بزوتنەوەی گۆڕان دژی بڕیاری شكاندنی بایكۆتە لەلایەن پارێزگارەوە

"خۆپیشاندەران" ئێمە بڕیاری شكاندنی بایكۆت دەدەین نەك پارێزگار"

بزوتنەوەی گۆڕان دژی بڕیاری شكاندنی بایكۆتە لەلایەن پارێزگارەوە

2884 خوێندراوەتەوە

هەرچەندە پارێزگاری سلێمانی ڕاگەیەندراوێكی بڵاوكردەوە و رایگەیاند دەرگای خوێندنگا و نەخۆشخانە و دامودەزگاكانی دیكە دەكەنەوە.

د.هەڤاڵ ئەبوبەكر، پارێزگاری سلێمانی راگەیەندراوێكی 14 خاڵی بڵاوكردەوە سەبارەت بە خۆپیشاندانەكان و لە خاڵی كۆتایدا ڕیگەیاندووە" وەك هەمیشە ئەركی خوێندن‌و خزمەتگوزارییە گشتییەكان‌و ئاسایش‌و ئارامیی لەئەستۆی هه‌موواندایه‌، دەخوازین لەپێناوی دروستكردنەوەی متمانەو نەوەستانی ژیانی گشتیدا تا كاتی دڵنیابوون لە سیستمی نوێ‌، خوێندنگاو نەخۆشخانەو تەواوی فەرمانگەكان بكەینەوه‌و بیانكه‌ینه‌ پێگەی چاودێریكردنی حكومەت‌و پاراستنی داوا ڕەواكان و كاراكردنەوەی خزمەتگوزارییەكان، بەم شێوازە نوێیە درێژە بە هەر هەنگاوو چالاكیی و ناڕەزایەتییەكی مەدەنیانە بدەین"

،،

پارێزگاری سلێمانی:

دەخوازین لەپێناوی دروستكردنەوەی متمانەو نەوەستانی ژیانی گشتیدا تا كاتی دڵنیابوون لە سیستمی نوێ‌، خوێندنگاو نەخۆشخانەو تەواوی فەرمانگەكان بكەینەوه‌و بیانكه‌ینه‌ پێگەی چاودێریكردنی حكومەت‌و پاراستنی داوا ڕەواكان و كاراكردنەوەی خزمەتگوزارییەكان

 

سەرەڕای وتەكانی پارێزگار، بەڵام بزوتنەوەی گۆڕان رەتی دەكاتەوە لەگەڵ شكاندنی بایكۆتدا بێت.

عەبدوڵای مەلا نووری هەڵسوراوی دیاری بزووتنەوەی گۆران، لەبارەی خۆپیشاندان و مانگرتنەكانەوە بۆ دیپلۆماتیك مەگەزین دەدوێت و دەڵێت "هیچ كەسێك حەدی ئەوەی نییە بایكۆت بشكێنێت".

لەبارەی خۆپیشاندانەكانەوە عەبدوڵای مەلا نووری دەڵێت" بزووتنەوەی گۆران هەمیشە لەگەڵ خۆپیشاندان و بایكۆتی مەدەنی موچەخۆران و مامۆستایاندا بووە، و ئەمرۆش كە خۆپیشاندەران چوونەتە سەرشەقام مافێكی رەواو شەرعی خۆیانە".


ئەو هەڵسوراوەی گۆران ئاماژەی بەوە شكرد لە ئێستادا پێی باشە بایكۆت و مانگرتنەكان بەردەوام بن و خۆپیشاندانی سەرتاسەری ئەنجام بدرێت چونكە لەم چەند رۆژەی رابردوودا بینرا كە هەولێر ودهۆك لەگەڵ سلێمانی بوون و خۆپیشاندانەكان چەند كاریگەریان هەبووە.

،،

عەبدوڵای مەلا نووری هەڵسوراوی دیاری بزووتنەوەی گۆران

 قسەی من بەدیاریكراوی ئەوەیە لەئێستادا هیچ كەسێك ناتوانێ و حەدی ئەوەی نییە بایكۆتی مووچە خۆرانی زوڵم لێكراو بشكێنێت چونكە مووچە خۆران خۆیان بریاریاندا بچنە سەرشەقام و هەرخۆشیان دەتوانن مانگرتن و بایكۆت بكشێنن.

 

ئەو دەشڵێت "ئەمرۆ پۆلیسێكی هاتووچۆ دەست بەسەركراوە حەق وایە هاوڵاتیان پێكەوە بچنە بەردەم پۆلیس و ئاسایش مانبگرن و داوای ئازادكردنی ئەو فەرمانبەرە بكەن كە داوای مافی خۆی كردووە".


هەروەها ووتی" قسەی من بەدیاریكراوی ئەوەیە لەئێستادا هیچ كەسێك ناتوانێ و حەدی ئەوەی نییە بایكۆتی مووچە خۆرانی زوڵم لێكراو بشكێنێت چونكە مووچە خۆران خۆیان بریاریاندا بچنە سەرشەقام و هەرخۆشیان دەتوانن مانگرتن و بایكۆت بكشێنن.

،،

د.حسێن شوانی ئەندامی ئەنجوومەنی رێكخراوی داكۆكی لەزانكۆ و پەیمانگاكان:

سەرجەم خاڵەكانی پارێزگار كەباسی كردوە ئەرێنیە و ئێمە لەگەڵیداین، تەنها تێبینیمان لەسە ر خاڵی كۆتایی هەیە كە پێشنیاری شكاندنی بایكۆتی كردوە، چونكە ئێمە پێمان وایە ئەو بابەتە پێویستە زەمانەتی بۆ دابنرێت و بە مەرج بێت"

 

د.حسێن شوانی ئەندامی ئەنجوومەنی رێكخراوی داكۆكی لەزانكۆ و پەیمانگاكان: ئاماژەی بەوە كرد كە ئەوان شەو كۆدەبنەوە بۆ بەردەوامی دان بەخۆپیشاندان و بایكۆتی مامۆستایان و مووچەخۆران"

لەبارەی راگەیەندراوەكەی پارێزگاریشەوە وتی" سەرجەم خاڵەكانی پارێزگار كەباسی كردوە ئەرێنیە و ئێمە لەگەڵیداین، تەنها تێبینیمان لەسە ر خاڵی كۆتایی هەیە كە پێشنیاری شكاندنی بایكۆتی كردوە، چونكە ئێمە پێمان وایە ئەو بابەتە پێویستە زەمانەتی بۆ دابنرێت و بە مەرج بێت"


عادل حەسەن، ئەندامی دەستەی مامۆستایانی نارازی، بەهەمان شێوەی ئاماژە بەوە دەكات كاتێك دەستیان كرد بەخۆپیشاندان و مانگرتن پرسیان بە حكومەت و لایەنی ئیداری نەكرد وە و خۆرسكانە هاوڵاتیان هاتنە سەرشەقام و بریاری بایكۆتیان دا بۆیە هەر شەقام و هاوڵاتیانیش دەتوانن بایكۆت بشكێنن یاخوا بەردەوام بن.

،،

 عادل حەسەن، ئەندامی دەستەی مامۆستایانی نارازی:

ئێمە بەردەوامین لەسەر خۆپیشاندان و بەهیچ شێوەیەك بایكۆت ناشكێنین تاكو ئەو رۆژەی كە داوا رەواكانمان جێ بەجێ دەكرێن".

 

هەروەها دەڵێت"َ بریارەكەی خاڵی ئیجابیشی تێدایە بەتایبەت ئەو برگەیەی كەوا دەڵێ نابێ هیچ كارمەندێك سزا بدرێت كە بایكۆتی ئەنجام داوە. بەڵام ئەو برگەیەی كە جەنابی پارێزگار دەلێ مۆڵەت دەدەین بەحكومەت ئێمە بەهیچ شێوەیەك لەگەڵی نین و حكومەت متمانەی لەدەست داوە و هی ئەوە نییە مۆڵەتی پێ بدەیت".

عادل حەسەن وتیشی" ئێمە بەردەوامین لەسەر خۆپیشاندان و بەهیچ شێوەیەك بایكۆت ناشكێنین تاكو ئەو رۆژەی كە داوا رەواكانمان جێ بەجێ دەكرێن".

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان