گۆڕان دەیەوێت هەڕەشەی كشانەوە لە حكومەت بكات و مەسرور بارزانیش بێ‌ منەتە

گۆڕان دەیەوێت هەڕەشەی كشانەوە لە حكومەت بكات و مەسرور بارزانیش بێ‌ منەتە

3029 خوێندراوەتەوە

 بەهۆی وەرنەگرتنی تەواوی پشكەكانی لە حكومەت،بزوتنەوەی گۆڕان هەڕەشەی كشانەوە لە حكومەتی هەرێم دەكات و مەسرور بارزانیش بێ‌ منەتە نیشانداوە.

بزوتنەوەی گۆڕان دەیەوێت بە فەرمی یەكەمین هەڕەشەی كشانەوە لە حكومەتەكەی مەسرور بارزانی ئاراستەی پارتی بكات،بەهۆی پەشیمانبونەوەی پارتی لە پێدانی 12% ی پشكەكانی حكومەت بە بزوتنەوەكە.

،،

بزوتنەوەی گۆڕان نیگەرانە لە مەسروربارزانی كە تائێستا ئەو پۆستانەی نەداوەتە گۆڕان كە بەپێی ڕێكەوتنی نێوانیان واژوكراوە و لە ئێستاشدا گۆڕان بۆیان دەركەوتووە كە مەسرور بارزانی ئامادە نییە لەوەی تائێستا پێیان دراوە زیاتریان پێبدات

بزوتنەوەی گۆڕان نیگەرانە لە مەسروربارزانی كە تائێستا ئەو پۆستانەی نەداوەتە گۆڕان كە بەپێی ڕێكەوتنی نێوانیان واژوكراوە و لە ئێستاشدا گۆڕان بۆیان دەركەوتووە كە مەسرور بارزانی ئامادە نییە لەوەی تائێستا پێیان دراوە زیاتریان پێبدات. بزوتنەوەی گۆڕان لەسەر پشكەكانی لە حكومەتی هەرێم، كە بەوتەی خۆیان 12%ی وەكیل وەزیر و بەڕێوەبەرەگشتیەكان و پۆستە باڵاكان دەكات نیگەرانی قوڵیان هەیە و سەرەڕای چەندین جار ئاگاداركردنەوەی، مەسرور بارزانی داواكاریەكانی پشتگوێ خستون و نایەوێت ئەو پۆستانەیان پێبدات كە لەسەری ڕێكەوتون.

سەرە رای ئەوەی بزوتنەوەی گۆڕان لە ماوەی رابردودا هەموو پابەندیەكانی خۆی بەرامبەر پارتی سەداسەد جێبەجێكردووە، لە كاراكردنەوەی سەرۆكایەتی هەرێمەوە تا دەنگدان بە مەسرور بارزانی و تەنانەت دەنگدان بە درێژكردنەوەی یاسای تیرۆر و دەنگدان بە یاسای چاكسازی بەوشێوەیەی پارتی دەیویست،بەڵام مەسرور بارزانی لە مانەوەی گۆڕان لە حكومەتدا بێمنەتە. بەپێی زانیاریەكانی دیبلۆماتیك مەگەزین، مەسرور بارزانی لەماوەی ڕابردودا گوێی نەداوە بە نیگەرانیەكانی گۆڕان لەسەر دیاریكردنی هەریەك لە ڕێباز حەملان و محەمەد حاجی وەك یاریدەدەری سەرۆكی حكەومەت،لەكاتێكدا هەتائێستا یاریدەدەرەكەی گۆڕانی دانەناوە و وتویەتی ئەبێت یاسای بۆدەربچێت.

،،

لەم ڕۆژانەدا یاریدەدەرێكی دیكەی بۆ كاروباری نەوت و گاز دامەزراندوە كە كچێكە بەناوی رانیا مەجید و سەر بە پارتی دیموكراتی كوردستانە.لەكاتێكدا دەبوو لەبری ئەمە سندوقی داهاتی نەوت دروست بكات و سەرۆكەكەشی بداتە گۆڕان

لەلایەكی دیكەوە لەم ڕۆژانەدا یاریدەدەرێكی دیكەی بۆ كاروباری نەوت و گاز دامەزراندوە كە كچێكە بەناوی رانیا مەجید و سەر بە پارتی دیموكراتی كوردستانە.لەكاتێكدا دەبوو لەبری ئەمە سندوقی داهاتی نەوت دروست بكات و سەرۆكەكەشی بداتە گۆڕان. رۆژنامەی زەمەن سەر بە كۆمپانیای ووشە لە دوا ژمارەیدا بڵاویكردۆتەوە كە جڤاتی نیشتیمانی بۆ تاوتێكردنی هەرەشەی كشانەوە لە حكومەتەكەی مەسرور بارزانی كۆدەبنەوە.

رۆژنامەكە ئەوەشی نوسیوە كە نیگەرانیەكانی گۆڕان لەسەر چەند پرسێكە لەوانە: دیاریكردنی مستەفای سەید قادر بە جیگری سەرۆكی هەرێم بەبێ‌ كارمەند و نوسینگە و رادەستكردنی مەلەفی پێشمەرگە،و وەك رۆژنامەكە دەڵێت پارتی ئەوەی بڕیوەتەوە كە ئەو مەلەفە رادەستی مستەفای سەید قادر ناكات. هەروەها دانەنانی وەكیل وەزیرەكانی گۆڕان و دەستبەكارنەبونیان و پرسی 12%ی پۆستەكانی ناو حكومەت و دانەنانی یاریدەدەری سەرۆكی حكومەت بۆ كاروباری چاكسازی و دروستنەكردنی سندوقی داهاتە نەوتیەكان و رادەستكردنی بە گۆڕان.

سەرە رای ئەوەی كە گۆڕان بە چەندین ڕێگەی جیاواز نیگەرانیەكانیان گەیاندۆتە مەسرور بارزانی، بەڵام لەهەموو جارێكدا لەلایەن مەسرور بارزانیەوە وەڵامێكی نەرێنیان وەرگرتووە. نازانرێت ئایا هەنگاوەكەی ئەمجارەی بزوتنەوەی گۆڕان مەسرور بارزانی دەهێنێتە سەرخەت و داواكاریەكانیان جێبەجێدەكات،یان بەتەواوەتی لێیان توڕە دەبێت و لە حكومەتەكەی دەریان دەكات؟