بەپێی چەند بەڵگەیەكی هەواڵگری: بەر لە كوژرانی ژمارەیەك لەكارمەندانی دەزگای هەواڵگری ئێرانی ڕەخنەی توندیان لە قاسمی سولەیمانی گرتووە

بەپێی چەند بەڵگەیەكی هەواڵگری: بەر لە كوژرانی ژمارەیەك لەكارمەندانی دەزگای هەواڵگری ئێرانی ڕەخنەی توندیان لە قاسمی سولەیمانی گرتووە

967 خوێندراوەتەوە

توندوتیژییژییەكانی سولەیمانی دژی سوننە پاساو دەداتە ئەمریكا و پاشەكشەش بەئێران دەكات

توندوتیژییژییەكانی سولەیمانی دژی سوننە پاساو دەداتە ئەمریكا و پاشەكشەش بەئێران دەكات

بەپێی ڕاپۆرتە هەواڵگرییەكان ئەو سەركەوتنانەی كە ئەو گروپە شیعیانە لەدژی داعش تۆماریان كردووە نەبۆتە هۆی دەستكەوت بۆ ئێرانیەكان چونكە هەر خۆیان دواتر بەتوندوتیژی تێوەگلاون.


بەپێی چەند بەڵگەیەكی هەواڵگری ئەوە ئاشكرا كراوە كە چەندین جار لەلایەن ئەفسەرانی دەزگای هەواڵگری ئێرانی لەعێراق ڕەخنەی توند لە سولەیمانی گیراوە كە هەڵسوكەوتەكانی لەگەڵ چەند سوننەكانی عێراقدا پاساوی مانەوەی زیاتر دەداتە ئەمریكییەكان لەعێراقدا و پاشەكشەش بەڕۆڵی ئێران لەو وڵاتە دەكات.

،،

دەزگای هەواڵگری ئێران ڕەخنەی ئەوەشیان لەسولەیمانی گرتووە، هەوڵی خۆ بەپاڵەوان كردنی لەبەرەكانی شەڕی دژی داعش دا بۆ چنینیەوەی دەستكەوتێكی سیاسیە لەئایندەیەكدا لەوڵاتەكەی.


بەپێی ڕاپۆرتی میدیایەكی ئەمریكیی ، ئەوە ئاشكرا كراوە" قاسم سولەیمانی لەو ماوەییەدا كە لەعێراقدا كاری كردووە و پەیوەندی لەگەڵ بەرپرسانی جیاجیادا گرێداوە وهەوڵەكانی بۆ دەركەوتنی وەكو سەركردەیەكی سەربازی پایەداری ئێران لەناوچەكە لەعێراقدا پێچەوانە كەوتۆتەوە و بەلای هەندێ لەچین و توێژی عێراقییەكانەوە وەكو كەسێكی تیرۆریست سەیر كراوە.


بەگوێرەی زانیارییەكانی ئەو میدیا ئەمریكییە، هەندێ كارمەندی دەزگای هەواڵگری ئێران لەعێراقدا ڕەخنەی توندی لەهەڵسوكەوتەكانی سولەیمانی گرتووە وئەوەش بەهۆی چەند مامەڵەیەكی توندی هەرەوەها مامەڵەی توندی ئەو میلیشیا چەكدارانەی كە ئەو سەرپەرشتیانی دەكرد و ڕۆڵیان لەبەڕیوەبردنی عێراقدا هەبوە و هۆشداری ئەوەشیانداوە ئەو جۆرە مامەڵەیە دەبێتە هۆی شكستی سیاسەتەكانی ئێران لەعێراقدا.


كارمەندانی هەواڵگری ئێرانی و پەیوەندیدارانی ئەو دەزگایە ڕەخنەیەكی توندی لەو مامەڵەیە سولەیمانیش گرتووە كە ویستوویەتی پڕۆپاگەندە بۆ كەسایەتی خۆی بكات لەبەرەكانی شەڕی داعشدا بەتایبەتی لەنێوان ساڵانی 2013 بۆ 2015 و خۆی وەكو پاڵەوان پیشانداوە.


ناوبانگی سولەیمانی وەكو سەركردەیەكی سەربازی ترسناكی وەرگربتوو كە كۆنترۆڵی چەندین دەزگای هەواڵگری و میلیشیا لەزۆربەی ناوچەكانی ڕۆژهەڵاتی ناوەڕاستتدا بەڵام ئەو وێنەیە لە بەڵگەی هەواڵگری ئێرانیدا پێچەوانەیە و مایەی ڕەخنە و سەرزەنشتیش كراوەتەوە، ئەوەش بەهۆی هەندێ بریار و كرداری سولەیمانییەوە فەیلەقی قودسی كردبووە كێبەركێكاری دەزگای هەواڵگری ئێرانیی..


لەژمارەیەكی تری ئەو بەڵگەنامانەی دەزگای هەواڵگری ئێرانیدا كە لەلایەن میدیا ئەمریكییەكانەوە بڵاو كراونەتەوە، ئەوەش خراوەتە ڕوو، كە چەندین ئەفسەری دەزگای هەواڵگری ئێرای لەسەر زۆر دژایەتی كردنی عەرەبی سوننە ڕەخنەی توندیان لەسولەیمانی گرتوە چونكە پێانوابووە ئەو جۆرە دژایەتی كردنە پاساوی مانەوەی سەربازانی ئەمریكا لەعێراقدا زیاتر دەكات.

،،

بەپێی بەڵگەیەكی تر كە مێژوەكەی بۆ ساڵی 2014 دەگەڕێتەوە چەند گروپێكی سوننی چەوسێنراونەتەوە لەلایەن چەند میلیشیایەكی چەكدارییەوە و لەلایەن قاسم سولەیمانیشەوە ئەو ڕاگەیەنراوە كە ئەو سەرپەرشتی ئەو گروپە شیعیانە دەكات كەئەو سوننانەی چەوساندۆتەوە.


لەكاردانەوەی ئەوەشدا بەپێی ئەو بەڵگەنامانە داوا كراوە سنورێك بۆ ئەو توندوتیژیانە دابنرێن كەسولەیمانی لەدژی هاوڵاتیانی سوننی بێی گوناه ئەنجامیدەدات ئەگینا ئەوەش دەبێتە هۆی بەردەوامێتی توندوتیژی لەنێوان شیعە و سونەدا.


بەپێی ڕاپۆرتە هەواڵگرییەكان ئەو سەركەوتنانەی كە ئەو گروپە شیعیانە لەدژی داعش تۆماریان كردووە نەبۆتە هۆی دەستكەوت بۆ ئێرانیەكان چونكە هەر خۆیان دواتر بەتوندوتیژی تێوەگلاون.


ئەوەش ئاشكرا كراوە، هەوڵەكانی سولەیمانی بۆ بەرپاكردنی شەڕ لەناوچەكەدا بۆ چینینەوەی دەستكەوت لەئێراندا بووە بەتایبەتی دوور نەبوە خۆی بۆ پلەیەكی سەرۆكایەتی لەئایندەدا كاندید بكات.