یەكێتی لەسەردەمی كودەتای نەوەی سێیەمی تاڵەبانیەكاندا

گەنجانی ناو بنەماڵەی تاڵەبانی چۆن توانیان كۆتایی بەدەسەڵاتی سەركردە سەربازیەكان بهێنن؟

یەكێتی لەسەردەمی كودەتای نەوەی سێیەمی تاڵەبانیەكاندا

2269 خوێندراوەتەوە

 

كۆنگرەی یەكێتی بەشێوەیەكی دراماتیكی و زۆر بەخێرایی دەچێتە پێشەوە،خاڵی سەرنج راكێش تیایدا كەوتنی یەك لەدوای یەكی سەرە گەورەكانی حەرەسی قەدیم و دەسەڵاتی رەهای گەنجانی نێوبنەماڵە دەسەڵاتدارەكانی ئەو حیزبەیە.

 

كۆنگرەی چواری یەكێتی لە ئەتمۆسفێرێكی تەواو گونجاودا ئەنجام دەدرێت بۆ نەوەی سێیەمی تاڵەبانیەكان و هەمووشت لەناو حیزبەكەدا بەدڵی خۆیان دیزاین دەكەنەوە.

ئەو لەشكرەی چۆتە كۆنگرە و دەنگ لەسەر چارەنوسی حیزبەكە دەدات بەتەواوی لەژێر هەژمونی نەوەی سێیەمی تاڵەبانیەكاندایە و ئەوەی بێتە بەردەمیان لەڕێگەی زۆرینەی كۆنگرەوە وێرانی دەكەن.

 

،،

بەهۆی ئەو نەخشە نوێیەوە كە لەگیرفانی تاڵەبانیەكاندایە بەشی زۆری مەكتەب سیاسیە نوێیەكان ئاڵای سپیان هەڵكردوو مەیدانەكەیان بۆ جێهێشتن بەمەرجی رێزگرتن لە كەرامەت و نەشكاندنی شكۆیان.

 

بەهۆی ئەو نەخشە نوێیەوە كە لەگیرفانی تاڵەبانیەكاندایە بەشی زۆری مەكتەب سیاسیە نوێیەكان ئاڵای سپیان هەڵكردوو مەیدانەكەیان بۆ جێهێشتن بەمەرجی رێزگرتن لە كەرامەت و نەشكاندنی شكۆیان.

 

 

 

ئەنجومەنی سیاسی هیچ نییە جگە لە ئۆرگانێكی تەشریفاتی بۆئەوانەی كە ساڵانێك لەهێڵی پێشەوەی سیاسەتی یەكێتیدابون.

كۆسرەت رەسوڵ عەلی، كەكەسی یەكەمی حیزبەكەبوو، پاشەكشەی كرد بەمەرجی هاتنەپێشەوەی دوو كوڕەكەی بۆ سەركردایەتی و دانانی یەكێكیان لە ئەنجومەنی بەڕێوەبردن.

 

مەلابەختیار كە زۆر نیگەرانە لە حیزبەكە بەناچاری بەو شوێنە رازی بوو كەبۆی دیاریكراوە كە بریتییە لە كورسیەك لە ئەنجومەنەكەی كۆسرەت رەسوڵدا.،هەروەها عومەر فەتاح و ئەرسەلان بایز بەهەمان ئۆرگان ڕازیكران.

 

ئەوەی كە جێگای سەرسوڕمانە دوركەوتنەوەی حاكم قادر و خۆ كاندیدنەكردنیەتی بۆ سەركردایەتی و چونیەتی بۆناو ئەنجومەنەكەی كۆسرەت رەسوڵ.

 

،،

لەم كۆنگرەیەدا كۆمەڵێك سەركردەی سەربازی دورخراونەتەوە یان ناچاركراون دوربكەونەوە بەهۆی نیگەرانیەكانیان لە كۆنگرە، بەنمونە شێخ جەعفەر و مەحمود سەنگاوی و جەمیل هەورامی بەتەواوی لە یاریەكە دورخراونەتەوە.شێخ جەعفەر لەدوای بینینی جەوی رۆژی یەكەمی كۆنگرە خۆی پاشەكشەی كردووە،هەریەكە لە مەحمود سەنگاوی و جەمیل هەورامی بەهۆی نیگەرانیان بەشداریان نەكردووە.

 

لەم كۆنگرەیەدا كۆمەڵێك سەركردەی سەربازی دورخراونەتەوە یان ناچاركراون دوربكەونەوە بەهۆی نیگەرانیەكانیان لە كۆنگرە، بەنمونە شێخ جەعفەر و مەحمود سەنگاوی و جەمیل هەورامی بەتەواوی لە یاریەكە دورخراونەتەوە.

شێخ جەعفەر لەدوای بینینی جەوی رۆژی یەكەمی كۆنگرە خۆی پاشەكشەی كردووە،هەریەكە لە مەحمود سەنگاوی و جەمیل هەورامی بەهۆی نیگەرانیان بەشداریان نەكردووە.

بەهەموو پێوانەیەك ئەوەی تائێستا بەر لە ئاشكراكردنی ناوی سەركردایەتی نوێ‌ ڕویداوە كودەتایەكی گەورەی نەوەی سێیەمی تاڵەبانیەكانە بەسەر كۆنگرەو حەرەسی قەدیمدا

 كودەتای سپی ناو یەكێتی ئەوەندە گەورە و چاوەڕوان نەكراوە كە بەخێرایی كاریگەری لەسەر دۆخی سلێمانی و زۆنی سەوز و تەنانەت دۆخی سیاسیی كوردستانیش دەبێت.

لەسایەی ئەم دۆخەدا یەكێتی بە فۆرمێكی نێوە دێتە دێتەوە مەیدان كە خاوەنی سەركردایەتیەكی سرك دەبێت و زۆر بەخێرایی بڕیار ی سیاسی پێدەدرێت و ئەگەری ئەوەی هەیە بە هەموو هاوكێشەو رێكەوتنەكانیدا بچێتەوە لەگەڵ پارتی و گۆڕان و تەنانەت حیزبەكانی دیكەشدا.

 

بەڵام ئایا هەموو ئەمانە بەخێر و خۆشی تەواودەبن و لە قازانجی دۆخی سیاسی و ئابوری كوردستان دەبێت؟ ئەوە هێشتا دیار نییە. تەنها ئەوە دیارە كە نەوەیەكی نوێ‌ كودەتایەكی سپیان كردوە و خاوەنی خەون و تموحی گشتی و شەخسی زۆر گەورەن كە مەگەر هەر خودا بزانێت بەهۆی ئەو تموحانەوە كوردستان بەرەو چ ئاراستەیەك دەچێت؟

 

author photo

ڕۆژنامەنوس و مامۆستای زانكۆ

سەرنوسەری دیپلۆماتیك مەگەزین

ڕۆژنامەنوسی تایبەتمەند لە ڕۆژنامەوانی بنكۆڵكاری