پێنج لەمپەر و كاری گرنگ لەبەردەمیدایە... بایدن لەكاتی سەرۆكایەتیدا دەبێت ڕووبەڕوویان ببێتەوە

پێنج لەمپەر و كاری گرنگ لەبەردەمیدایە... بایدن لەكاتی سەرۆكایەتیدا دەبێت ڕووبەڕوویان ببێتەوە

398 خوێندراوەتەوە

جۆ بایدن سەرۆكی هەڵبژێردراوی ئەمریكا، تا 20ی كانوونی دووەم پۆستی سەرۆكایەتی ئەمریكا وەرناگرێت،بەڵام دوای وەرگرتنی پۆستەكە چەندین ئاڵانگاری و لەمپەری دێتە بەردەم كە لە كاتی سەرۆكایەتیەكەیدا دێتە بەردەمی

لێرەدا ئاماژە بە پێنج كاری گرنگ دەكەین، كە ئەمانەن:

یەكەم: ڕووبەڕووبونەوەی پەتا:
پەتای كۆرۆنا (كۆڤید-19) بەتەواوی ژیانی ئەمریكیەكانی لە ساڵی 2020دا گۆڕی، زیاتر لە 260 هەزار ئەمریكی بەهۆی پەتاكەوە گیانیان لەدەستداوە، هەروەها ژمارەی توشبوان زیاتر لە 13 ملیۆن كەسە،دوای ئەوەی لە هاوین و ئەم دوایانەدا ژمارەی توشبوان كەمی كرد، بەڵام جارێكی دیكە بەخێرایی ڕێژەی توشبووان هەڵكشایەوە، ژمارەی مردوانی رۆژانە لە سەر ئاستی نیشتیمانی نزیكەی لە 60%، هەروەها ژمارەی توشبوانی نوێی ڕۆژانە زیاتر لە 40%.
بایدن لەكاتی هەڵمەتی هەڵبژاردنەكاندا پەیمانی دا كە ڕێكارەكانی ڕووبەڕووبونەوە باشتر بكات، هەروەها گوێ لە باشترین ئامۆژگارییەكانی زاناكات بگرێت،هەروەها هەواڵی خۆش هەیە كە سێ ڤاكسینەكە سەركەوتن بەدەست بهێنن، بەڵام پێدانی ڤاكسینەكە بەهاوڵاتیان چەندین مانگی دەوێت،بۆیە ڕووبەڕووبونەوەی پەتای كۆرۆنا یەكێكە لەو كێشە گەورانەی كە ڕووبەڕووی گەلی ئەمریكا بۆتەوە، هەر شكستێك لە ڕووبەڕووبونەوەی زۆر خراپ بەسەر بایدندا دەشكێتەوە.

دووەم: ئابوری:
ڤایرۆسی كۆرۆنا زیانێكی زۆری لە ئابوری و تەندروستی خەڵكی دا، لە مانگی ئۆكتۆبەردا ڕێژەی بێكاری گەیاندە لە 6.9%، هەرچەندە ئەو ڕێژەیە بە بەراورد بە مانگەكانی پێشووتر كەمترە، چونكە لە مانگی نیساندا 14.7% بوو، بەڵام بێكاری هەر هەڕەشەیەكی جدیە.
ئابوریناسان نیگەرانی ئەوەن كە داشكانەوەی چاوەڕوانكراوی ئابوری ڕووبدات، تەنانەت ئەگەر ڤاكسینەكەش دابین بكرێت،خۆ لەئەگەری بەرزبوونەوەی زیاتری ڕێژەی توشبووانی كۆرۆنا، ئەوا زیانە ئابورییەكان زیاتر دەبن، هەروەها زیان لە كار و كۆمپانیاكانیش دەكەوێتەوە، بۆیە ڕێگری لەم زیانە و گەشەپێدانی ئابوری ئەمریكا یەكێكە لە كارە گرنگەكان و هاوكات ئاڵانگاریەكی قورس لەبەردەم ئیدارەی بایندا.


سێیەم:كۆكردنەوەی گەل:
بایدن لە هەڵمەتی هەڵبژاردنەكاندا بەڵێنی دا كە " روحی گەل"بگێرێتەوە، بەڵام ئەم كارە لەئەمریكا زەحمەتە، نەك بۆ سیاسیەكان، بەڵكو كۆكردنەوەی خەڵكی لەلایەن هێزە ڕۆشنبیریەكانی وەك هەواڵەكان و تۆڕە كۆمەڵایەتیەكانیش زەحمەت بووە،لەم چەند هەفتەیەی ڕابردوودا پڕوپاگەندەیەكی زۆر كرا، بەوەی هەڵبژاردنەكانی ساڵی 2020 ساختەكاری تێدا كراوە.
لە دواین ڕاپرسیدا كە گۆڤاری ئیكۆنۆمیست ئەنجامی داوە، 80%ی كۆمارییەكان و 45% سەربەخۆكان پێیان وایە كە سەركەوتنی بایدن كارێكی یاسایی نەبوو،بایدن كۆمەڵێك ئامرازی هەیە دەیەوێت لە ڕێگایانەوە گەل كۆبكاتەوە، بەڵام ئەو هێزەی كە دەیەوێت گەل تاوەكو ئەوپەڕی سنور بەرێت، بە ئاسانی شكست قبوڵ ناكات.

چوارەم: مامەڵە لەگەڵ كۆنگرێس:
بایدن دەزانێت كە بۆ مانگی كانوونی دووەم كەمتر لە ئەنجومەنی دیموكراتی هەیە تا كاریان لەگەڵ بكات، هەرچی پەیوەست بە ئەنجومەنی پیرانیشە ئەوە كەوتۆتە سەر دوو گەڕی هەڵبژاردنەكان لە جۆرجیا.
باشترین سیناریۆ بۆ دیموكراتەكەمان ئەوەیە كە لەو دوو كورسیەدا سەربكەون، ئەنجومەنی پیران ئەو كات بەڕێژەی 50-50 دابەش دەبێت، ئەوا دیموكراتەكان بە حوكمی ئەمری واقیع زۆرینە دەبن، چونكە دەنگدان لە هەڵبژاردنەكانی ئەنجومەنی پیران بۆ جێگری سەرۆك دەڕوات.
بەڵام ئایا كۆمارییەكان ئامادەن كار لەگەڵ بایدن بكەن؟

پێنجەم:دیاری كردنی سەرۆكایەتیەكەی:
بیانوی هەڵمەتی هەڵبژاردنەكانی بایدن زۆر ڕوون بوون،هەروەها ئامرازێك بوون بۆ ئەوەی شكست بە ترامپ بهێنن، سەلماندی كە ئەو كارانە بەس، بەوشێوەیە بە 4 خاڵی سەدی، یان بە 6 ملیۆن دەنگ لەسەر ئاستی وڵات شكستی بەترامپ هێنا.
بەڵام تەواو ڕوون نیە كە چ فكرەیەكی گەورە سەرۆكایەتیەكەی بایدن چالاك دەكات، خۆ ئەگەر پێچەوانە كار بكات ئەواكار لەسەر ڕوحی مەعنەوەی نیشتیمانیی دەكات.
بایدن لە بواری سیاسیدا چەندین كاری گرنگی هەیە كە ئەنجامیان بدات، كە تەنها بریتی نین لە ڕووبەڕووبونەوەی كۆرۆنا یان ئابوری، بەڵكو چاودێری تەندروستی و ژینگە و گۆڕانی كەشوهەوا، كۆمەڵێك كاری دیكەن كە پێویستە ئەنجامیان بدات، ئایا بایدن دەتوانێت هەموو ئەم كارانە پێكەوە گرێ بدات و ڕووبەڕووی سەرجەم ئاڵانگارییەكان ببێتەوە؟