رەبعوڵڵا، هەڕەشە نوێیەكەی سەر عێراق

میلیشیاكان دڵەڕاوكێ و ترس لە عیراق بڵاو دەكەنەوە

رەبعوڵڵا، هەڕەشە نوێیەكەی سەر عێراق

274 خوێندراوەتەوە


ئەوەی هۆشیار زێباری ئەندامی مەكتەبی سیاسی پارتی دیموكراتی كوردستان، داوای لە حكومەتی ناوەند كرد كە ناوچەی سەوز لە "بوونی میلیشیاكانی حەشدی شەعبی پاك بكاتەوە"، چەند گروپێك هێرشیان كردە سەر لقی پارتی و بارەگاكەیان سوتاند.


زێباری لە كەناڵی "الحرە"دا، داوای ئەو ڕێكارانەی دژ بە میلیشیاكان كرد، هەروەها پێشتریش میلیشیا شیعەكانی بەوە تۆمەتبار كرد، كە فڕۆكەخانەی هەولێریان موشەك باران كردووە.


دوای دوو هەفتە لەو وتانە،گروپێك بەناوی " ربع الله- جماعە الله" دەستیان بە هەڕەشە و هاندان دژی زێباری و پارتەكەی كرد، دواتریش بارەگای پارتیان لە بەغداد سوتاند، ئەو كەسانەی هێرشیان كردە سەر لقی پێنجی پارتی لەسەر پۆشاكەكەیان " ربع الله" نوسرابوو.


سەرچاوەیەكی هەواڵگری سەر بە وەزارەتی ناوخۆی عیراق لەسەر ئەو گروپە دەڵێت:" ئەو گروپە تازە پێكهێنراوە،بەڵام ئەم ڕێكخراوە پەیوەستن بە گروپە كۆنەكانە و ڕێكخراوتریشن".

ئەو سەرچاوەیە كە قسەی بۆ كەناڵی ئەلحورە كردووە، ئاماژە بەوە دەكات كە پێدەچێت سەر بە گروپێكی حەشد بن و لەوبارەیەوە دەڵێت:" پێمان وایە ئەو گروپە سەر بە میلیشیاكانی حزبوڵڵاوەن، لەوەیە لقێك بن لە ئەوان".

،،

 "ربع الله" لە زاراوەی عیراقیدا واتایەكی بەهێزی نیە، ئەو گروپانە بەردەوام ئەو جۆرە ڕستە و ناوانە بەكاردەهێنن، بۆ نموونە ماڵپەڕێك بە ناوی"صابرین نیوز" لە تێلیگرام، یان " جبهە ابو جداحە- بەرەی باوكی چەرخ"كە ئەم گروپە تایبەتە بە سوتان، بۆیە ناوی چەرخی هەڵگرتووە".

بە وتەی سەلمان دەهام پسپۆڕی گروپە چەكدارییە عیراقیەكان" هێرشەكانی ئەو گروپانە یەك باكگراوندی هەیە، سەرەتا لە ڕێگای چەندین پەیجی وەهمیەوە دەست بە هاندان دەكەن، بۆ ئەوەی وا نیشانی بدەن، كە هێرشەكانیان لەسەر داوا و ویستی جەماوەر بووە،بە سوتاندنی بارەگا حزبی و كەناڵەكان كۆتایی بە كارەكەیان دەهێنن، كە ئەمەش بە كارێكی دوژمنكارانە دادەنرێت".

ئاماژەی بەوەش كرد كە ڕستەی "ربع الله" لە زاراوەی عیراقیدا واتایەكی بەهێزی نیە، ئەو گروپانە بەردەوام ئەو جۆرە ڕستە و ناوانە بەكاردەهێنن، بۆ نموونە ماڵپەڕێك بە ناوی"صابرین نیوز" لە تێلیگرام، یان " جبهە ابو جداحە- بەرەی باوكی چەرخ"كە ئەم گروپە تایبەتە بە سوتان، بۆیە ناوی چەرخی هەڵگرتووە".

دەهام زیاتر لەسەر ئەو وشە و ناوانە دەدوێت و دەڵێت:" ئەو ناوانە لە سۆشیال میدیادا بوونەتە مایەی گاڵتە و پێكەنین،بەڵام لە ڕاستیدا ئەو كەسانەی ئەو ناوانە دادەنێن زۆر بە جدیەوە ناوەكان دادەنێن، دەیانەوێت وا نیشانی بدەن، كە ئەمانە كۆمەڵەیەكی لاوانی سەربەخۆن".

،،

گروپی ربع ئێستا دەیانەوێت لە ڕێگای كردەوەكانیانەوە شەرعیەت بە دەستبهێنن، لەلایەك بەهۆی ئەوەی گۆرانی لە یادی عاشوردا پەخش كردووە،

ئەو كەسانەی هێرشیان كردە سەر بارەگای پارتی لە بەغداد، ئۆتۆمبێلی حەشدی شەعبییان پێبوو، هەروەها دوای سوتاندنی بارەگاكەش ئاڵای حەشدیان هەڵكرد.

لە كاتی هێرشی ئەو گروپانەدا، دەیان كارمەندی هێزە ئەمنیەكان دەوری بارەگەیان دابوو، بەبێ ئەوەی هێرشبەران ڕابگرن، یان بۆ پاراستنی بارەگاكە چەك بەكار بهێنن،ئەمەش ڕێك وەك ئەوەی لە سوتاندنی كەناڵی دیجلەدا بینیمان.


محەمەد جوبران چاودێری سیاسی بەراوردێك لە نێوان ربع الله و بەڵتەجیەكانی حوسنی موبارەك و چەتەكانی سوریا دەكات و دەڵێت:" ربع شارەزاتر و ڕێكخراوترن، ئەوان پێش هێرشەكانیان هێرشی ڕاگەیاندن دەست پێدەكەن، بە شێوەیەكی گشتی قوربانی لەلایەنی بەرامبەر ناخەنەوە، زیاتر هێرشەكانیان بینراوە و هەوڵ دەدەن لایەنی بەرامبەر توڕە نەكەن ".

بە وتەی جوبران" گروپی ربع ئێستا دەیانەوێت لە ڕێگای كردەوەكانیانەوە شەرعیەت بە دەستبهێنن، لەلایەك بەهۆی ئەوەی گۆرانی لە یادی عاشوردا پەخش كردووە،هێرش دەكەنە سەر كەناڵی دیجلە كە سیاسیە سونیەكان سەرپەرشتی دەكەن،لەلایەكی دیكەشەوە هێرش دەكەنە سەر پارتی دیموكراتی كوردستان، هەرچەندە چەندین ساڵە سەركردەكانیان هاوپەیمانێتیان لەگەڵ ئەو گروپەدا بەستووە".

لە كۆتایشدا جوبران دەڵێت:" ئەو گروپانە سودیان لە دۆخی ئەمنی و كەیسی ڕووبەڕووبونەوەی تیرۆر بینوە،كە ئەمە هاندەرە هێرشەكانیان بكەن، هەروەها پارتی دیموكراتیش بەهۆی ئەو هێرشەوە سودمەند دەبێت و لە هەڵمەتی هەڵبژاردنەكان بۆ ڕاكێشانی هەست و سۆز و زیادكردنی دەنگەكان بەكاری دەهێنێتەوە.