کازمی بەکوێ دەگات؟

کازمی بەکوێ دەگات؟

388 خوێندراوەتەوە

مستەفا کازمی سەرۆکوەزیرانی نوێی عێراق لەدوای دەستبەکاربوونی، کۆمەڵێک چاکسازی و هەنگاوی باشی ناوە بۆ تێپەڕاندنی قەیرانەکانی عێراق و دەیەوێت بە هەموو توانایەوە توڕەی شەقامی عێراق دامرکێنێتەوە، لەدرێژەی ئەو هەنگاوانەدا، کازمی دەیەوێت هێزە میلیشیاکان لەعێراق قەبارەو هەژموونیان بچوک بکاتەوە، وە ئەمەش لەڕێگەی کەمکردنەوەی دەسەڵاتی ئەم هێزانە، بەشێک لەچاودێران ئەوە دەڵێن کە کازمی دەیەوێت قومارێکی ترسناک بکات هەم بەخۆی هەم بەعێراقیش، چونکە بەشێک لەو میلیشیایانە ڕاستەوخۆ پەیوەندیان هەیە بە ئێرانەوە کەمەش کارێکی ئاسان نیە، بەشێکی تر دەڵێن، ئەوەی کابینەکانی تری پێش خۆی نەیان توانی بەرامبەر میلیشیاکان بیکەن ئەوا کازمی دەستی پێکردووەو هەتاک ئێستا سەرکەوتووبووە.

لەچەند ڕۆژی ڕابوردو کازمی جووڵە سیاسی و سەربازیەکانی زیاتر کردووەو لەوانەش لابردنی فالح فەیاز لە ڕاوێژکاری ئاسایشی نەتەوەیی، وە دەستگیرکردنی سی و پێنج کەس لە میلیشیاکانی حیزبوللە کەئەمە ناڕەزایەکی زۆر لەلایەن شیعەکانەوە لێ دروست بوو، پرسیارەکە لێرەدایە ئایە کازمی لەم کارە سەرکەوتوو دەبێت یان شکست دێنێت؟


مستەفاکازمی کازمی کێیە؟

کازمی لە ساڵی 1967 لە شاری بەغدا لەدایکبووە و هەڵگری بڕوانامەی بەکالۆریۆسە لە یاسا.
جگە لە رەگەزنامەی عێراقیی هیچ رەگەزنامەیەکی دیکەی نییە، هاوسەرگیری کردووە و باوکی دوو منداڵە.
ساڵی 2016 بووە بە سەرۆکی دەزگای هەواڵگریی نیشتمانیی عێراقی.
لەگەڵ ئەوەی یەکێک بووە لە بەرهەڵستکارانی سەدام حسێن لە تاراوگە، بەڵام لە هیچ حزبێکی سیاسییدا چالاکیی نەکردووە دژ بەو رژێمە.
ماوەیەک بەڕێوەبەری نووسینی بەشی عێراق دەبێت لە ماڵپەڕی ئەلمۆنیتەری نێودەوڵەتی، ماوەیەکیش سەرنوسەری گۆڤاری ئسبوعیە بووە و بەڕێوەبەری جێبەجێکار بووە لە دەزگای یادەوەری عێراقیی.
کازمی کەی بەربژێر کرا بۆ سەرۆک وەزیرانی عێراق و ئەو تۆمەتانەچیە کە دەدرێتە پاڵی؟

،،

ناوی مستەفا کازمی لەگەڵ گەلێک لە بەربژێری تر لە شەقامی عێراقی دەرکەوتن لە ماوەی خۆپێشاندانەکان کە ھەموویان بەڵێنی چاکسازییان دەد، بەڵام ھەر بەربژێرێکیان دیاریدەکرد لە لایەن کۆمەڵە و پارتی تر ڕەت دەکرایەوە.


دواتر سەرۆک کۆماری عێراق بەرهەم ساڵح کازمی ڕاسپارد بۆ پێکھێنانی کابینە وەزارییەکەی بەڵام ڕاستەوخۆ لە لایەن کەتیبەکانی حیزبوڵڵای عێراق تۆمەتی سیخوریان دایە پاڵی بە بیانووی ئەوەی ھاوکاربووە لە کوشتنی سەرکردەی حەشدی شەعبی ئەبو مەھدی موھەندیس و سەرکردەی لەشکری قودسی ئێرانی قاسم سولێمانی، بەلام ئەم تۆمەتانە نەبوونە ئەوەی کە کازمی چانسی سەرۆک وەزیرانی لەدەستبدا، بەڵکو بەکۆی لایەنەشیعەو سوننەو کورد کازمیان وەک سەۆکی وەزیرانی عێراق دیاری کرد بەشێک لە شرۆڤەکارانی سیاسی دەڵێن کازمی بە پاڵپشتی ئەمریکیەکان دانراو هەموو لایەنەکانیش بەفشار ڕازیکران کە مستەفاکازمی وەک سەرۆک وەزیرانی عێراق دیاری بکرێت.


مستەفاکازمی دەیەوێت چی بکات ؟

جوڵە سیاسی و سەربازیەکانی کازمی هەموولایەکەی شۆک کردوە بەتایبەتی دوای ئەوەی کە لەئۆپراسۆنێکی سەربازی هەوالگری توانیان لە ناوچەیەکی دوورەدەستی بەغداد سی و پێنج چەکداری حیزبوللە دەستگیر بکەن کە ئامادەکاریان دەکرد بۆ هەڵدانی کاتیۆشا بۆناوچەی سەوزی بەغداد، ئەم ڕووداوە هەرزوو بڵاو بۆیەوە و بوە جێگەی لێدوانی جیاواز لەلایەن شیعەکانەوە، نوری مالیکی سەرۆکی حیزبی دەوڵەتی یاسا، پەیامێکی توندی ئاڕاستەی کامزی کردو وتی ئەوەی کە دەست بەرێت بۆ حەشدو حیزبوللە ئەنجامی وەک داعشی لێیدێت، هەریەک لە قەیس حەزعەلی ئه‌میندارى عه‌سائیبى ئه‌هلى حه‌ق سه‌باره‌ت به‌ ده‌ستگیركردنى گروپێكى حه‌شدى شه‌عبى رایگه‌یاند، ئه‌وه‌ى كازمى كردى پێشتر هیچ سه‌رۆك وه‌زیرانێك نه‌یكردووه‌و باشتر وایه‌ خۆى له‌ قه‌ره‌ى هێزه‌ تێكۆشه‌ره‌كان نه‌دات.

خه‌زعه‌لى له‌ دیمانه‌یه‌كى ته‌له‌فیزیۆنیدا باسیلەوەکرد، ئه‌وه‌ ئاڵۆزییه‌كى گه‌وره‌یه‌ و له‌لایه‌ن دادوه‌ره‌ هیچ فه‌رمانێک بۆ ئه‌و كاره‌ ده‌رنه‌چووه‌، به‌ڵكو به‌فه‌رمانى راسته‌وخۆى مسته‌فا كازمى ئه‌نجامدراوه‌.

گوتیشى:"هیچ بەرپرسێکی عێراقی، پێش کازمی نەیوێرابوو گرووپەکانی بەرخۆدان لە عێراق بکاتە ئامانج، باشتر وایە سەرۆک وەزیران رووبەروی حەشد نەبێتەوە چونکه‌ ئەوان نوێنەری خەڵکن"..

تەنانەت کارگەیشتەئەوەی کەڕۆژنامەی كەیهانی نزیك لە علی خامەئی ڕەخنەی توندی ئاراستەی كازمی كردووە بەهۆی دەستگیركردنی چەكدارانی حەشدەوە.
کازمی دەوێت بەهەموو لایەنەسیاسیەکانی عێراق بڵیت من ئاواچاکسازی دەکەم ، ئەوەی کابینەکانی ڕابوردوپێیان نەکرا من دەیکەم وە بەشێک لەچاودێرانی سیاسی دەڵێن ئەم جوڵانە بەپاڵپشتی ئەمریکایەو دەیەوێت میلیشایاکانی سەربە ئێران هەژموونیان بچوک بکاتەوە.

ئایا ئەوەی کازمی دەستی پێکردووە، کورد وەتەنی چوونە بەگژ قولەی قافدا، بەڵام ئەوەی کە بەشێک لەچاودێرانی سیاسی باسیدەکەن کە کازمی پاڵپشتێکی گەورەی هەیەو بۆچوونەکان بۆ ئەوە ئەچن کە ئەمەریکا لەپشت ئەم جوڵانەی کازمییەوە بێت.

،،

ڕۆژنامەی ئیندیپێندنتی بەریتانی دەڵێت، ئەگەری هەیە لەگفتوگۆکانی واشنتۆن و بەغداد یەکێک لەپرسەکان چەککردنی میلیشیاکان بێت، چونکە وەک هەردوولا لەسەر ئەوە کۆکن کە دەبێت سەروەری خاکی عێراق بپارێزرێت.

ئێستا کازمی بەوە گرێوەکەی برۆدۆتەوە کە کەشەقامی عێراقی بەتەواوی ڕەنگەکانەوە پشتگیری دەکەن، بەڵام، ئەوەی کەکازمی دەیکات هیچ سەرۆک وەزیرانێکی تر نەیتوانیوە ئەوەبکات، ئەوەش بەهۆکاری ئەوەی کە دەستتێوەردانەکانی ئێران و هەژموونی زۆر بووە، بەڵام ئێستاکە بەهۆی کۆمەڵێک خاڵەوە خەریکە ئێران لە ساحەی سیاسی عێراق لاواز دەبێت و تۆپەکە دەچێتە سەبەتەی ئەمریکاوە. چاودێران ئەوە دەڵێن هۆکاری لاوازبوونی ئێران لە عێراق بۆ کوشتنی ئەبومەهدی موهەندیس و قاسم سولیمانی دەگەڕێتەوەو دوای ئەم ڕووداوە، بەتەواوەتی هەژموون و کاریگەری ئێران نەماوە لەعێراق، ئەمەش هۆکارێکە کە کازمی دەتوانێ سەرکەوتوببێت لە چەککردنی هێزە میلیشیاییەکان. بەشێکیتر لە چاودێرانی سیاسی، باسلەوە دەکەن کە كازمی دۆخی ئێران دەقۆزێتەوەو قەیرانی ئابوری و دابڕانی لە كۆمەڵگەی نێودەوڵەتی كە ئێستا تاران تیایدا دەژی، دوو پاڵنەرن كە كازمی دەیەوێت وەبەرهێنانیان تێدا بكات و بۆ داڕشتنەوەی پەیوەندییە هەرێمی و نێودەوڵەتیەكانی بیقۆزێتەوە، هەروەها دەتوانێت وەبەرهێنان لە بەڵێنەكانی سعودیە و كوەیت بكات بەوەی لە دۆسیەكانی گەشەی ئابووری و وزە هاوكاری عێراق بكەن. مونقز داغر سەرۆكی كۆمەڵەی (المستقل) بۆ لێكۆڵینەوە دەڵێت:" گرنگترین كار كە كازمی ئەنجامی بدات ئەوەیە، كە پێش ئەوەی بڕوات بۆ واشنتن دەسەڵاتی تەواوی بەسەر دامەزراوە و خاكی عیراقدا گرتبێت". دەشڵێت:" ئەمریكا كێشەی لەگەڵ بوونی حەشدی شەعبیدا نیە، بە مەرجێك لە ژێر دەسەڵاتی دەوڵەتدا بن و فەرمانیش هەر لەئەو وەربگرن، كێشەی ئەمریكا ئەوەیە كە عێراق لە بڕیارە سیاسی و ئابورییەكانی سەربەخۆ بێت، هەروەها هێزە ئەمنیە فەرمییەكان ئاسایشی وڵات لەئەستۆ بگرن".

 

author photo

ڕۆژنامەنوس