بارزانی ئومێدی بە ئومێد خۆشناو هەیە

پارتی بەرپرسی لقی دوو دەگۆڕێت

بارزانی ئومێدی بە ئومێد خۆشناو هەیە

878 خوێندراوەتەوە

 بۆ ئامادەسازی بۆ هەڵبژاردنەكانی داهاتووی پەرلەمانی عێراق و هەرێمی كوردستان پارتی دیموكراتی كوردستان سەرقاڵی خۆرێكخستنەوەی حیزبییە لە هەولێر، لەو چوارچێوەیە بە فەرمانی مەسعود بارزانی سەرۆكی ئەو حیزبە ئەحمەد كانی بەرپرسی لقی دووی بە ئومێد خۆشناو سەرۆكی فراكسیۆنی پارتی لە پەرلەمانی كوردستان دەگوڕێ‌.

 

دیبلۆماتیك مەگەزین زانیویەتی لە چەند هەفتەی رابردوو مەسعود بارزانی لەگەڵ ئومێد خۆشناو سەرۆكی فراكسیۆنی پارتی لە پەرلەمانی كوردستان كۆبووه‌تەوە پێی گوتووە كە دەیەوێ‌ بیكاتە بەرپرسی لقی دوو كە یەكێكە لە لقە گرنگ و هەستیارەكانی ئەو حیزبە كە رووماڵی حیزبی و سیاسی لە سنووری سەنتەری پارێزگای هەولێر دەكات.

،،

بەرپرسانی ئەو حیزبەی نیگەران كردووە كە بە تایبەتی پارتی پێی وایە لە دوای 31ی ئاب ئارامی و ئاوەدانییەكی زۆر بۆ هەولێر دابینكردووە، بەڵام خەڵكی سەنتەری شار وەكو پێویست پاداشتی پارتیان نەداوەتەوە.

لە بەرامبەردا لقی 16 كە رووماڵی چوارەدەوری هەولێر دەكات هەمیشە بڵانسی دەنگدەرانی پارتی راگرتووە بەو پێییەی لقی 16ی پارتی لەگەڵ خەڵكی عەشایرو سەرۆك عەشیرەت و خاوەن دیوەخانەكان و كەسایەتی كۆمەڵایەتی مامەڵە دەكات بۆ بە دەستهێنانی دەنگ هاوكارییەكی باشی لقی دووی حیزبە لە سەنتەری شار.

 

پارتی عوقدەی لەگەڵ سەنتەری شار هەیە

سەنتەری پارێزگای هەولێر بۆ پارتی هێشتا جێگای دڵەراوكێ‌ و گومانە، ئەگەرچی لە بەراورد بە قەزاو ناحییەكان پارتی خزمەتگوزاری باشی لە سەنتەری شار لە رووی جوانكاری و پرۆژەی ستراتیژی و هێنانی كۆمپانیای گەورە و دەستەبەری كار بەڵام بە بەردەوام دەنگی پارتی لە سەنتەری شار لە 50% تێپەڕی نەكردووە ئەمەش بەرپرسانی ئەو حیزبەی نیگەران كردووە كە بە تایبەتی پارتی پێی وایە لە دوای 31ی ئاب ئارامی و ئاوەدانییەكی زۆر بۆ هەولێر دابینكردووە، بەڵام خەڵكی سەنتەری شار وەكو پێویست پاداشتی پارتیان نەداوەتەوە.

 

بۆیە لە زۆربەی هەڵبژاردنەكان ئەگەر دەنگی قەزاكانی سۆران و میرگەسۆر، خەبات، روواندوز بنەسڵاوە شەقلاوە و شوێنەكانی دیكە نەبێت پارتی لە پایتەختی هەرێمی كوردستان بەرامبەر حیزبەكانی دیكە دەدۆڕێت، ئەمەش وایكردووە دەنگدەری هەولێر بۆ هیچ حیزبێك یەكلا نەبنەوە بە تایبەتی سەنتەری شار.

لە بەرامبەردا بەشێكی خەڵكی هەولێر لە هێنانی خەڵكی شارەكانی دیكەو پێدانی بەرپرسیارییەتی و پرۆژەی ئابووری بوونی ناعەدالەتی لە پارتی نیگەران كردوون بەشێكی هۆكاری كەمی دەنگی پارتی لە سەنتەری شار بوونی كەسوكاری  شەهیدان، رێكخستن، زیندانی و پێشمەرگە دێریینەكانی یەكێتی و ئیسلامییەكانن ئەوانە ئەگەر دەنگ بە گۆڕان و یەكێتیش نەدەن ئەوا لە دۆخی حوكمڕانی هەولێر نارازین و بایكۆتی هەڵبژاردنەكانی رابردوویان كردووە.

،،

زۆربەی جار رێژەی دەنگی پارتی لەو گەڕەكانە ناگاتە 10% كەچی لە گەڕەكە هەژارنشین و بێ‌ خزمەتگوزارییەكان لە 90% تێدەپەڕێت ئەمەش زیاتر كادیرانی ناوەراست و رێكسختنەكانی پارتی نیگەران كردووە كە ئەو دەوڵەمەند و سەرمایەداران لە سایەی حوكڕانی پارتی بوونەتە شت.

 

پارتییە دەوڵەمەندەكان ناچنە هەڵبژاردن

بەشێكی دیكەش خەڵكی دەوڵەمەند و سەرمایەدارن لە گەڕەك و گوندە مۆدێرنەكان دەژین كە زۆربەی جار ناچنە هەڵبژاردن بۆ نموونە رێژەی بەشداری لە گوندی ئیتاڵی یەك لەگەڵ گەرەكێكی هەژاری كوران تەنیا شەقامێكە زۆر جیاوازە، زۆربەی جار رێژەی دەنگی پارتی لەو گەڕەكانە ناگاتە 10% كەچی لە گەڕەكە هەژارنشین و بێ‌ خزمەتگوزارییەكان لە 90% تێدەپەڕێت ئەمەش زیاتر كادیرانی ناوەراست و رێكسختنەكانی پارتی نیگەران كردووە كە ئەو دەوڵەمەند و سەرمایەداران لە سایەی حوكڕانی پارتی بوونەتە شت كەچی لە هەڵبژاردنەكان چاكەی پارتی نادەنەوە. بە فەرمی كادیرانی پارتی سەرۆك و جێگر و مەكتەب سیاسیی پارتیان ئاگاداركردووتەوە.

  

لقی دوو، لقێكی هەستارو گرنگ

بە شێوەیەكی گشتی دەنگی پارتی لە سەنتەری پارێزگای لەگەڵ دەرووبەر نزیكەی 70 هەزاری جیاوازە ، بۆیە لقی دوو بۆ پارتی گرنگ و بایەخی زۆری هەیە چونكە بەرپرسەكەی راستەوخۆ بەر یەكەوتنی لەگەڵ خەڵكە هەیە. ئەگەرچی  ئومێد خۆشناوە كە بەراورد بە سەركردەكانی پارتی كە پێشتر بەرپرسی ئەو لقە بوون زۆر گەنج و كەم ئەزموونە، چونكە بەردەوام پارتی لە دوای 31ی ئاب كەسانی وەكو فەرەنسۆ هەریری، مامۆستا سەعد عەبدوڵا، مەحموود محەممەد و پشتیوان سادق بەرپرس بوون، بەڵام بە هۆی كۆمەڵایەتی بوونی ئومێد خۆشناو لەگەڵ خەڵك بە تایبەتی چینی گەنجان بارزانی ئومێدی زۆری بە ئومێد هەیە.

 

 خاڵی بەهێزو لاوازی بەرپرسی نوێی لق

خاڵی بەهێزی نزیكایەتی لە كادیرانی پارتی و خەڵكە، دوای بوونی بەر پەرلەمانتار خانووەكەی دایە رێكخراوێكی تایبەت بە تالاسیما ئامادە بوونی بەردەومی لە نێوئاهەنگ و مەراسیمە میللییەكان لە نێو خەڵكی پارتی لە شاری هەولێر خۆشەویستی كردووە. بەڵام خاڵی بەهێزی لێدوانی خراپ و توڕە كردنی نەیارەكانی پارتییە لە گفتوگۆ و دیبەیتەكان زۆرجاران لە فەیسبووك بە زمانێكی خراپ لە سەر لایەنە سیاسییەكان دەنووسێت كە بە بڕوای بەشێك لە چاودێران ئەم زمانە هی سەرۆكی گەورەترین فراكسیۆنی پەرلەمانی نییە.

 

ئومێد خۆشناو كە ناوی تەواوی (ئومێد عەبدولرەحمان حەسەن عەبدوڵلا)یە لە دایك بووی ساڵی 1977ی شاری هەولێرە بەكالیۆرسی لە راگەیاندن هەیە ، ئێستا قوتابی ماستەرە چەند ساڵێك بێژەی هەواڵەكانی كەناڵی راگرۆسی پارتی بوو، دوو خولی پەرلەمان سەرۆكی فراكسیۆنی پارتییە و ماوەیەكیش سكرتێری یەكێتی لاوانی ئەو حیزبە بوو.