کەی ڕۆژی دامەزراندنی یەکێتی یە ؟ 

"ئەندامانی دەستەی دامەزرێنەر ڕای جیاوازیان لەسەر رۆژی دامەزراندنی یەکێتی هەیە"

کەی ڕۆژی دامەزراندنی یەکێتی یە ؟ 

1358 خوێندراوەتەوە

له‌چل‌و سێ ساڵى ته‌مه‌نیدا ته‌نها سێ كۆنگره‌ى ئه‌نجامداوه‌و تا به‌ستنى سێیه‌مین كۆنگره‌ش له‌ ساڵى 2010 ته‌نها یه‌ك ژن له‌ سه‌ركردایه‌تى یه‌كێتیدا نه‌بووه‌و پاش 17 ساڵیش له‌ دژایه‌تیكردنى ئه‌م ئایدۆلۆژیایه‌، له‌ كۆنگره‌ى یه‌كه‌مدا یه‌كێتى ئایدۆلۆژیاى سۆسیال دیموكرات په‌سه‌ند ده‌كات‌و له‌برى ئایدۆلۆژیاى ماركسیه‌ت ده‌یكاته‌ ئایدۆلۆژیاى خۆى.
هه‌ره‌سى شۆڕشى ئه‌یلوول، بوویه‌ فاكته‌رى سه‌رهه‌ڵدانى كۆمه‌ڵێك ئاڕاسته‌و بیروبۆچوونى جیاواز سه‌باره‌ت به‌ ده‌ستپێكردنه‌وه‌ى خه‌بات‌و له‌و پێناوه‌شدا هه‌وڵى جۆراو جۆر خرانه‌ گه‌ڕ.
كۆمه‌ڵه‌ى ڕه‌نجده‌ران كه‌ له‌ كۆتایی ساڵى 1970 درووستبووبوو، سه‌ركرده‌و ئه‌ندامانیان به‌نهێنى كاریان ده‌كرد، له‌پاش هه‌ره‌سى شۆڕشى ئه‌یلوول به‌فراوانتر كه‌وتنه‌كاركردن‌و هه‌وڵدان بۆ پڕكردنه‌وه‌ى ئه‌و بۆشاییه‌ سیاسییه‌ى كه‌ له‌ ئه‌نجامى هه‌ره‌سى شۆڕشه‌وه‌ هاتبووه‌ كایه‌وه‌.
به‌ماوه‌یه‌كى كه‌م پاش هه‌ره‌سى شۆڕشى ئه‌یلوول، كۆمه‌ڵێك كاره‌كته‌رى سیاسى شۆڕشى ئه‌یلوول، بیریان له‌ڕێبازى به‌رگریكردن كرده‌وه‌و هه‌وڵى بزوتنه‌وه‌یه‌كى سیاسى- شۆڕشگێڕیاندا.
ئه‌وان، ( عه‌لى عه‌سكه‌رى- عه‌لى هه‌ژار- ڕه‌سووڵ مامه‌ند- جه‌مالى حه‌كیم ئاغا- تایه‌رى عه‌لى والى- مه‌لا ناسیح)‌و چه‌ند كه‌ستر له‌ شاره‌كانى كوردستانى ئێران، له‌ ( نه‌غه‌ده‌- ورمێ- مه‌هاباد) چه‌ند كۆبوونه‌وه‌و دانیشتنێكى جیاوازیان سه‌باره‌ت به‌ ده‌ستپێكردنه‌وه‌ى خه‌بات ئه‌نجامداو پاش په‌یوه‌ندیكردن به‌ سه‌یدا ساڵح یوسفییه‌وه‌ له‌سه‌ره‌تاى ساڵى 1976 بزوتنه‌وه‌ى سۆسیالستییان دروستكرد.
له‌ ڕۆژه‌كانى سه‌ره‌تاى هه‌ره‌سى شۆڕشى ئه‌یلوولیشه‌وه‌، مام جه‌لال كه‌وته‌ جموجوڵ‌و په‌یوه‌ندى، بۆ دروستكردنى ڕێكخراوێكى سیاسى‌و سه‌ر له‌نوێ ده‌ستپێكردنه‌وه‌ى خه‌بات.
له‌ته‌ك په‌یوه‌ندیكردنى به‌ كۆمه‌ڵێك كه‌سایه‌تى‌و كاره‌كته‌رى سیاسى له‌ سوریاو له‌ وڵاتانى ئه‌وروپا، مام جه‌لال هیواى گه‌وره‌ى له‌سه‌ر هه‌ردوو ( كۆمه‌ڵه‌ى ماركسى لینینى كوردستان‌و بزوتنه‌وه‌ى سۆسیالستى) هه‌ڵچنیبوو له‌ دروستكردنى یه‌كێتى نیشتیمانى كوردستاندا.

یه‌كه‌م كۆبوونه‌وه‌ى فه‌رمى بۆ دامه‌زراندى یه‌كێتى له‌ 22ى ئایارى ساڵى 1975 له‌ قاوه‌خانه‌ى ( گلیگله‌) له‌ناوه‌ڕاستى شارى دیمه‌شق به‌ ئاماده‌بوونى هه‌ریه‌كه‌ له‌ مام جه‌لال‌و فواد مه‌عسوم‌و عه‌بدولڕه‌زاق فه‌یلى عادل موراد ئه‌نجامدرا.

،،

یه‌كه‌م كۆبوونه‌وه‌ى فه‌رمى بۆ دامه‌زراندى یه‌كێتى له‌ 22ى ئایارى ساڵى 1975 له‌ قاوه‌خانه‌ى ( گلیگله‌) له‌ناوه‌ڕاستى شارى دیمه‌شق به‌ ئاماده‌بوونى هه‌ریه‌كه‌ له‌ مام جه‌لال‌و فواد مه‌عسوم‌و عه‌بدولڕه‌زاق فه‌یلى عادل موراد ئه‌نجامدرا.

4rf
د.کەمال خۆشناو، عومەر شێخ موس، مام جەلال، د.فواد مەعسوم، عادل موراد 


نه‌وشیروان مسته‌فا، له‌ كتێبى " له‌ كه‌نارى دانوبه‌وه‌ بۆ خڕى نازه‌نگ) ده‌ڵێت:" یه‌كه‌م به‌یاننامه‌ى دامه‌زرانى یه‌كێتى، مام جه‌لال له‌گه‌ڵ دكتۆر فواد مه‌عسوم‌و عادل مورادو عه‌بدولڕه‌زاق فه‌یلیدا نوسیبووى، له‌ 22- 5- 1975 له‌ شام بڵاو كرایه‌وه‌، دواى ئه‌وه‌ى كه‌ به‌یاننامه‌كه‌یان نارد بۆ دكتۆر كه‌مال فواد بۆ ئه‌وروپا تا بڵاوى بكاته‌وه‌، ئه‌ویش دواى ئه‌وه‌ى هه‌نێك ده‌ستكاریكرد له‌ 1- 6- 1975 له‌ ئه‌وروپا بڵاوى كرده‌وه‌".
دوو ڕۆژ پاش بڵاوكردنه‌وه‌ى به‌یاننامه‌ى دامه‌زراندنى یه‌كێتى له‌ دیمه‌ش، مام جه‌لال سه‌فه‌ر بۆ ئه‌وروپا ده‌كات‌و له‌ 24ى ئه‌یلوولى 1975 چاوى ده‌كه‌وێت به‌ هه‌ریه‌ك له‌ ( نه‌وشیروان مسته‌فاو دكتۆر كه‌مال فوادو ئه‌رجومه‌ند سدیق‌و دكتۆر حه‌سه‌ن حه‌مه‌ عه‌لى‌و هێرۆ ئیبراهیم ئه‌حمه‌دو دكتۆر له‌تیف ره‌شیدو عومه‌ر شێخ مووس).
له‌و كۆبوونه‌وانه‌دا له‌گه‌ڵ ئه‌واندا، بڕیار له‌سه‌ر ناوه‌رۆك‌و بڕیارى سیاسى‌و په‌یڕه‌وى ناوخۆ‌و به‌یاننامه‌ى دامه‌زراندن دراوه‌و بڕیاریش دراوه‌، پاش گه‌ڕانه‌وه‌ى مام جه‌لال بۆسوریا، به‌ فه‌رمى به‌یاننامه‌ى دامه‌زراندن بڵاو بكرێته‌وه‌و هه‌ر له‌و كۆبوونه‌وانه‌شدا بڕیار ده‌درێت كه‌ ده‌سته‌ى دامه‌زرێنه‌رانى یه‌كێتى فراوان بكرێت.
ته‌نانه‌ت له‌ناو خودى ئه‌ندامانى ده‌سته‌ى دامه‌زرێنه‌رانی یه‌كێتیشدا، سه‌باره‌ت به‌ ڕۆژى دامه‌زراندنى یه‌كێتى بۆچوونى جیاواز هه‌یه‌و ئه‌وان هه‌موو كۆك نین له‌سه‌ر ڕۆژێكى دیاریكراو .
فواد مه‌عسوم، كه‌ یه‌كێك له‌ ئه‌ندامانى ده‌سته‌ى دامه‌زرێنه‌رى یه‌كێتییه‌، ئاماژه‌ به‌وه‌ ده‌كات كه‌ 22- 5- 1975 ڕۆژى ڕاگه‌یاندنى یه‌كێتییه‌و دكتۆر كه‌مال فواد، یه‌كێكیتر له‌ ده‌سته‌ى دامه‌زرێنه‌رانى یه‌كێتى، باسیله‌وه‌ كردووه‌ كه‌ 1- 6- 1975 ڕۆژى به‌ فه‌رمى ڕاگه‌یاندنى یه‌كێتییه‌.
فواد مه‌عسووم، ئه‌و ڕۆژه‌ به‌ ڕۆژى ڕاگه‌یاندنى یه‌كێتى ناو ده‌بات كه‌ ئه‌و له‌گه‌ڵ مام جه‌لال‌و عادل مورادو عه‌بدولڕه‌زاق فه‌یلیدا یه‌كه‌مین كۆبوونه‌وه‌ى فه‌رمییان له‌ دیمه‌شقى پایته‌ختى سوریا بۆ ڕاگه‌یاندنى یه‌كێتى نیشتیمانى ئه‌نجامداوه‌و به‌یاننامه‌ى دامه‌زراندنیشیان بڵاوكردۆته‌وه‌.
دكتۆر كه‌مال فوادیش ئه‌و ڕۆژه‌ به‌ ڕۆژى ڕاگه‌یاندنى یه‌كێتى ناو ده‌بات كه‌ پاش ده‌ستكاریكردنى، ئه‌و به‌یاننامه‌كه‌ى له‌ ئه‌وروپا بڵاو كردووه‌ته‌وه‌.
تێكه‌ڵى‌و هه‌م دژ یه‌كییه‌ك سه‌باره‌ت به‌ ڕۆژو هه‌م شوێنى دامه‌زراندنى یه‌كێتى هه‌یه‌، ئه‌گه‌ر 22-5- 1975 ڕۆژى ڕاگه‌یاندنى یه‌كێتى بێت ئه‌وا ده‌بێت ئاماژه‌ به‌ دیمه‌شى پایته‌ختى سوریا بكرێت، ئه‌گه‌ر 1-6- 1975یش بێت، ئه‌وا ده‌بێت وه‌ك ڕۆژى دامه‌زراندنى یه‌كێتى ئاماژ به‌ به‌ به‌رلینى پایته‌ختى ئه‌ڵمانیا بكرێت.
مام جه‌لال له‌ كتێبى دیدارى ته‌مه‌ندا، له‌وه‌ڵامى ئاماده‌كارى كتێبه‌كه‌دا سه‌باره‌ت به‌ ڕۆژى دامه‌زراندنى یه‌كێتى ده‌ڵێت:" ئه‌گه‌ر راستت ده‌وێت رۆژى دامه‌زراندنى راسته‌قینه‌ى یه‌كێتى 22ى مایسه‌ نه‌وه‌ك یه‌كى حوزه‌یران، چونكه‌ یه‌كه‌م به‌یانى دامه‌زراندن له‌وێ نوسراو بڵاوكرایه‌وه‌، ئێمه‌ پرسیشمان به‌ براده‌رانى ئه‌وروپا كرد ئه‌وانیش پێیانخۆشبوو، به‌یانه‌كه‌مان نووسى‌و من دوایی به‌یانه‌كه‌م له‌گه‌ڵ خۆم برد بۆ ئه‌وروپاو هه‌ندێك ته‌عدیلاتى بچووكى له‌لایه‌ن براده‌رانه‌وه‌ تێدا كرا".

،،

فواد مه‌عسوم، كه‌ یه‌كێك له‌ ئه‌ندامانى ده‌سته‌ى دامه‌زرێنه‌رى یه‌كێتییه‌، ئاماژه‌ به‌وه‌ ده‌كات كه‌ 22- 5- 1975 ڕۆژى ڕاگه‌یاندنى یه‌كێتییه‌و دكتۆر كه‌مال فواد، یه‌كێكیتر له‌ ده‌سته‌ى دامه‌زرێنه‌رانى یه‌كێتى، باسیله‌وه‌ كردووه‌ كه‌ 1- 6- 1975 ڕۆژى به‌ فه‌رمى ڕاگه‌یاندنى یه‌كێتییه‌.

dfc
مام جەلال و ژمارەیەک لە سەرکردەکانی یەکێتی


كۆمه‌ڵه‌ى ماركسى لینینى كوردستان كه‌ دواتر ناوه‌كه‌ى گۆڕدرا بۆ ( كۆمه‌ڵه‌ى ڕه‌نجده‌رانى كوردستان) بوویه‌ به‌ش‌و بناغى سه‌ره‌كى بۆ یه‌كێتى‌و دواى چه‌ند مانگێكیش له‌ بڵاوبوونه‌وه‌ى به‌یاننامه‌ى ڕاگه‌یاندنى یه‌كێتى، بزوتنه‌وه‌ى سۆسیالستى له‌ ڕێگه‌ى عومه‌ر ده‌بابه‌وه‌ په‌یوه‌ندییان به‌ یه‌كێتییه‌وه‌ كردو له‌گه‌ڵ ( خه‌تى گشتى‌و كۆمه‌ڵه‌)دا بوون به‌ به‌شێك له‌ ڕێكخراوى نیمچه‌ به‌ره‌ى یه‌كێتى نیشتیمانى.
ماوه‌یه‌كى كه‌مبوو كه‌ سه‌ركرده‌كانى باڵى بزوتنه‌وه‌ى سۆسیالستى ڕێكخراوێكى سیاسییان به‌ناوى ( بزوتنه‌وه‌ى سۆسیالست دیموكراتى كوردستان" دروستكردبوو، به‌ڵام كاتێك كه‌ چوونه‌ ناو نیمچه‌ به‌ره‌ى یه‌كێتى نیشتیمانییه‌وه‌، مه‌رجى ئه‌وه‌یان له‌سه‌ر دانرا كه‌ ده‌بێت وشه‌ى ( سۆسیال دیموكرات له‌خۆیان بكه‌نه‌وه‌).
مام جه‌لال ده‌ڵێت:" كاتێك برایانى بزوتنه‌وه‌ هاتن ببنه‌ ئه‌ندام له‌ناو یه‌كێتى، مه‌رجێكمان له‌سه‌ریان دانا، ئه‌ویش ئه‌وه‌بوو كه‌ ناوى سۆسیال دیموكرات له‌ خۆیان بكه‌نه‌وه‌، ئه‌و ده‌مه‌ ئێمه‌ دژى سۆسیال دیموكرات بووین، چونكه‌ سۆسیال دیموكرات دژى خه‌باتى چه‌كدارى بوو".
باڵى بزوتنه‌وه‌ى سۆسیالستى، دواى كه‌متر له‌ سێ ساڵ‌و پاش كاره‌ساتى هه‌كارى له‌یه‌كێتى جیابوونه‌وه‌، ته‌نها گروپێكى بچووكى بزوتنه‌وه‌ به‌سه‌ركردایه‌تى ( عومه‌ر ده‌بابه‌) له‌ناو یه‌كێتى مابوونه‌وه‌، دواتر ڕێكخستنه‌كانى ناو شاره‌كانیان به‌تایبه‌ت ( جه‌مالى حه‌كیم ئاغاو عه‌لى حه‌وێزو نازم عومه‌ر) چوونه‌ شاخ‌و له‌گه‌ڵ ( خه‌تى گشتى) ناو یه‌كێتى یه‌كیان گرت‌و له‌ 26ى ئابى 1982 ( یه‌كێتى شۆڕشگێرانی كوردستان) یان پێكهێنا.

،،

بڕیار درا كه‌ مام جه‌لال ببێته‌ سكرتێرى یه‌كێتى شۆڕشگێڕان، به‌ڵام سه‌ركرده‌كانى كۆمه‌ڵه‌ به‌وه‌ ڕازینه‌بوون كه‌ مام جه‌لال سكرتێرى گشتى یه‌كێتى بێت‌و هه‌م سكرتێرى یه‌كێتى شۆڕشگێڕانیش بێت، بۆیه‌ مام جه‌لال وازى له‌ سكرتێرى یه‌كێتى شۆڕشگێڕان هێناو له‌ برى ئه‌و فواد مه‌عسوم بوویه‌ سكرتێر.


بڕیار درا كه‌ مام جه‌لال ببێته‌ سكرتێرى یه‌كێتى شۆڕشگێڕان، به‌ڵام سه‌ركرده‌كانى كۆمه‌ڵه‌ به‌وه‌ ڕازینه‌بوون كه‌ مام جه‌لال سكرتێرى گشتى یه‌كێتى بێت‌و هه‌م سكرتێرى یه‌كێتى شۆڕشگێڕانیش بێت، بۆیه‌ مام جه‌لال وازى له‌ سكرتێرى یه‌كێتى شۆڕشگێڕان هێناو له‌ برى ئه‌و فواد مه‌عسوم بوویه‌ سكرتێر.
یه‌كێتى شۆڕشگێڕان له‌ ساڵى 1989 دوا كۆبوونه‌وه‌ى فراوانیان ئه‌نجامداو فواد مه‌عسوم بوویه‌وه‌ به‌سكرتێرو هه‌ریه‌كه‌ له‌ ( دكتۆر كه‌مال فوادو نازم عومه‌رو چه‌تۆ حه‌وێزى‌و شه‌وكه‌تى حاجى مشیر) وه‌كو ئه‌ندامى سه‌ركردایه‌تى دیاریكران.
له‌سه‌ره‌تاوه‌و تا به‌ستنى یه‌كه‌مین كۆنگره‌ى ئه‌و حیزبه‌، یه‌كێتى زۆر دژى ئایدۆلۆژیاى سۆسیال دیموكرات بوو، به‌ڵام پاش حه‌ڤده‌ ساڵ‌و له‌ كۆنگره‌ى یه‌كه‌مى یه‌كێتیدا كه‌ له‌ 27ى كانوونى دووه‌مى 1992 به‌سترا، به‌پێى پرۆگرامى په‌سه‌ندكراوى كۆنگره‌ ئایدۆلۆژیاى سۆسیال دیموكرات بۆ یه‌كێتى په‌سه‌ند كراو یه‌كێتى وازى له‌ ئایدۆلۆژیاى ماركسیه‌ت هێناو له‌ كۆنگره‌ى دووه‌م‌و سێیه‌میشدا سۆسیال دیموكرات وه‌كو ئایدۆلۆژیاى یه‌كێتى په‌سه‌ند كرایه‌وه‌.
هه‌رچه‌نده‌ وه‌كو فیكرو ئایدۆلۆژیا یه‌كێتى ده‌ستبه‌ردارى ماركسییه‌ت بووه‌، به‌ڵام ڕیزبه‌ندى هه‌یكه‌لى ئۆرگانه‌كانى یه‌كێتى هاووێنه‌ى ڕێكخراوه‌یى حیزبه‌ كۆمۆنیستییه‌كانى دونیایه‌، ئه‌م هه‌یكه‌لى ڕێكخراوه‌ییه‌ زیاتر بۆ قۆناغێكى دیاریكراو یان قۆناغى نهێنى ده‌بێت‌و گونجاوه‌.

،،

به‌ستنى كۆنگره‌ یه‌كێك له‌ كێشه‌ هه‌ره‌ گه‌وره‌كانى ژیانى ئه‌م حیزبه‌یه‌و له‌ چل‌و سێ ساڵى ته‌مه‌نیدا، به‌هۆى كێشه‌و ململانێ نێوخۆییه‌كانیه‌وه‌ یه‌كێتى ته‌نها سێ كۆنگره‌ى به‌ستووه‌و پاش حه‌ڤده‌ ساڵ له‌ دامه‌زراندنیشى توانیویه‌تى یه‌كه‌مین كۆنگره‌ى خۆى ببه‌ستێت، هه‌ر له‌م ڕوانگه‌یه‌شه‌وه‌یه‌ كه‌ مام جه‌لال وتوویه‌تى:" ئاو و ئاگرو كۆنگره‌ ئامانیان نییه‌".

df
مام جەلال و ژمارەیەک پێشمەرگەی یەکێتی لە شاخ


به‌ستنى كۆنگره‌ یه‌كێك له‌ كێشه‌ هه‌ره‌ گه‌وره‌كانى ژیانى ئه‌م حیزبه‌یه‌و له‌ چل‌و سێ ساڵى ته‌مه‌نیدا، به‌هۆى كێشه‌و ململانێ نێوخۆییه‌كانیه‌وه‌ یه‌كێتى ته‌نها سێ كۆنگره‌ى به‌ستووه‌و پاش حه‌ڤده‌ ساڵ له‌ دامه‌زراندنیشى توانیویه‌تى یه‌كه‌مین كۆنگره‌ى خۆى ببه‌ستێت، هه‌ر له‌م ڕوانگه‌یه‌شه‌وه‌یه‌ كه‌ مام جه‌لال وتوویه‌تى:" ئاو و ئاگرو كۆنگره‌ ئامانیان نییه‌".

،،

به‌ستنى كۆنگره‌ یه‌كێك له‌ كێشه‌ هه‌ره‌ گه‌وره‌كانى ژیانى ئه‌م حیزبه‌یه‌و له‌ چل‌و سێ ساڵى ته‌مه‌نیدا، به‌هۆى كێشه‌و ململانێ نێوخۆییه‌كانیه‌وه‌ یه‌كێتى ته‌نها سێ كۆنگره‌ى به‌ستووه‌و پاش حه‌ڤده‌ ساڵ له‌ دامه‌زراندنیشى توانیویه‌تى یه‌كه‌مین كۆنگره‌ى خۆى ببه‌ستێت، هه‌ر له‌م ڕوانگه‌یه‌شه‌وه‌یه‌ كه‌ مام جه‌لال وتوویه‌تى:" ئاو و ئاگرو كۆنگره‌ ئامانیان نییه‌".


له‌ كۆنگره‌ى یه‌كه‌مى یه‌كێتیدا 800 كه‌س به‌شداربوون‌و كۆنگره‌ ماوه‌یه‌كى زۆرى خایاند كه‌ ئه‌وه‌ش ئاماژه‌ بوو بۆ بوونى كێشه‌ى ناوخۆیی.
له‌ دووه‌م رۆژى كۆنگره‌ى یه‌كێتیدا عومه‌ر ده‌بابه‌ یه‌كێك له‌كاره‌كته‌ره‌ سیاسییه‌كانى باڵى مه‌كته‌بى سیاسى‌و یه‌كێك له‌سه‌ركرده‌ دێرینه‌كانى یه‌كێتى كۆچى دوایی كردو ئه‌مه‌ش یه‌كێك له‌هۆكاره‌كانى درێژبوونه‌وه‌ى ڕۆژانى كۆنگره‌ى یه‌كه‌مى یه‌كێتى بوو.
له‌ كۆنگره‌ى یه‌كه‌مى یه‌كێتیدا 17 كه‌س بۆ ئه‌نجوومه‌نى سه‌ركردایه‌تى هه‌ڵبژێردران‌و دواتریش به‌هۆى یه‌كگرتنى یه‌كێتى له‌گه‌ڵ (ئاڵاى شۆڕش‌و به‌شێك له‌ حیزبى سۆسیالست، 10 ئه‌ندامى دیكه‌ بۆ ئه‌نجوومه‌نى سه‌ركردایه‌تى یه‌كێتى زیادكران كه‌ بریتیبوون له‌ ( مه‌لا به‌ختیارو ڕه‌سووڵ مامه‌ندو عادل مورادو عیماد ئه‌حمه‌دو عه‌دنان موفتى‌و شێروان شێروه‌ندى‌و محه‌مه‌د شاكه‌لى‌و به‌هرۆز گه‌ڵاڵى‌و مامۆستا گۆران‌و ئه‌بوبه‌كر خۆشناو).
هه‌ر له‌یه‌كه‌م كۆنگره‌دا، بڕیارى هه‌ڵوه‌شاندنه‌وه‌ى هه‌ردوو ڕێكخراوى ( كۆمه‌ڵه‌ى ڕه‌نجده‌ران‌و یه‌كێتى شۆڕشگێڕان) درا.
نۆ ساڵ به‌سه‌ر به‌ستنى یه‌كه‌م كۆنگره‌دا تێپه‌ڕى‌و له‌ ساڵى 2001 یه‌كێتى دووه‌م كۆنگره‌ى گرێداوه‌، له‌م كۆنگره‌یه‌دا ژماره‌ى ئه‌ندامانى سه‌ركردایه‌تى یه‌كێتى بوون به‌ 35 ئه‌ندام‌و له‌و 35 ئه‌ندامه‌ ته‌نها یه‌ك ژنیان تێدا نه‌بووه‌.
نۆ ساڵیش تێپه‌ڕى به‌سه‌ر به‌ستنى كۆنگره‌ى دووه‌مداو له‌ ساڵى 2010 یه‌كێتى نیشتیمانى كۆنگره‌ى سێیه‌مى به‌ست، ئه‌م كۆنگره‌یه‌ كۆنگره‌ى پاش جیابوونه‌وه‌ى نه‌وشیروان مسته‌فاو هاوڕێكانى بوو له‌ یه‌كێتى.
9 ژن چوونه‌ سه‌ركردایه‌تى یه‌كێتییه‌وه‌و كۆنگره‌ بڕیارىدا كه‌ %20ى ئۆرگانه‌كانى یه‌كێتى ته‌رخان بكرێت بۆ ژنان.
ژماره‌ى ئه‌ندامانى سه‌ركردایه‌تى بۆ 50 ئه‌ندام زیاد كراو بڕیار له‌سه‌ر دامه‌زراندنى ئه‌نجوومه‌نى ناوه‌ند بۆ یه‌كێتى درا.

كاره‌ساتى هه‌كارى له‌ ساڵى 1978و جیابوونه‌وه‌ى باڵى بزوتنه‌وه‌ى سۆسیالستى له‌ ساڵى 1979 به‌ڕێبه‌رى ڕه‌سووڵ مامه‌ندو ڕووداو دامه‌زراندنى به‌ره‌ى ( جود)‌و له‌ ساڵى 1980‌و گفتوگۆكردن له‌ گه‌ڵ حكومه‌تى عێراقى له‌ ساڵى 1983‌و جیابوونه‌وه‌ى ( ئاڵاى شۆڕش) به‌ ڕێبه‌رى مه‌لا به‌ختیار له‌ ساڵى 1985، له‌ ڕووداوه‌ هه‌ره‌ گرنگه‌كانى مێژووى یه‌كێتین له‌ قۆناغ‌و سه‌رده‌مى خه‌باتى شاخدا.

 

author photo

ڕۆژنامەنوسی سیاسی و دیكۆمێنتەری سیاسی و مێژویی