بەراستی سەر لەوە دەر ناكەین كە چۆن تەزویر كراوە

شێخ جەعفەر بۆ دیپلۆماتیك: ئەو ئەنجامانە بۆ یەكێتی بەدۆڕاندن دەزانم

بەراستی سەر لەوە دەر ناكەین كە چۆن تەزویر كراوە

2291 خوێندراوەتەوە

شێخ جەعفەر شێخ مستەفا، ئەندامی مەكتەبی سیاسی یەكێتی، ئاماژە بەوە دەدات كەڕووداوی هێرشكردن بۆ سەر گردی زەرگەتە ڕووداوێكی بەڕێكەوت بووەو، باسیشلەوە دەكات ئەگەر هاتوو دەنگەكان بەدەست هەژمار كرایەوەو دەنگەكانی یەكێتی كەمیكرد، ئەوا دەسەلمێنرێت كە یەكێتی ساختەكاری كردووە‌و دەشڵێت:" ئەنجامەكان بۆ یەكێتی بەدۆڕاو دەزانم".

 

شێخ جەعفەر شێخ موستەفا لەگەڵ كۆمەڵێك لە هاوڕێ پێشمەرگەكانی

  


لایەنە نارازییەكانی دەرەوەی دەسەڵات باس لەوە دەكەن كە بەڵگەی 120 هەزار دەنگی ساختەیان لایە كە بۆ یەكێتی كراوە، ئەندامێكی مەكتەبی سیاسی یەكێتیش وەڵامی ئەم دەنگۆیانە دەداتەوەو دەڵێت ئەوانەی رەخنە لە پرۆسەكە دەگرن ئەوانەن كە كورسیان دۆراندووەو پێشیوایە یەكێتی لەچاو سەروەرییەكانیدا، هێشتا دەنگی كەمی بەدەست هێناوە.

شێخ جەعفەر شێخ مستەفا ئەندامی مەكتەبی سیاسی یەكێتی سەبارەت بە هەڵبژاردنی ئەنجوومەنی نوێنەرانی عێراق بۆ دیپلۆماتیك مەگەزین دواو وتی:" ئەم هەڵبژاردنە جیاواز بوو، چونكە هەڵبژاردنی كورد بوو بۆ بەغدا، بۆیە ئێمە هەموو بیرێكمان دەكردەوە لەوەی چۆن جێپێی كورد لە بەغداد بەهێز بكەین، منیش لەو چوار چێوەیەدا هەموو كارێكم كردووە".

،،

ئەو دەشڵێت:

" دەبێت حیزب وەك وەسیلە سەیر بكەین، نەك وەك ئامانج، بۆ ئەوەی بتوانین خزمەتی خەڵكی بكەین‌و ئاڵۆزییەكانی نێوانمان كەم ببێتەوە".

 

 
ئەو ئەندامەی مەكتەبی سیاسی یەكێتی، وەك زۆرێك لە هاوڵاتییان‌و سیاسییەكانی دیكە نیگەرانە لەم دۆخەی هەرێمی كوردستان‌و ئەو باردۆخەكەی بەدڵ نییەو گلەیی هەیە دەڵێت:" ئەگەر پرسیارم لێبكرێت لەبارەی دۆخی گۆڕەپانی سیاسی لە هەرێم، هیچ بەدڵم نییەو ململانێكانی نێوانمان زۆر توندن".


ئەو دەشڵێت:" دەبێت حیزب وەك وەسیلە سەیر بكەین، نەك وەك ئامانج، بۆ ئەوەی بتوانین خزمەتی خەڵكی بكەین‌و ئاڵۆزییەكانی نێوانمان كەم ببێتەوە".


هێزەكانی دەرەوەی دەسەڵات، ئاماژە بەوە دەكەن كە دەنگەكانی ئەوان لە ڕێگەی ساختەكارییەوە بۆ دوو هێزەكەی دەسەڵات چووە، بەو دۆخەكەشەوە ئەندامەكەی مەكتەبی سیاسی یەكێتی، هێشتا لە ڕێژەی دەنگەكانی حیزبەكەی ڕازی نییەو بە "دیپلۆماتیك"ی وت:" ئەو دەرئەنجامانە بەراورد بە سەروەری‌و مێژووی خەباتی یەكێـتی بە دۆڕاو دەزانم، بەڵام بۆ ئەم دۆخەی ئەمڕۆ كێشەی نییەو دەتوانین بە سەروەری باسی بكەین".

،،

زۆر ورد بووینەتەوەو باسمان لێوە كردووە لە مەكتەبی سیاسی، بە راستی سەر لەوە دەر ناكەین كە چۆن تەزویر كراوە، چونكە لەگەڵ دەنگداندا دەنگەكەت دەڕوات‌و دواتر دەنگەكەت دەپارێزرێت.

 
لەگەڵ ئەوەدا كە هیوا دەخوازێت حیزبەكەی دەنگی یەكەم بێت، باسیش لەوە دەكات كە پێیخۆشە هەموو لایەنەكان دەنگی تەواو بە دەست بهێنن، دەشڵێت:" ئەوانەی چوون بۆ دەنگدان ئەندامی یەكێـتی بوون‌و ئەوانەی لەماڵەوە دانیشتن‌و نەڕۆشتن، ئەندامی لایەنەكانی دیكە بوون، بۆیە دەنگیان نەهێنا".


سەبارەت بە ڕێژەی ساختەكاری لە پرۆسەی دەنگدان‌و كۆكردنەوەی بەڵگەكان لە لایەن هێزەكانی دەرەوەی دەسەڵاتەوە، شێخ جەعفەر دەڵێت:" زۆر ورد بووینەتەوەو باسمان لێوە كردووە لە مەكتەبی سیاسی، بە راستی سەر لەوە دەر ناكەین كە چۆن تەزویر كراوە، چونكە لەگەڵ دەنگداندا دەنگەكەت دەڕوات‌و دواتر دەنگەكەت دەپارێزرێت".

 

 

ئاماژە بەوەش دەكات كە كۆمیسیۆن هەیەو دادگا هەیە، دەبوو ئەو لایانانەی رەخنەیان هەیە بچن سكاڵا تۆمار بكەن‌و لێكۆڵینەوە بكرێت،" بەراستی زۆر خراپ بوو كە لەبەرامبەر دوژمن‌و بەغداد یەكترمان شكاندو بە یەكترمان دەوت ساختەچی‌و تەزویرچی، چونكە دوایی دوژمن باسمان دەكات، ئەگەر هەڵبژاردنەكە بۆ پەرلەمانی كوردستان بوایە، كێشە نەبوو، چیمان بگوتایە، بەڵام نەدەبوو بۆ پەرلەمانی عێراق ئاوا بكەین".


ئەندامەكەی مەكتەبی سیاسی یەكێتی، سەبارەت بە هەژماركردنەوەی دەنگەكان بە دەست، دەڵێت:" ئەگەر دەنگدان دووبارە بكرێتەوە، یاخود دەنگەكان دووبارە ئەژمار بكرێنەوەو یەكێـتی ئەو دەنگانەی بەدەست نەهێنایەوە، ئەوە بەدڵناییەوە دەسەلمێنرێـت كە یەكێـتی ساختەكاری كردووە، ئەگەر یەكێـتی نیشتمانی تەزویری ئەنجامدا بێت، ئەوا عەیبدار دەبێـت".

 
پاش كۆتایی هاتنی پرۆسەكەو لەگەڵ دەركەوتنی سەرەتای دەركەوتنی ئەنجامی هەڵبژاردنەكەدا، لە میدیاكانەوە شێخ جەعفەر وەك پیاوێكی سەربازی یەكێتی، بەهۆی ڕووداوی هێرشكردنە سەر گردی زەرگەتەوە ناوی بوو بە جێگەی باس‌وخواس، شێخ شەعفەر دەڵێت:" بەهۆی هەڵە تێگەشتنەوە تەقە لە گردەكە كرا، كە لەوكاتەدا چوار لایەنی ناڕازی كۆبوونەوەیان دەكرد سەبارەت بە ڕاگەیاندن‌و ڕەتكردنەوەی دەرەنجامەكانی هەڵبژاردن".

 

،،

ناكرێـت كە لە هەڵبژاردندا دۆڕاندت بڵێیت تەزویر كراوەو كاتێ دەیشیبەیتەوە پیرۆزبایی بكەیت،" كاتی خۆشی كە یەكێـتی لە بەرامبەر گۆڕان دۆڕاندی، یەكێـتی وتی تەزویرم لێكراوەو گۆرانیش یەك قسەی نەكرد، جگە پیرۆزبایی.

 


شێخ جەعفەر لەو بارەوە زۆرتر دەدوێت دەڵێت:" هەندێك پێیانوایە بۆ پەردەپۆشكردنی تەزویرو ساختەكارییەكان ئەو كارەمان كردووە، بەڵام هیچ ئەسڵ‌و ئەساسی نییەو شتێكی سوتفەیەك بوو روویداو بەرنامە بۆ داڕێژراو نەبوو، بەڵكو هەڵە تێگەشتن بوو، ئەوانەشی پێیانوایە تەق‌و تۆقمان بۆ مەرامێك كردبێت زۆر عەیبە وا دەڵێن، چونكە كە پێوویستی كرد تەق و تۆق بكەین، ئەوا بەدڵنیاییەوە تەقە دەكەین".

 

 

 


شێخ جەعفەر باسیشلەوە دەكات، ناكرێـت كە لە هەڵبژاردندا دۆڕاندت بڵێیت تەزویر كراوەو كاتێ دەیشیبەیتەوە پیرۆزبایی بكەیت،" كاتی خۆشی كە یەكێـتی لە بەرامبەر گۆڕان دۆڕاندی، یەكێـتی وتی تەزویرم لێكراوەو گۆرانیش یەك قسەی نەكرد، جگە پیرۆزبایی.


بە وێنەی سەركردەكانی دیكەی پارتی‌و یەكێتی، شێخ جەعفەر داوای یەكڕیزی دەكات بۆ بەغدادو دەڵێت:" هیچ شتێك هێندەی برایەتی‌و تەبایی گرنگ نییە بۆ ئێمە، نابێت بەیەك بڵێین ساختەچی‌و قاچاخچی‌و ناو و ناتۆرە لەیەك بنێین، دواجار لەبەردەم دوژمن كوردین، بۆیە وا باشترە بۆ بەغداد یەك دەنگ‌و یەك رەنگ بین‌و پێكەوە بچین".

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان