چۆن کۆرۆنا؛ هەرێمى کوردستان لەلایەنگرى ئەمریکاوە بەرەو چین ڕادەکێشێت؟

چۆن کۆرۆنا؛ هەرێمى کوردستان لەلایەنگرى ئەمریکاوە بەرەو چین ڕادەکێشێت؟

934 خوێندراوەتەوە

بڵاوبوونەوەى ڤایرۆسى کۆرۆنا هەلێکى گرنگى بۆ چین ڕەخساندووە تا هەیمەنى خۆى لەسەر هەرێمى کوردستان زیاتر بکات.
لەدواى بڵاوبوونەوەى ڤایرۆسى کۆڤید-١٩ و کەمى پێداویستى پزیشکى، پەکین لەمانگى سێی ئەم ساڵ، بەناردنى (٢٠٠) هەزار دەمامک بۆ هەرێمى کوردستان، هاوکارییەکانى خۆى بۆ هەرێمى کوردستان دەستپێکرد.

ئەم هاوکارییانەش بەردەوام بوو بەناردنى ئامێرەکانى پشکنینى ڤایرۆسى کۆرۆنا و پێداویستییە پزیشکیان.


کەناڵى ئەلجەزیرە لەبڵاوکردنەوەى ڕاپۆرتێکى تایبەتدا باس لە زیادبوونى پشتیوانییەکانى چین بۆ هەرێمى کوردستان دەکات و ئەم پشتیوانییەش لەکاتێکدایە، ئەمریکا دووچارى ڤایرۆسى کۆرۆنایە لەناوەوەى سنورەکانى خۆیدا و ئەمەش هەلێکى زۆرگرنگە بۆ چین تا هەیمەنى خۆى لەهەرێمى کوردستان فراوانتر بکات. لەڕوویەکى ترەوە دابەزینى نرخى نەوت و کەمکردنەوەى بەشە بودجەى گشتى هەرێمى کوردستان لەلایەن حکومەتى ناوەندەوە، وایکردووە بەهۆى دژوارى ڕەوشەکەوە بۆ حکومەتى هەرێمى کوردستان، پێشوازى بکات لەهاوکارییەکانى چین.

،،

پەیوەندییەکانى چین و هەرێمى کوردستان لەپاش ڕوخانى دەسەڵاتى صەدام گەرمتر بووە، جەلال تاڵەبانى سەرۆک کۆمارى پێشووى کۆمارى عێراقى فیدراڵ، پێش بوون بەسەرۆک کۆمار، وەک سەرۆکى یەکێتى نیشتیمانى کوردستان لەساڵى (٢٠٠٣) سەردانى چین دەکات.


نوێنەرانى چین لەئایندەدا سەردانى هەرێمى کوردستان دەکەن و هەردوولا باس لەگەرمى پەیوەندییەکانیان دەکەن.


هەروەها لەمانگى دوازدەى ساڵى (٢٠١٤) چین بڕیارى دا کۆنسوڵگەرى و نوێنەرایەتى خۆى لەهەولێرى پایتەخى هەرێمى کوردستان بکاتەوە، ئەمەش لەکاتێکدا داعش لەوپەڕى یەهێزی و ناوچەکەش لەڕووى ئاسایشەوە زۆر ناجێگیربوو. بەم شێوەیە پەیوەندییەکان بەردەوام بوون، لەساڵى (٢٠١٩)، لی جین لەکۆمیتەى ناوەندى حزبی کۆمەنیستى چینى سەردانى هەولێرى پایتەخت دەکات و بەشێوەیەکى فەرمى بانگهێشتى نێچیرەڤان بارزانى دەکات بۆ پەکینى پایتەختى وڵاتەکەى. هەروەها لەو دیدارەدا بەڕێز لى بە نێچیرەڤان بارزانى ڕاگەیاند، شى جین بینگ سەرۆک کۆمارى چین، ڕۆڵى هەرێمى کوردستان بەگرنگ زانیوە لەڕوبەڕوبوونەوەى داعش و شکستى بەناو دەوڵەتى ئیسلامى لەعێراق و شام.


لەگەڵ ئەوەى تا پێش بڵاوبوونەوەى ڤایرۆسى کۆرۆنا پەیوەندییەکانى چین و هەرێمى کوردستان سنوردار و ڕوکەش مابووەوە. بەڵام ڕۆڵى کاریگەرى پەکین لەهاوکارى هەرێمى کوردستان هۆکاربوو تا کوردەکان پەکین بە هاوبەشێکى ستراتیژیی بناسن، کە لەبارە لەناکا و پێویستییەکان هاوکارى گرنگ پێشکەش بکات. کوردەکان پێش هاوکارییەکانى چین، بەوشێوەیە سەیرى پەکینیان دەکرد وەک هەناردەکارى کاڵاى هەرزان و کەم کواڵیت نزم. کەچى ئێستا وەک هێزێکى جیهانى و ئابوریەکى بەهێز لەچین دەڕوانن.


ئامادەکارى ڕاپۆتەکە لەکۆتاییدا ئەوە دەخاتەڕوو، ئەگەر ئەمریکا درەنگ دەست بەکاربێت، چین جێگەى ئەمریکا دەگرێتەوە و بەخێراى هەرێمى کوردستانى لەدەست دەچێت.

سەرچاوە:

https://per.euronews.com/2020/07/17/covid-19-could-cause-us-to-lose-iraqi-kurdish-region-china?utm_medium=Social&utm_source=Facebook&fbclid=IwAR3gXJgG7pHl-B1bq2hCCN8EOD_u-TrVzYwbey0hb2oRFnedOh1vi4mo0Rs#Echobox=1594976747

 

author photo
دەرچوی بەشی زانستە ڕامیارییەكان
بەڕێوەبەری ناوەندی حەمرین بۆ توێژینەوەی ستراتیژی