برا دووانەکەی نێچیرڤان بارزانی کۆچی دواییکرد

دیپلۆماتیک مەگەزین چیرۆکی لە دایکبوونی دلۆڤان بارزانی و نێچیرڤان بارزانی بڵاودەکاتەوە

برا دووانەکەی نێچیرڤان بارزانی کۆچی دواییکرد

13311 خوێندراوەتەوە

 

سەرلەبەیانی ئەمڕۆ دووشەممە (٢٠١٨.٤.٢)، دلۆڤان ئیدریس بارزانی، برای نێچیرڤان بارزانی سەرۆکی حکومەتی هەرێمی کوردستان لە شاری هەولێر بە هۆی جەڵتەی دڵەوە لە تەمەنی ٥٢ ساڵی کۆچی دوایی کرد.

 

دلۆڤان ئیدریس بارزانی، لە ٢١ی ئەیلولی ساڵی ١٩٦٦ لەگەڵ نێچیرڤان بارزانیی لە بارزان پێکەوە لە دایکبوون، واتە دووانەن، نێچیرڤان بارزانیش چەند خولەکێک پێش دلۆڤانی برای  لە دایکبووە.

،،

دایکی نێچیرڤان بارزانی و دلۆڤان بارزانی دەبێتە  نازداری کچی حەمە ئاغای ئەوڕەحمان ئاغا، کە خەڵکی شاری سلێمانییە، نێچیرڤان بارزانیش لە سەردانێکیدا بۆ شاری سلێمانی لە مانگی ئایاری ٢٠١٥ لە کۆبوونەوەی لەگەڵ بەرپرسانی شارەکە وتویەتی"بۆیە پشتیوانی لە سلێمانی دەکەم، چونکە نیوەم سلێمانەییە"

 

DCV
دلۆڤان ئیدریس بارزانی (١٩٦٦ ـ ٢٠١٨)

 

دایکی نێچیرڤان بارزانی و دلۆڤان ئیدریس بارزانی دەبێتە  نازداری کچی حەمە ئاغای ئەوڕەحمان ئاغا، کە خەڵکی شاری سلێمانییە.

نێچیرڤان بارزانیش لە سەردانێکیدا بۆ شاری سلێمانی لە مانگی ئایاری ٢٠١٥ لە کۆبوونەوەی لەگەڵ بەرپرسانی شارەکە وتویەتی"بۆیە پشتیوانی لە سلێمانی دەکەم، چونکە نیوەم سلێمانەییە"، وەک ئاماژەیەک بۆ دایکی کە خەڵکی شاری سلێمانییە.

ئیدریس بارزانی باوکی نێچیرڤان و دلۆڤان بارزانی، ساڵی ١٩٤٤ لە دایکبووە و سەرلەبەیانی ڕۆژی (١٩٨٧.١.٣١) لە گوندی سلیڤانای سەر بە شاری ورمێ لە خۆرهەڵاتی کوردستان کۆچی دوایی کردووە.

 

VBN
نێچیرڤان بارزانی و دلۆڤان بارزانی

    

،،

سەرەتا، بە ئیدریس بارزانی دەڵێن، هاوسەرەکەی کوڕێکی بووە، کاتێکیش دەزانێت کە دووانەیەکی کوڕیان بووە، پرسیاری ئەوە دەکات کە بۆچی ڕاستی بابەتەکەیان پێنەوتووە، ئەو ژنەی لای نازداری هاوسەری بووە، دەڵێت لەبەر چاوونفوس نەیانویستووە ئەوە بڵاوببێتەوە کە دووانەی کوڕیان بووە.

 

بەپێی گێڕانەوەی کەسە نزیکەکانیان، کاتێک هەواڵی ئەوە دەدەن بە ئیدریس بارزانیی کە کوڕێکیان بووە و دەبێتە برای نەدای کچە گەورەیان (یەکەمجار بە ئیدریس بارزانی نەوتراوە کە دووانەیەکی کوڕیان بووە) ، بڕی ١٠ دیناری عێراقی دیاری دەداتە ئەو ژنەی هەواڵەکەی بە (سلێمانی حادێ) پاسەوانی تایبەتی خۆیدا بۆ ناردووە ، کە ئەو ژنە لە کاتی لە دایکبوونی دووانە کوڕەکەیان ئاگایی لە نازداری هاوسەری بووە.

 

DV
دلۆڤان ئیدریس بارزانی (١٩٦٦ ـ ٢٠١٨)

 

سەرەتا، بە ئیدریس بارزانی دەڵێن، هاوسەرەکەی کوڕێکی بووە، کاتێکیش دەزانێت کە دووانەیەکی کوڕیان بووە، پرسیاری ئەوە دەکات کە بۆچی ڕاستی بابەتەکەیان پێنەوتووە، ئەو ژنەی لای نازداری هاوسەری بووە، دەڵێت لەبەر چاوونفوس نەیانویستووە ئەوە بڵاوببێتەوە کە دووانەی کوڕیان بووە.

 شاردنەوەی لە دایکبوونی کوڕ عادەتێکی ناو کوردەوارییە و تائێستاش لە هەندێک شوێن ماوە، کاتێک خێزانەکان کوڕیان دەبێت نایانەوێت زوو خزم و کەسەکانیان بزانن و هەواڵەکە بڵاوبێتەوە.

دلۆڤان ئیدریس بارزانی، هاوسەرەکەی ناوی فایزەیە و خاوەنی چوار منداڵن، کوڕە گەورەکەشی هاوسەرگیریی کردووە،  بووەتە باپیر و خاوەنی نەوەشە.

دلۆڤان ئیدریس بارزانی، پۆستی فەرمی لە ناو دامودەزگاکانی حکومەتی هەرێم نەبووە، بەڵام وەک نوێنەری نێچیرڤان بارزانی سەرۆکی حکومەتی هەرێمی کوردستان بەشداری پرسە و بۆنە کۆمەڵایەتییەکانی دەکرد.

 

DVY
دلۆڤان بارزانی وەک نوێنەری نێچیرڤان بارزانی سەرۆکی حکومەتی هەرێم بەشداریی پرسەیەک دەکات 

 

،،

دلۆڤان ئیدریس بارزانی، پۆستی فەرمی لە ناو دامودەزگاکانی حکومەتی هەرێم نەبووە، بەڵام وەک نوێنەری نێچیرڤان بارزانی سەرۆکی حکومەتی هەرێمی کوردستان بەشداری پرسە و بۆنە کۆمەڵایەتییەکانی دەکرد.

 

مەسعود بارزانی، سەرۆکی پارتی دیموکراتی کوردستان پەیامێکی بڵاوکردەوە  و هەواڵی کۆچیی دوایی دلۆڤان بارزانی ڕاگەیاندووە و دەڵێت: "بەیانی ڕۆژی دووشەممە (٢.٤.٢٠١٨)، دلۆڤان ئیدریس بارزانی کوڕی ڕەحمەتی ئیدریس بارزانیی بەهۆی جەڵتەی دڵەوە کۆچی دوایی کرد و چووە بەر دلۆڤانی پەروەردەگاری مەزن".

 

VCE
دلۆڤان ئیدریس بارزانی (١٩٦٦ ـ ٢٠١٨)

،،

فازڵ میرانی سکرتێری مەکتەبی سیاسی پارتی دیموکراتی کوردستان: وەک ئیدریس بارزانی باوکی بە گەنجی جێیهێشتین"

 

حەیدەر عەبادیی، سەرۆک وەزیرانی عێراقیش لە پەیوەندییەکی تەلەفۆنیدا پرسە و سەرەخۆشی لە نێچیرڤان بارزانی کرد.

 

dv

دوای بەخاکسپاردنی، خانەوادەکەی لەسەر گۆڕی دلۆڤان ئیدریس بارزانی کۆبوونەتەوە ـ بارزان ـ ٢٠١٨.٤.٢

فۆتۆ: سەنگەر عەبدولرەحمان

فازڵ میرانی سکرتێری مەکتەبی سیاسی پارتی دیموکراتیش لە بارەی کۆچی دوایی دلۆڤان ئیدریس بارزانییەوە وتی:"وەک باوکی بە گەنجی جێیهێشتین" 

لە ڕاگەیەنراوێکی دیکەشدا، نوسینگەی مەسعود بارزانیی سەرۆکی پارتی دیموکراتی کوردستان ئاماژەی بەوە کردووە، "پرسەی خوالێخۆشبوو دلۆڤان ئیدریس بارزانی لە سبەینێوە بۆ ماوەی سێ ڕۆژ لە شارۆچکەی پیرمام بەڕێوەدەچێت".

 

 

author photo

ماستەر لە پەیوەندیە گشتییە سیاسییەکان

ڕۆژنامەنوسی تایبەتمەند لە بواری لێكۆڵینەوەی سیاسيی