ئایا ئەمەریکا بە نیازی کودەتایە لە عێراق؟

پرسی کشانەوەی هێزەکانی ئەمەریکاو ئەنجامدانی کودەتا لە عێراقدا

ئایا ئەمەریکا بە نیازی کودەتایە لە عێراق؟

919 خوێندراوەتەوە

هەردی ئەنوەر

دوابەدوای ئەوەی لە چەند هەفتەی رابردوودا جارێکیتر گروپە میلیشیا شیعیەکانی عێراق هێرشیان کردە سەر هێزەکانی هەوپەیمانان لە عێراقدا، لە ئەنجامدا دوو سەربازی ئەمەریکی و سەربازێکی بەریتانی گیانیان لەدەستدا، ئەمەریکا سەرەڕای تەقاندنەوەی چەندین جبەخانەوە و بنکەی ئەو گروپانەو سەپاندنی سزای نوێ بەسەر چەند کۆمپانیەیەکی گواستنەوەی ئێرانی کە یارمەتی گروپەکانی خۆیان داوە لە عیراق و سوریا، بەڵام وەک لە پەیامەکانیان دا دەردەکوێت هێشتا کاردانەوەکانی خۆیان بۆ تۆڵەکردنەوەی ئەو هێرشانە پێ کەمە و ئامادەی تٶڵەسەندەوەو پەلامارن لە هەر کاتێکدا پێویست بێت و گونجاوبێت!

لەسەرەتای ئەم هەفتەوە بە شێوەیەی بەرچاو جموجوڵی هێزە ئەمەریکییەکان و جێهێشتنی هەندێ بنکەو بارەگای سەربازی لە عێراقدا بینراوە، ئەمە لە کاتێکدایە کە بەفەرمی هیچ دەنگۆی جێهشتنی هێزەکانی ئەمەریکا لە عێراقدا نییە! بەڵام لەهەمان کاتدا بنکەکانی قەیارەیان لە موسڵ جێهێشتوەو ڕادەستی هێزە سەربازییەکانی عێراقیان کردۆتەوە، هەروەها لە بنکەی " القیم و حببانیە" لە پرۆسەی جێهشتندان و هاوکات بە پێی لێدوانی هاشم الهاشمی شارەزا لە بواری ئاسایشی عێراقی، وا قەرارە لە بنکەکانی " کەی وەن و بیسمە" ش بگوازنەوە،

،،

چونکە هیچکام لەم بنکانە لە ڕوی جێگە و توانای خۆپارێزییەوە سەلامەت نیە بۆ هێزە ئەمەریکییەکان.

گۆڤاری القدس ی عربی باس لەوە دەکات ئەمریکا هێزەکانی نەکشاندۆتەوە، بەڵکو دەیانباتە ئەو بنکانەی کە سەلامەتن و توانای بەرگری لە خۆیان باشترە، بەتایبەت بنکەکانی هەرێمی کوردستان و بنکەی عین اسد، هاوکات پلانی هێنانی سیستەمی دژە موشەکیان هەیە بۆ ئەو بنکانە. هاوکات هاشم السامرائی سەرۆکی سەنتەری لێكۆلینەوەی سیاسی بۆ جەزیرە، ئەوەی ئەمریکا ئەنجامیداوە کشانەوەی هێزنیە بەڵکو جێگۆرکێیەو هەوڵی تۆکمە کردن و جێ پێ قایمکردنە لە بنکەو شوێنی ستراتیژی و سەلامەت و هیچ پەیوندی بە داواکاری سیاسی و رێکەوتنی تازەوە نیە!

ئایا ئەمەریکا بە نیازی کودەتایە لە عێراق؟

شەفەق نیوزی کوەیتی باس لەپلانی ئەمەریکا دەکات بۆ ئەنجامدانی کودەتا لە عێراقداو دروستکردنی حکومەتێکی نوێ کە لەبەرژەوەنی ئەمریکادا بێت و دەستەمۆی ئێران نەبێت، ئەو سەرچاوە باس لەوە دەکات کە دەزگای هەوڵگری ئێرانی بەوەیان زانیوە کە ئەمریکا لەگەڵ دەنگی نارازی عێراقیدا قسەی کردوەو پێی راگەیاندون کە ئەوان بێهیوابوون لەوەی کە بەشێوەیەکی مەدەنی بوانن ئەو گۆرانکارییانە دروست بکەن، بۆیە لە ڕێگەی هاوپەیمانەکانی خۆیان لە ناو کورد و سوننە باسیان لەپشتیوانی سەربازی خۆیان کردۆتەوە بۆ دروستکردنی بزوتنەوەیەکی سەربازی شان بەشانی بزوتنەوە مەدەنیەکە کە بتوایت لە رێگەی هێزەوە حکومەتی نوێ پێکبهێنێت!

ئەم دەنگۆیانە لە ئیستادا لەلای کتائب حزب اللە و حشد شعبی و سوپاسی قودسی ئێرانی بە جددی ورگیراوە هەر لەم هەفتەیەدا حزب اللە بەیاننامەیەکیان بڵاو کردەوە تێیدا ئاماژەیان بەوە کردوە لە کاتێکدا ولات گیرۆدەی دەستی ڤایرۆسی کۆرۆنا بووە ئەمەریکا و مورتەزقەکانی پلانی کودەتایان هەیە بەسەر دەستەڵاتدا بۆیە ئاگادارتان دەکەیەنەوە هەر کەس و لایەنێک لە ناوخۆی عێراق دا ببێتە بەشێک لەو پلانەو باجەکەی بە قورسی دەدات! محمد البلداوی ئەندامی پەرلەمانی عێراق باس لەوە دەکات ئەمەریکا زەختێکی زۆری کردووەتە سەر دەستەڵاتی عێراقی بۆ ئازادکردنی دیلەکانی داعش لە زیندانەکاندا بە بیانووی بڵاوبونەوەی ڤایرۆسی کۆرۆنا کە بە پێ وتەی ئەو ئەندام پەرلەمانە، ئەمە بەشێکە لەو پلانی کودەتایە، چونکە سوننە و نارازییە شیعەکان و کورد لایەنگری ئەمریکا دەبن لەم کارەدا، هاوکات ئیرانییەکان ئەم بابەتەیان زۆر بە جددی وەرگرتوە و ئەوەیان باس کردوە کە کۆشتنی قاسم سلیمانی و مهدی مهندس سەرەتای دەستپێکی ئەم کودەتایەیە،

،،

بۆیە هەر لەم ماوەی پێشوودا لەگەڵ کوردو سوننە دانیشتیان کردوەو بەزمانێکی تێکەل لەهەڕەشەو دلسۆزییەوە ئەوەیان تێگەیاندوون ئەم کارەی ئەمریکا دەبێتە هۆی پشێویی لە عێراقداو هەموان زیانیان پێدەگات!

الهاشمی باس لەوەدەکات ئەمریکا لەنێوان دوو بژاردەدا ماوەتەوە بۆ یەکلاییکردنەوەی حکومەتی نوێی عێراق، ئەویش یاخود راستەوخۆ پشتیوانی کاندیدێک بکات و پشتیوانی لەناو دەنگی نارەزاییدا بۆ کۆبکاتەوەو بیکات بە ئەمری واقع، یاخود ئەمەش تارادەیەک ئاستەمە، چونکە پێکهاتەی عێراق ئەمری واقعی کەمینە قبوڵ ناکات، دووەم ئەوەیە کە لە ڕێگەی هاوکاری سەربازییەوە یارمەتی سوپاو دەنگی نارەزایی بدات لە ڕێگەی کودەتاوە ئەم کارە ئەنجام بدەن، هاوکات خۆیشی راستەوخۆ رێگە بگرێت لەهەر جموجوڵێکی حشدی شعبی و گروپانی تری سەر بە ئێران.

بەم نزیکانە ئەمریکا لە زاری مایک پۆمپێیۆ، وەزیری دەروەی ئەمەریکاوە ئەوەیان راگەیاند ئەگەر عدنان زروفی بتوانێت گەندەڵی نەهێڵێت، تەداخولاتی ئێران لە کاروباری نێوخۆیی بوەستێنێت و ئابوری ببوژێنەتەوە ئیمە پشتیوانی دەبین؛ هاوکات ئەوەشی راگەیاند کە لەدوای هێرشی پرۆکسیەکانی ئیران بۆسەر سەربازەکانمان لە بنکەی تاجی ٧ کۆمپانیا و یەکەی بازرگای ئێرانی دەخەینە ژیر سزاوە کە ئابوری ئەو وڵاتە بەرەو خراپتر دەبات، ئێران زیاد لە ١٦ ملیار دۆلاری بۆ دروستکردنی گروپە میلیشیاکان لە عێراق و سوریا دبینکردوە کە راستەوخۆ دژی بەرژەوەندیەکانی ئێمە کاردەکان، بۆیە ئەو گروپانەو ئیرانیش دەبێت باجی ئەم هێرشانە بدەن!