ئایا سندوقەكانی دەنگدان لەدەستێكی ئەمیندان؟

ئایا سندوقەكانی دەنگدان لەدەستێكی ئەمیندان؟

1186 خوێندراوەتەوە


ماوەی 24 ڕۆژە سندوقەكانی دەنگدان لە كۆگاكانی هوانە و هۆڵی یانەی وەرزشی ئاشتیدایە و لەلایەن لیژنەی ئەمنی سلێمانیەوە دەپارێزرێن كە د.هەڤاڵ ئەبوبەكر، پارێزگاری سلێمانی سەرۆكایەتی دەكات.

دیبلۆماتیك مەگەزین زانیویەتی پارێزگاری سلێمانی لەسەرەتای گواستنەوەی سندوقەكانەوە تا ئەمڕۆ چاودێری وردی ئەو هێزانەی كردوە كە ئەمنیەتی هۆڵەكانیان گرتۆتە ئەستۆ.

هەرچەندە پرۆسەی دەنگدان و كارە تەكنیكیەكانی دیكەی كۆمسیۆن هیچ پەیوەندیەكی بە لیژنەی ئەمنی پارێزگای سلێمانیەوە نییە، بەڵام یەكێك لە هەستیارترین بابەتەكان بریتییە لە كۆگای هەڵگرتنی سندوقەكانی دەنگدان كە لەئێستادا دوای ئەوەی ئەنجومەنی نوێنەران بڕیاری دوبارە هەژماركردنەوەی تەواوی سندوقەكانی دەنگدانی داوە جارێكی دیكە ئەو بابەتە بایەخی پەیداكردۆتەوە.

لە هەڵبژاردنی ئەمجارەدا لەبەرئەوەی جیاكردنەوەی دەنگەكان ئەلكترۆنی بوو، حیزبە سیاسیەكان وەكو ساڵان شوێن سندوقەكانی دەنگدان نەكەوتن و ئێشكیان نەگرت بەدیاریەوە.


بەڵام لە دوای تەواوبونی پرۆسەی دەنگدان و گواستنەوەیان بۆ كۆگاكان لە لایەن لیژنەی ئەمنی پارێزگای سلێمانیەوەئەركی پاراستنی ئەو سندوقانە لە ئەستۆ گیراوە و خودی پارێزگار خۆی سەرپەرشتی وردی پرۆسەكە دەكات.

سەرجەمی سندوقەكان خراونەتە ناو هۆڵەكانەوە و دەرگاكانیش قفڵدراون و قیدی تایبەتیان لەسەر دراوە و بۆ هیچ كەسێك نییە بچێتە ژورەوە جكە لە كارمەندانی كۆمسیۆن ئەوانیش دەبێت بە ئاگاداری نوێنەری لایەنەكان بكرێنەوە و دابخرێن. بەڵام كێشەی گەروە ئەوەیە زۆرێك لە هێزە ناڕازیەكان لەبەر بێئومێدبونیان هۆڵەكەیان جێهێشتوە و لەپرۆسەی چاودێری كشاونەتەوە.


لەوانەیە دوای بڕیارەكەی پەرلەمان جارێكی دیكە بۆی بگەڕێنەوە

 

author photo

ڕۆژنامەنوس و مامۆستای زانكۆ

سەرنوسەری دیپلۆماتیك مەگەزین

ڕۆژنامەنوسی تایبەتمەند لە ڕۆژنامەوانی بنكۆڵكاری