بەڵگەنامە نهێنیەکانی سی ئای ئەی پەیوەندی سۆزداریی نێوان شا حسێنی ئوردون و هونەرمەندێكی هۆڵیود ئاشكرادەكات

بەڵگەنامە نهێنیەکانی سی ئای ئەی پەیوەندی سۆزداریی نێوان شا حسێنی ئوردون و هونەرمەندێكی هۆڵیود ئاشكرادەكات

764 خوێندراوەتەوە

سەرچاوە: رصیف 22
وەرگێڕانی: بەهمەن ئەحمەد


لەناو هەزاران دۆكیومنتی لێكۆڵینەوە لەتیرۆركردنی جۆن كەنەدی سەرۆكی پێشوتری ئەمەریكا، لە 15 ی دیسەمبەری رابردوو زانیارییەكی دیكەی شاراوە بەرچاوكەوتووە ئەویش بوونی پەیوەندی سۆزدارییە لەنێوان مەلیك حسێنی پادشای پێشووی ئوردون و ئەكتەرێكی هۆڵیودی ئەمەریكی

بەپێی دۆكیومنتەكان لە پەنجاكانی سەدەی رابردوو ئەمەریكییەكان پەرۆشبوون بۆ ئەوەی ئوردون بكەنە هاوپەیمانی خۆیان لەرۆژهەڵاتی ناوەڕاست و بۆ ئەو مەبەستەش دەزگای هەواڵگری ئەمەریكی داوایان لە ملیاردێری ئەمەریكی هوارد هیوز كردووە كە ژنێكی جوان لەپادشا گەنجەكەی ئوردون نزیك بكاتەوە

بۆ ئەو مەبەستە دەزگای هەواڵگری ئەمەریكی( سی ئای ئەی) یەكێك لە لێكۆڵەرەكانی پێشووی ( ئێف بی ئای) بەناوی ( رۆبێرت ماهیۆ) رادەسپێرێت بۆ دۆزینەوەی كچێكی شۆخوشەنگ تا لەمانگی ئەپرلی 1959 دا لەگەڵی بمێنێتەوە لە لۆس ئەنجلوس، ئەوكاتیش مەلیك حسێن تەمەنی تەنها 23 ساڵە و لەوپەڕی تەمەنی گەنجیدا دەبێت.

،،

لەوكاتەدا كە مەلیك حسێن سەردانی ئەمەریكای كردووە، ئەو ماوەی شەش ساڵ بوو پادشای ئوردون بوو، هاوكارییە سەربازی و داراییەكانی بەریتانیاش بۆ ئوردون راگیرابوون، ئامانج لەسەردانی مەلیكە گەنجەكەش لەوكاتەدا بۆ داوای بەردەوامبوونی هاوكارییەكانی ئەمەریكا بوو بۆ وڵاتەكەی.

لەزانیارییە سەرەتاییەكانی دۆكیومنتەكانی دەزگای هەواڵگری ئەمەریكیدا ( سی ئای ئەی) ناوی مەلیك حسێن نەهێنراوە، بەڵكو تەنها ئاماژە بەوە كراوە كە (سەركردەی وڵاتێكی بیانییە) بەڵام دواتر بەبەراوردكردنی كات و ساڵی سەردانەكەی دەردەكەوێت هەمان ئەو ساڵ و زەمەنە بووە كە مەلیك حسێنی پێشووی ئوردون لەتەمەنی گەنجییەكەیدا لە لۆس ئەنجلوس ماوەتەوە.

لەوكاتەدا كە مەلیك حسێن سەردانی ئەمەریكای كردووە، ئەو ماوەی شەش ساڵ بوو پادشای ئوردون بوو، هاوكارییە سەربازی و داراییەكانی بەریتانیاش بۆ ئوردون راگیرابوون، ئامانج لەسەردانی مەلیكە گەنجەكەش لەوكاتەدا بۆ داوای بەردەوامبوونی هاوكارییەكانی ئەمەریكا بوو بۆ وڵاتەكەی.

 

،،

لە بەرواری 9ی ئەپرلی ساڵی 1959 شدا رۆژنامەی (لۆس ئەنجلوس تایمز) هەواڵێك بڵاودەكاتەوە و تێیدا ئاماژە بە دیداری نێوان ئەكتەری سینەمایی سۆزان كابۆت و مەلیك حسێن دەكات لەئاهەنگێكی كۆكردنەوەی هاوكاری لەكالیفۆرنیا.

دروستبوونی پەیوەندییەكی نزیك و عاشقبوون
بەپێی دۆكیومنتەكان، ماهیۆ كە راسپێردرابوو بۆ دۆزینەوەی خانمێكی گەنجی سەرنجڕاكێش، پەیوەندی بەپارێزەر و ئەستێرەیەكی بەناوبانگی هۆڵیودەوە دەكات(كە لەدۆكیومنتەكە ناوی نەهێنراوە).


لە بەرواری 9ی ئەپرلی ساڵی 1959 شدا رۆژنامەی (لۆس ئەنجلوس تایمز) هەواڵێك بڵاودەكاتەوە و تێیدا ئاماژە بە دیداری نێوان ئەكتەری سینەمایی سۆزان كابۆت و مەلیك حسێن دەكات لەئاهەنگێكی كۆكردنەوەی هاوكاری لەكالیفۆرنیا.


بەپێی زانیارییەكانی دەزگای هەواڵگری ئەمەریكی لەماوەی مانەوەی خۆی لە لۆس ئەنجلوسی ئەمەریكا، پەیوەندییەكی باش لەنێوان مەلیك حسێن و ئەو ئەكتەرە سینەماییەدا هەبووە و پەیوەندییەكەش بەردەوام بووە و دواین دیداریشیان لەساڵی 1969دا بووە لەنیۆرك.

،،

بەپێی زانیارییەكانی دەزگای هەواڵگری ئەمەریكی لەماوەی مانەوەی خۆی لە لۆس ئەنجلوسی ئەمەریكا، پەیوەندییەكی باش لەنێوان مەلیك حسێن و ئەو ئەكتەرە سینەماییەدا هەبووە و پەیوەندییەكەش بەردەوام بووە و دواین دیداریشیان لەساڵی 1969دا بووە لەنیۆرك.


لەبەرئەوەی دەزگا هەواڵگرییەكەی ئەمەریكا پەرۆشبوو بۆ دروستكردنی ئەو پەیوەندییە و سەرسامبوون بەكەسایەتی بەجۆرێك بۆنی ئەوەی لێدەكرا ببێتە سەركردەیەكی عەرەب، هەوڵدرا خانویەكی لەناوچەی (لۆنگ ئایلند) ی نیۆرك بەكرێ بۆبگرن و ژوورێكیشی لە هۆتێل (باركلی) كە نزیكی ئەو ناوچەیە بوو بۆتەرخان كرا.


كابۆتیش سەردانی ئەو شوێنەی دەكرد لەكاتێكدا جموجوڵەكانی مەلیك حسێن لەماوەی چوار رۆژی مانەوەی لەنیۆرك لەژێر چاودێری وردی ئاسایشیدا بوو.
لەوكاتەدا كە ئەستێرەكەی هۆلیود، كابوت، لەدەركەوتن و هەڵكشانی توانای هونەریدابوو وەك ئەستێرەیەك، لەلایەن دەزگای هەواڵگرییەوە داوای لێدەكرێت كەسەردانی شوێنی مانەوەی مەلیك حسێن بكات و لەگەڵی بخەوێت. سەرەتا كابۆت ئەوە رەتدەكاتەوە، بەڵام دوای بینینی مەلیك حسێن لەئاهەنگێكی لۆس ئەنجلوس، دەزگای هەواڵگری ئاگاداردەكاتەوە كە " مەلیكە گەنجەكەی بەدەستهێناوە" و ئەوكارە دەكات كە ئەوان دەیانەوێت.


دواتر هەواڵی پەیوەندییەكە لەرۆژنامەكان بڵاو بووە و بابەتەكەش مشتومڕێكی زۆری لەنێوان ئەكتەرە گەنجەكەی هۆڵیود و پیاوانی ئاسایش دروستكرد بەوەی ترسیان هەبوو دروستكردنی پەیوەندی لەنێوان كچە ئەكتەرێكی بەرەگەز جولەكە زیان بەكەسایەتی ئەو سەركردە مسوڵمانە بگەیەنێت.


هاوكات بەپێی زانیارییەكان لەماوەی مانەوەیدا لە كەناری (لۆنگ بیچ) كابۆت زانیاری داوەتە دەزگای هەواڵگری و بەشێكیش لەو زانیارییە تایبەتییانە دزەیان كردۆتە میدیاكان.

 

،،

بەپێی زانیارییەكانی یەكێك لە راپۆرتە رۆژنامەوانییەكان، پەیوەندییە سۆزدارییەكەی نێوان مەلیك حسێنی پادشای پێشوتری ئوردون و كابۆت كە ماوەی چەندێد ساڵ بەردەوام بووە لەساڵی 1964 دا منداڵێكی بەرهەمهێناوە بەناوی ( تیمۆسی سكۆت رۆمان) كە نازناوی (كابۆت)ی هەلگرتبوو و دواتریش لەساڵی 1986 دا بەشێوەیەكی زۆر دڕندانە دایكی دەكوژێت.

ئایا پەیوەندییە سۆزدارییەكیە مەلیك حسێن منداڵی بەدوادا هاتووە؟
بەپێی زانیارییەكانی یەكێك لە راپۆرتە رۆژنامەوانییەكان، پەیوەندییە سۆزدارییەكەی نێوان مەلیك حسێنی پادشای پێشوتری ئوردون و كابۆت كە ماوەی چەندێد ساڵ بەردەوام بووە لەساڵی 1964 دا منداڵێكی بەرهەمهێناوە بەناوی ( تیمۆسی سكۆت رۆمان) كە نازناوی (كابۆت)ی هەلگرتبوو و دواتریش لەساڵی 1986 دا بەشێوەیەكی زۆر دڕندانە دایكی دەكوژێت.


لەماوەی دادگایكردنی (تیمۆس)ی كوڕیشدا، پارێزەر (لیۆ سمز) بۆی دەردەكەوێت كە كابۆت مانگانە بڕی(1500) هەزار و پێنج سەد دۆلاری لەدیوانی پادشایەتی ئوردون وەرگرتووە و بەپێی نوسراوێكی كابۆت خۆشی ئەو مانگانەیەی لەبری بەخێوكردنی منداڵدا وەرگرتووە.


كوشتنی دایكی لەلایەن تیمۆسی كوڕەوە، هەرایەكی زۆری لەئەمەریكا نایەوە بەوپێیەی تیمۆس بوونی خۆی بە " ئەزمونێكی شكستخواردوو" وەسفكردبوو. لەماوەیەكی هەستیاردا لەدایك بووە و دواتریش بەهۆی پێدانی جۆرێك لەهۆرمۆنەوە توانای راگرتنی بالانسی كەسایەتی لەدەستداوە.
بەپێی زانیارییەكانی رۆژنامەی ( یو ئێس ئەی تودەی)، حكومەتی ئوردونی ئامادەنەبووە هیچ روونكردنەوەیەك لەسەر بابەتەكە بدات لەساڵی 1989دا كاتێك پرسیارییان لەسەر پروپاگەندەكانی تیمۆس كردووە دەربارەی مەلیك حسێن.

 

،،

لەماوەی دادگایكردنی (تیمۆس)ی كوڕیشدا، پارێزەر (لیۆ سمز) بۆی دەردەكەوێت كە كابۆت مانگانە بڕی(1500) هەزار و پێنج سەد دۆلاری لەدیوانی پادشایەتی ئوردون وەرگرتووە و بەپێی نوسراوێكی كابۆت خۆشی ئەو مانگانەیەی لەبری بەخێوكردنی منداڵدا وەرگرتووە.

ئایا پەیوەندی نێوان كەیسی مەلیك حسێن و تیرۆركردنەكەی جۆن كەنەدی چییە؟
بەپێی زانیارییەكانی تەلەگراف، لەسێ لاپەڕەدا ئاماژە بەپەیوەندییەكەی نێوان مەلیك حسێن و كابۆت كراوە لەناو هەزاران دۆكیومنتی پەیوەندیدار بە كوشتنی جۆن كەنەدی سەرۆكی پێشتوتری ئەمەریكا لەساڵی 1963 و بابەتەكەش بەهۆی رۆبێرت ماهیۆ وە بووە كە رێكخەری كۆبونەوەكەی نێوان مەلیك حسێن و كابۆت بووە.

چەندین دەزگای حكومی لێكۆڵینەوەیان لەو بابەتە كردووە كە پێیوایە فیدڵ كاسترۆی سەركردەی دیاری كوبا دەستی لەكوشتنی جۆن كەنەدیدا هەبووە، بەوپێیەی دەگوترێت لەو ساڵانەی دوایدا جۆن كەنەدی لەرێگای دادوەری گشتی رۆبێرت كەنەدی برایەوە هەوڵی كوشتنی فیدڵ كاسترۆی داوە لەساڵانی شەستەكاندا.
لەوكاتەشدا، بەپێی راپۆرتی لیژنەیەكی ئەنجومەنی پیران لەساڵی 1976، لێكۆڵەری دەزگای ( سی ئای ئەی) ماهیۆ كە هەمان ئەركی بەیەكگەیشتنی مەلیك حسێن و ئەكتەرە ئەمریكییەكەی پێسپێردرابوو، رادەسپێردرێت بەدۆزینەوەی كەسێكی بەهێز بۆ جێبەجێكردنی كوشتنەكەس فیدڵ كاسترۆ.


بۆ ئەو مەبەستەش ماهیۆش پەیوەندی بە ( ماسی جۆنی رۆسێل)ەوە دەكات كەپەیوەندییەكی باشی لەگەڵی هەبوو لەلۆس ئەنجلوس و داوای لێدەكات لەگەڵ سەرۆكی مافیاكانی شیكاگۆ قسەی بۆبكات كەناوی سام جیانكانا بووە.


بەپێی زانیاری دۆكیومنتەكانی ئەو كەیسە، سەرەتا ماهیۆ دوودڵبووە، بەڵام دواتر لەسێپتێمبەری ساڵی 1960 دا و لەهۆتێل پلازای نیۆرك لەگەڵ ماسیۆ و پیاوانی دەزگای هەواڵگری ئەمەریكی ( سی ئای ئەی) كۆدەبێتەوە.


زانیارییەكانی راپۆرتی ئەنجومەنی پیرانیش باسلەوەدەكەن كە سەرەتا ماهیۆ نەیویستووە ئەو كارە بكات بەوپێیەی ترسی لەداواكارییەكانی ملیاردێر ( هیوز) هەبووە كە بەرپرسی چالاكییە ئابورییەكان بووە لەلاس ڤیگاز. بەڵام دواتر رازیدەبێت بەئەنجامدانی كارەكە بەوپێیەی خۆی بەقەرزاری خزمەتگوزارییەكانی ئەو ملیاردێرە دەزانێت بۆ دەزگاكەی.


بەهەمان شێوە، لێكۆڵینەوەیەكی ئەنجومەنی پیرانیش جەخت لەوەدەكاتەوە كە دواتر ماهیۆ راسپێردراوە بەدۆزینەوەی كچێكی جوان بۆ مەلیك حسێن بەبێ ناوهێنانی كچێكی دیاریكراو بۆ ئەو كارە.