پێش چەند كاتژمێر لە دەست بەكاربوونی... دواین وردەكاری ئیدارەكەی بایدن

پێش چەند كاتژمێر لە دەست بەكاربوونی... دواین وردەكاری ئیدارەكەی بایدن

429 خوێندراوەتەوە

جۆبایدن سەرۆكی هەڵبژێردراوی ئەمریكا، سبەی چوارشەممە 20ی یەنایەر وەك 46 یەمین سەرۆكی ئەمریكا دەستبەكاردەبێت و بەفەرمی دەچێتە كۆشكی سپیەوە، بۆیە سەرۆكی نوێی ئیدارەیەكی نوێی پێكهێناوە.


تۆڕی " فۆكس نیوز"ی ئەمریكی، وردەكاری و ناوی ئەندامانی ئیدارەكەی بایدنی ئاشكرا كردووە، كە زۆر ناوی تێدایە و پێشتر لە ئیدارەكەی باراك ئۆباما سەرۆكی پێشووتری ئەمریكادا پۆستیان پێدراوە.


پێكهاتەی كابینەكەی بەم شێوەیەی خوارەوە دەبێت:
كامالا هاریس: جێگری سەرۆك:
كامالا هاریس بە یەكەم جێگری سەرۆك دادەنرێت، كە ژن بێت و بە رەچەڵەك ئەمریكی نەبێ، كامالا لەشاری ئەوكلاند لە ویلایەتی كالیفۆرنیا لە دایك و باوكێكی جامایكی و هندی لە دایك بووە


ئەنتۆنی بلینكین- وەزیری دەرەوە:
ئەنتۆنی لە ئیدارەكەی باراك ئۆبامادا، جێگری وەزیری دەرەوە بووە.


جانیت یلین- وەزیری گەنجینە:
یلین پێشتر وەك سەرۆكی ئەنجومەنی راوێژكارانی ئابوری و سەرۆكی ئەنجومەنی یەدەگی فیدرالی بووە، دەبێتە یەكەم ژن كە وەزارەتی گەنجینە بەڕێوە دەبات.


لیود ئۆستن-وەزیری بەرگری:
ئۆستن ژەنراڵێكی خانەنشینە، ماوەی زیاتر لە 40 ساڵ خزمەتی سەربازی كردووە، دەبێتە یەكەم وەزیری بەرگری كە رەش پێستە.


میریك گارلاند- داواكاری گشتی:
گارلاند ئێستا لە دادگای بەرایی لە پایتەخت دادوەری فیدراڵیە،ئۆباما بۆ دادگای باڵا كاندیدی كرد، بەڵام ئەنجومەنی پیران ئامادەنەبوو متمانەی پێبكات.


دیب هالاند- وەزیری ناوخۆ:
هالاند ئێستا لە نیو مەكسیكۆ كۆنگرێسمانی دیموكراتەكانە،ئەگەر پۆستەكەی وەرگرت، ئەوە دەبێتە یەكەم وەزیری ناوخۆ كە بە ڕەچەڵەك ئەمریكیە.


تۆم فیلساك- وەزیری كشتوكاڵ:
تۆم لە ئیدارەكەی ئۆبامادا لە نێوان ساڵامی 2009-2017 ئەو پۆستەی بەڕێوە بردووە.


جینا ریمۆندۆ- وەزیری بازرگانی:
ریمۆندۆ ئێستا حاكمی ویلایەتی رۆد ئایلاندە.


مارتی واڵش- وەزیری كار:
ئەو ئێستا سەرۆكی شارەوانی بۆستنە.


كزتفییە بیسیرا- وەزیری تەندروستی و خزمەتی مرۆڤایەتی:
بیسیرا داواكاری گشتی ویلایەتی كالیفۆرنیایە.


مارسیا فۆدج- وەزیری نیشتەجێ بوون و پەرەپێدانی بیناسازی:
ئێستا لە ویلایەتی ئۆهایۆ نوێنەری دیموكراتەكانە.


بیت بۆتیگیگ – وەزیری گواستنەوە:
سەرۆكی پێشووی شارەوانی ساوس بیندە لە ویلایەتی ئیندیانا.


جینیفر گرنهۆلم- وەزیری وزە:
حاكمی پێشووی میشیگان بووە


میگیل كاردۆنا- وەزیری پەروەردە و فێركردن:
كاردۆنا ئێستا راسپێردراوی فێركردنە لە ویلایەتی كناتیكیت.


جۆن كێری- نوێنەری تایبەتی سەرۆكی ئەمریكا بۆ كەشوهەوا:
كێری پێشووتر لە ویلایەتی دووەمی ئۆبامادا وەزیری دەرەوە بووە، هەروەها لە نێوان ساڵانی 1985 بۆ 2013 ئەندامی ئەنجومەنی پیران بووە.


لیندا تۆماس گرینفیلید- باڵیۆزی ئەمریكا لە نەتەوە یەكگرتوەكان:
تۆماس لە سەردەمی ویلایەتی یەكەمی باراك ئۆبامادا، باڵیۆز بووە لە لیبریا، هەروەها لە ویلایەتی دووەمدا هاریكاری وەزیری دەرەوە بووە بۆ كاروباری ئەفریقا.


ئەفریل هێنز- بەرێوەبەری هەواڵگری نیشتیمانی:
لەسەردەمی باراك ئۆبامادا، جێگری ئاژانسی هەواڵگری ناوەندی و جێگری سەرۆكی راوێژكاری ئاسایشی نەتەوەیی بوە.


لە كابینەكەی جۆبایدندا، چەندین كەسایەتی دیكە دیاری كراون، كە پێشتر لە ئیدارەكەی ئۆبامادا هەمان پۆستیان پێدراوە، یان لەو شوێنەدا پۆستی باڵایان هەبووە.