەوە مامەڵە لەگەڵ ئەو وەزعەدا بكەن كە لەبەغداد دێتە پێش".

مەحمود عوسمان دەربارەی ئایندەی بەپەیوەندیەکانی نێوان هەرێم و بەغداد وتی:" نازانم بەڵام باش نابێت، مەسەلەی کورد دەبێت حسابی ئەو ئەگەرانەیان بکردایە، چونکە ئەو ەیەکێک بوە لەئەگەرەکان، ئێستا دەبێت کورد بزانێی کێ دێتە حکوم، کێ دروست دەکات کورد دەبیت یەکگرتووبن‌و بەیەکەوە مامەڵە لەگەڵ ئەو وەزعەدا بكەن كە لەبەغداد دێتە پێش".

سەبارەت بەهەڵبژاردنی پێشوەختە لە عێراق، مەحمود عوسمان ڕایوایە كە چۆن هەڵبژاردنەكانی پێشوو تەزویری تێدا كراوە، بەهەمان شێوە هەڵبژاردنی پشوەختەش تەزویری تێدا دەكرێت، ئایە ئەوهەڵبژاردنە هیچ کاریگەر دەبێت وە هێزەسیاسیەکان یەکگرتووبن بەیەکەوەو لەگەل واقعیکەدا بگونجێن و بەرژەوەندی میللەتی عێراق بخەنەپێش بەرژەوەندیتر وە بەپێی دەستوریش ئیش بکەن، پاشان ئەم دەستورە جێبەجێدەکرێت، ئەگەر هێزە سیاسییەكانی عێراق پەیوەندی نەکەن بە دەوڵەتانی دەرەکی ئەتوانن خزمەتی وڵاتەکەی خۆیان بکەن".

 

author photo

ڕۆژنامەنوس