ئەمەریكا ساڵی ٢٠٠٨ قاسم سولەیمانی لەمردن ڕزگار كرد

ئەمەریكا ساڵی ٢٠٠٨ قاسم سولەیمانی لەمردن ڕزگار كرد

1038 خوێندراوەتەوە

ئەمڕۆ یوسی بیرمانی ئەندامی پێشوی موسادو توێژەری ئەمنی و ستراتیژی لە ناوەندی لێكۆڵینەوەی تەلئەبیب كتێبێكی نوێی بەناوی ( سیخوڕەكان نمونەی نین) بڵاو كردەوە، كتێبەكە باس لە چەند ئۆپەراسیۆنێكی هەواڵگری موساد دەكات بۆكوشتنی دوژمنەكانی ئیسرائیل.

لە كتێبەكەدا یوسی باس لە تیرۆركردنی عیماد موغنیەی سەرۆكی باڵی سەربازی حیزبوڵای لوبنان و قاسمی سولەیمانی دەكات لە ساڵی ٢٠٠٨ كەلە ئۆپەراسیۆنەكەدا عیماد موغنیە كوژراو سلێمانی ڕزگار بوو.


چیرۆكی تیرۆر كردنەكە

بەپێی گێڕانەوەكەی یوسی لە سەرەتای ساڵی ٢٠٠٨ موساد بڕیاری كوشتنی عیماد موغنیەی دەركرد بەهۆی شكستی ئیسرائیلەوە لەشەڕی ساڵی ٢٠٠٧ دا كە موغنیە و سولەیمانی سەركردایەتی شەڕەكەیان كردووە.

سەرەتا موساد وێنەیەكی نوێی عیماد موغنیەی دەستكەوتووەو داوای لە CIA كردوە هاوكاری بكات لە كوشتنی موغنیە و سلێمانی دا، بەڵام ئەمەریكا مەرجی ئەوەی بۆ ئیسرائیل داناوە كە پێویستە قاسمی سولەیمانی نەكوژێت و ئیسرائیل بە مەرجەكەی ئەمەریكا ڕازی بووە.

لە ڕێگای ئوردونەوە باڵوێزخانەی ئەمەریكا لە دیمەشق ئەو بۆمبەی گواستووەتەوە بۆ سوریا و باڵوێزخانەی ئەمەریكا لە دیمەشق بۆمبەكەی ڕادەستی بازرگانێكی ئەمەریكی كردووە بۆ ئەوەی بە سیخوڕەكانی موسادی بسپیرێت.

دواتر CIA چاودێری عیماد موغنیەی كردوە لە ڕێگەی تەلەفونەكەیەوەو زانیاری بە موساد داوە كە موغنیە بۆ كۆبوونەوەیەكی گرنگ دێتە دیمەشق و لەگەڵ قاسمی سولەیمانی و محمد سلێمانی ڕاوێژكاری بەشار ئەسەد كۆدەبێتە لە شوقەیەكی ناوچەی كەفەر سوسەی دیمەشق.

موساد لە ڕێگەی محمد سلێمانی ڕاوێژكاری ئەسەدەوە كەكاری بۆ موساد دەكرد شوقەیەك لە هەمان باڵەخانەكەی شوێنی بۆ سیخوڕەكانی موساد بەكرێ دەگرێت بۆ چاودێری كردنی موغنیە.

ڕۆژی ڕزگار بوونی سلێمانی و كوژرانی عیماد مەغنیە ...

لە بەرەبەیانی ڕۆژی ١٢ شوباتی ساڵی ٢٠٠٨ و عیماد موغنیە بەبێ پاسەوان دەچێتە شوقەی شوێنی كۆبوونەوەكەو دواتر قاسمی سولەیمانی و محمد سولەیمان دەچنە شوێنی كۆبوونەوەكە.

لەكاتی سەرقاڵیان بە كۆبوونەوەكە سیخوڕەكانی موساد بۆمبە موگناتیسیەكە كە شەش كیلۆ TNT بووە لەژێر ئۆتۆمبیلی عیماد موغنیەدا دەچێنن لە دوای كۆبوونەوەكە قاسمی سولەیمانی دەیەوێت لەگەڵ عیماد مەغنیەدا بچنەوە بۆ ماڵی موغنیە، بەڵام محمد سلێمانی ڕاوێژكاری ئەسەد ڕێگری لە سولەیمانی دەكات لەگەڵ موغنیەدا سەربكەوێت.

چونكە موساد لەسەر داوای ئەمەریكا نەیدەویست قاسمی سولەیمانی بكوژرێت، هەربۆیە كاتێك قاسمی سولەیمانی و محمد سلێمانی شوێنەكە جێدەهێڵین پاش چەند خولەكێك موغنیە سەر ئۆتۆمبیلەكە دەكەوێت و سیخوڕەكانی موساد بۆمبەكە دەتەقێننەوە و موغنیە تیرۆر دەكرێت.

ئەمەریكا بۆچی نەیویست سلێمانی تێرۆر بكات؟

ئەوكات سەرەتای هەڵمەتی هەڵبژاردنی سەرۆكایەتی ساڵی ٢٠٠٨ بوو بۆش دەترسا ئێران كاردانەوەی توندی لە عێراق هەبێت و ژیانی سەربازەكانی ئەمەریكا دەكەوتە مەترسیەوە.

 

author photo

لێكۆڵەر لە ناوەندی ئیمارات بۆ لێكۆڵینەوەی ستراتیژی