حكومەتەكەی مەسرور بارزانی بەبەردەوامی لەژێر هەرەشەی لاهور شێخ جەنگیدا دەبێت

یەكێتی گێمێكی یاریەكەی لە پارتی بردەوە

حكومەتەكەی مەسرور بارزانی بەبەردەوامی لەژێر هەرەشەی لاهور شێخ جەنگیدا دەبێت

964 خوێندراوەتەوە

دوای ئەوەی یەكێتی لەسەر بڕیاری مەكتەبی سیاسی بایكۆتی دانیشتنەكەی رۆژی یەك شەممەی كرد،توانی شكست بەدانیشتنەكانی پەرلەمان بهێنێت كە پارتی سوربوو لە غیابی یەكێتیدا ئەنجامی بدات.

بەپێی زانیاریەكانی دیبلۆماتیك مەگەزین سەركردایەتی و مەكتەبی سیاسی بەهەڵەدا برابوون لەوەی كە بە ئامادەنەبونی سەرۆكی پەرلەمان دەتوانرێت دانیشتنەكانی پەرلەمان پەك بخرێت،بەڵام دواتر دەركەوت كە سیناریۆكەی یەكێتی هەڵەیەكی تێدایە،چونكە بەپێی پەیڕەوی پەڕلەمان لەكاتی ئامادەنەبونی سەرۆكدا جێگر مافی بانگهێشتی بۆ كۆبونەوەی پەڕلەمان هەیە.


پارتی دیموكراتی كوردستان سوربوو لەسەر ئەوەی كارتەكەی دەستی یەكێتی بسوتێنێت و هەرچۆنێك بووە دانیشتنی ڕۆژی یەك شەممەی پەڕلەمان ئەنجامبدرێت، بزوتنەوەی گۆڕان ئامادەیی نیشاندابوو كە بەشداری دانیشتنەكە دەكات،بەڵام فراكسیۆنی كۆمەڵ و یەكگرتوو رایانگەیاند كەبەشداری دانیشتنەكە ناكەن.

لەو كۆبونەوەیەدا بڕیاربوو ژمارەیەك لەوەزیرەكانی حكومەتیش ئامادەبن بەوانەی یەكێتیشەوە،بەڵام یەكێتی وەزیرەكانی ئاگادار كردبوو كە بەشداری كۆبونەوەكە نەكەن.

مەسرور بارزانی لە پەیامەكەی یەكێتی تێگەیشت كە ئەگەر كۆبونەوەی پەڕلەمان بەبێ‌ یەكێتی بكرێت ئەوە مانای ئەوەیە كە یەكێتی كشانەوەی لە پەڕلەمان و حكومەت دەكات دەكاتە راست و ئەوكاتەش یان حكومەتی تاك لایەنەی پارتی و گۆڕان و دابڕینی زۆنی سەوز یان هەڵوەشاندنەوەی حكومەت و چون بەرەو هەڵبژاردنی پێشوەخت دەبوە ئەمری واقیع.

،،

 یەكێتی گێمێكی یاریەكەی لە پارلاتی بردەوە، توانی ئیرادەی پارتی بشكێنێت، لەكاتێكدا سوربوو لەسەر ئەوەی كە ئەمڕۆ كۆبونەوەی پەڕلەمان بەبێ‌ یەكێتی بكرێت، هەروەها دانیشتنێكی پەڕلەمانیشی رەتكردەوە كە بە بانگهێشتی هێمن هەورامی بڕیاری لێدارابوو.

لەپێناوی دەربازكردنی كابینەكەی مەسرور بارزانی و دەرككردنی پارتی بەوەی بڕیاری بایكۆت بڕیاری سەركردایەتییە و بڕیاری سەركردایەتی یەكێتیش لای لاهور شێخ جەنگییە و هەروەك چۆن بڕیاری بایكۆتی سەپاند بڕیاری كشانەوە لە حكومەتیش دەكاتە ئەمری واقیع و تیایدا ناوەستێت.
پێدەچێت یەكێتی پاژنەی ئەخیلی پارتی دۆزیبێتەوە، هەربۆیە بەدرێژایی ماوەی كابینەكەی مەسرور بارزانی لەژێر هەرەشەی پاشەكشە و هەڵوەشاندنەوەی حكومەتدا دەبێت لەلایەن لاهور شێخ جەنگییەوە.

پارتی لەسەر داوای مەسرور بارززانی، سوربوو لەسەر ئەوەی كە هەڵمەتی بایكۆتی یەكێتی لە پەڕلەمان شكست پێ‌ بێنێت و بیسەلمێنێت كە یەكێتی پەڕلەمانی پێ‌ پەك ناخرێت.

،،

پەكخستنی دانیشتنەكانی پەڕلەمان لەلایەن یەكێتییەوە تاكتیكێك بوو بۆ دوو مەبەست مەبەستی یەكەم ناچاركردنی پارتی بەوەی لەگەڵیدا دابنیشێت و یەكێتی تێبینیەكانی خۆی لەبارەی بەشداری لە داهات و بڕیاری سیاسی و حوكمڕانی بە پارتی بگەیەنێت و ناچاریشی بكات كە خواستەكانی بهێنێتە دی.
دووەمیشیان تایبەتە بە دەسەڵاتەكانی سەرۆكی پەڕلەمان كە تەنها دەزگای سەرۆكایەتییە لەدەستی یەكێتیدا بێت.


پەك خستنی دانیشتنەكانی پەڕلەمان لەلایەن یەكێتییەوە تاكتیكێك بوو بۆ دوو مەبەست مەبەستی یەكەم ناچاركردنی پارتی بەوەی لەگەڵیدا دابنیشێت و یەكێتی تێبینیەكانی خۆی لەبارەی بەشداری لە داهات و بڕیاری سیاسی و حوكمڕانی بە پارتی بگەیەنێت و ناچاریشی بكات كە خواستەكانی بهێنێتە دی.
دووەمیشیان تایبەتە بە دەسەڵاتەكانی سەرۆكی پەڕلەمان كە تەنها دەزگای سەرۆكایەتییە لەدەستی یەكێتیدا بێت.

ناچار لە شەوێكی درەنگانی دوێنێ‌ شەودا رایەڵە دیبلۆماسیەكانی هەردولا كەوتنەكار و نێچیرڤان بارزانی و باڤلڵ تاڵەبانی دۆخەكەیان هێور كردەوە و بڕیاردرا كۆبونەوەی پەڕلەمان بۆ 24 كاتژمێر دوابخرێت و كۆبونەوەی پارتی و یەكێتیش ئەنجام بدرێت.

بەمەش یەكێتی گێمێكی یاریەكەی لە پارلاتی بردەوە، توانی ئیرادەی پارتی بشكێنێت، لەكاتێكدا سوربوو لەسەر ئەوەی كە ئەمڕۆ كۆبونەوەی پەڕلەمان بەبێ‌ یەكێتی بكرێت، هەروەها دانیشتنێكی پەڕلەمانیشی رەتكردەوە كە بە بانگهێشتی هێمن هەورامی بڕیاری لێدارابوو.

بەم پێیەش یەكێتی گێمی یەكەمی یاریەكەی لە پارتی بردەوە، بەڵام هێشتا نازانرێت وەڵامی پارتی لە جەولەی دووەمی یاریەكەدا چی دەبێت

 

author photo

ڕۆژنامەنوس و مامۆستای زانكۆ

سەرنوسەری دیپلۆماتیك مەگەزین

ڕۆژنامەنوسی تایبەتمەند لە ڕۆژنامەوانی بنكۆڵكاری