جێگری بەڕێوەبەری تەندروستی سلێمانی: لەسەر كشانەوەی تێمی تەندروستی لەمەرزی باشماخ لیژنەی لێكۆڵینەوە دروستكراوە

جێگری بەڕێوەبەری تەندروستی سلێمانی: لەسەر كشانەوەی تێمی تەندروستی لەمەرزی باشماخ لیژنەی لێكۆڵینەوە دروستكراوە

254 خوێندراوەتەوە

د.هێرش سەید سەلیم،جێگری بەرێوەبەری تەندروستی سلێمانی، بە دیبلۆماتیك مەگەزینی راگەیاند: لەسەر كشانەوەی تیمی تەندروستی لە مەرزی باشماخ لیژنەیەكی لێكۆڵینەوە پێكهێنراوە و چاوەڕێی ئەنجامەكەی دەكەین"

جێگری بەڕێوەبەری تەندروستی سلێمانی،ئاماژە بەوەدەكات، راست نییە تەشەنەسەندنی كۆرۆنا لە پارێزگای سلێمانیدا بخرێتە ئەستۆی كشانەوەی ئەو تیمە تەندروستییە بۆ ماوەیەك، چونكە كاری ئەوان بریتی بووە لە پڕكردنەوەی فۆرم بۆ ئەو عێراقیانەی گەڕاونەتەوە،بەڵام جوڵەی بازرگانی لەژێر كۆنترۆڵی بەرپرسانی مەرزەكەدابوە و نەك تیمەكەی ئێمە، شۆفێری ئێرانی هاتۆتە ناو پێنجوێن و گەڕاوە.

سەبارەت بەوەی بۆچی لەئێستادا سلێمانی بەو شێوە قورسە پەتاكەی تێدا دەركەوتووە،د.هێرش دەڵێت: سلێمانی چەندین مەرزی نێودەوڵەتی و دەروازەی لەگەڵ ناوچەكانی عێراق هەیە،ڕێكارەكان وەكو پێویست جێبەجێ نەكراون،ئێمە جاری پێشوو وتمان كۆرۆنا كۆتایی نەهاتووە،بەڵام كۆنترۆڵ كراوە،بەڵام خەڵك دەستی لێ‌ بەردا،بەهۆی بێ متمانەیی بە حكومەت و بێ‌ باكی و بەلاڕێدابردن و هاتنە ناوشاری سایەقە ئێرانیەكان،ئەنجامەكەی ئەم كارەساتەی ئێستای لێكەوتەوە.

هەوروەها ئاماژەی بەوەشكرد: دۆخی تەندروستی لە كۆنترۆڵ دەرنەچوە و هێشتا لەژێر كۆنترۆڵی تیمە تەندروستییەكاندایە.بەڵام بارگرانیەكی زۆرگەورە دروست بووە كە خەریكە لەتوانای ئێمەدا نامێنێت.

جێگری بەڕێوەبەری گشتی تەندروستی سلێمانی وتیشی" سەرە رای ئەوەی كە كەموكوڕیی پێداویستی پزیشكیمان هەیە كارمەندەكانیشمان گرفتی بێ‌ مووچەییان هەیە،لەمڕۆشەوە حكومەت پارەی كەرتی تەندروستی زۆر كەمكردۆتەوە و كردویەتی بە 30% ی ئەوەی پێشوو بۆی خەرجدەكرا،ئەمەش توانای بەڕێوەبەرایەتیەكانی تەندروستی تەواو سنوردار كردووە و ناتوانین وەك پێویست بەكارەكانمان هەڵسین"

هەروەها وتی ئەوەی رویداوە بەهۆی ئەوەوەیە كە حكومەت كەمترخەمە و خەڵكیش وەكو پێویست خۆی ناپارێزێت و متمانەی نەماوە.