گفتوگۆی ئایدیۆلۆژی من و بەڕێز نەوشیروان مستەفا

گفتوگۆی ئایدیۆلۆژی من و بەڕێز نەوشیروان مستەفا

1957 خوێندراوەتەوە

د. ئیدریس کاریتانی


بۆ مێژوو ویستم ئەم گفتوگۆ ڕاستەوخۆیەی بەندەو بەڕێز نەوشیروان مستەفا، لەبارەی فكرو ئایدیۆلۆژیا باس بكەم، وا رێك كەوت چوار جار ڕاستەوخۆ بۆ ماوەیەكی دورو درێژ گفتوگۆی ڕاستەخۆ بكەین، جارێكیان لەسەردەمی دروستكردنی كۆمپانیای وشە، سێ‌ جاریش لەدوای دروست كردنی بزوتنەوەی گۆڕان، هەر جارەی بۆ باسێك لەگەڵ كۆمەڵێك مامۆستای ئایینی یەكترمان بینی، سیفەتی سروشتی وابوو هیچ موجامەلەیەكی نەدەكرد لەگەڵ كەس، لەگەڵ ئێمەش هەر وابوو، بەڵام لەهەر چوار جار گوێی بۆ گرتین تا هەمومان ئەوەی لەدڵمان بو گوتمان، هیچ قسەیەكی بەهیچمان نەبڕی، هەرچی گوتمان لەسەر خراپی سەركردایەتی كورد لەبەرامبەر دین و كورد، هیچ پێی گرژ نەبوو، دوای تەواو بونی قسەکانی ئێمە، ئینجا زۆر بەوردی رونكردنەوەی داو، لەهەندێكیان دەی گوت وایە، لەهەندێكیان حاڵەتەكەی روون دەكردەوە

جارێكیان خودا شاهیدە پێم گوت: ( بەڕێز مامۆستا تۆ دەزانی كورد كوشتەی دەستی فكری عەلمانیە، سایكس بیكۆ بۆ چوار بەش دابەشی كردووە، هەرچی شۆڕشی كوردیە وڵاتانی عەلمانی شكستیان پێ هێناوە، هەروەها ئێستا دوای رەبیعی عەرەبی بینیت كە عەلمانیەت لەجیهانی ئیسلامی هیچ باوی نەماوە، ئەگەر جەنابت بزوتنەوەی گۆڕانت لەسەر فكرو ئایدیۆلۆژیای عەلمانی دروست كردووە، ئەوە دڵنیا بە چارەنوسی خۆت و بزوتنەوەكەش لەچارەنوسی قەزافی و حوسنی موبارەك و صدام حسین و زین العابدین باشتر نابێ‌، ئەوە خۆت بینیت چیان لێ‌ هات).

وەڵامی دامەوەو فەرمودەیەكی پێغەمبەری بۆَ هینامەوە بەم شیوازە خوێندیەوە (من راَ منكم اعوجاجا فلیغره بیدە) گوتی ئێمە دەبێ‌ ئەوە پەیڕەو بكەین، ئینجا ڕوی لەمن كرد، گوتی مامۆستا برۆ هەمو كتێب و نوسراوەكانم بخوێنەوە، تەحدا دەكەم لەم هەموو نوسراوەی كەهەمە، لەهەموو ئەو وتارانەی كە هەمە یەك وشەشم لەدژی خوداو پێغەمبەرو ئیسلام و قورئان گوتبێ‌، ئەمانە هەموی شاهیدن بۆ ڕاستی، دوای گوتی ئەگەر باس باسی ئەوەیە كە ئێمە سەرەتای دەست پێكردنی شۆرشی رزگاری خوازی گەلەكەمان لەسەر شوعیەت و ماركسی وچەپ بو بێ‌، ڕاستیەكەی ئەو كاتەی ئێمە شۆڕشمان دەست پێكرد هەر سوڤیەت بەهێز بوو لەجیهان، هیچ هێزێكی تر نەبوو ئێمە پشتی پێ‌ ببەستین، بۆیە بەناچاری ئەم شیعارانەمان هەڵگرتبوو نەك عەقیدەو ئایدیۆلۆژیا بێ‌ لەلامان، چۆنكە ئێمە دەزانین میللەتی كورد هەمووی موسڵمانە) ئەوەی دەیڵێم (والله علی ما اقول شهید) ، رێك نەقڵم كردوە بۆچونی بەڕێز نەوشیروان مستەفا بوو لەبارەی ئایدیۆلۆژیاو فكر.