كەباب، ئیسلامییەكان كۆدەكاتەوە

ئێوارەخوانەكانیان بە شتێكی رۆتینی و دوور لە رەهەندی سیاسی دەزانن

كەباب، ئیسلامییەكان كۆدەكاتەوە

1307 خوێندراوەتەوە

.

لە ئێوارەخوان و ئیفتارەكاندا سەركردەی پارتە ئیسلامییەكان لەسەر یەك سفره كۆ دەبنەوەو وەك یەك خێزان نان دەخۆن، چاودێرێكی سیاسیش پێی وایە كاری ئەوان لەمە گەورەترە و دەبێت هەوڵی یەكگرتن بدەن نەك تەنها كەباب و نانخواردن، ئیسلامییەكانیش خۆیان ئەمە بەشتی رۆتینی و نارەسمی دەزانن و دەڵێن: "هیچ پەیوەندییەكی بە رەهەندە سیاسییەكەوە نییە."

 

كۆمەڵ: بۆ ئاشتبوونەوەی براكانە

سەبارەت بەم بابەتە زانا رۆستایی ئەندامی پەرلەمانی كوردستان و سەركردە لە كۆمەڵی ئیسلامی بۆ دیپلۆماتیك مەگەزین دەدوێت دەڵێت: " ئێمە هەموو رەمەزانێك كۆ دەبینەوە و بە شتێكی ئاسایی دەزانین كە لە ئێوارەخوانەكاندا لەسەر یەك سفرە نان بخۆین و باس و خواسی برایانە لەگەڵ یەكدیدا بكەین."

 

،،

ئەم جۆرە خوانانە زۆرتر بۆ رازو نیاز و ئاشتبوونەوەی ئەو برایانەیە كە ئەگەر پێشتر و لەكاتی هەڵبژاردنەكاندا قسەیەكی بەرزو نزمیان بەرامبەر یەكدی كردبێت، تاكو وەك برا دڵیان لەكدی ساف ببێتەوەو كەس نەكەوێتە نێوانیان.

 

زانا رۆستایی، سەركردە لە كۆمەڵی ئیسلامی

 


بەڵام سەبارەت بەوەی ئەم نانخواردن و پێكەوەبوونەیان بۆ نابێتە هۆی لەدایك بوونی پرۆژەیەكی سیاسی یەكگرتوو تاكو یەك بگرن و لەهەڵبژاردنەكاندا بەیەك لیست بەشداری بكەن ئەو سەركردەی كۆمەڵ پێی وایە كە ئەو جۆرە ئێوارەخوان و كۆبوونەوانەیان هیچ پەیوەندییەكی بەلایەنی سیاسییەوە نییە چونكە رەهەندی سیاسی كۆنفرانس و كۆبوونەوەی رەسمی پارتە ئیسلامییەكانی دەوێـت، بەڵام ئەم جۆرە خوانانە زۆرتر بۆ رازو نیاز و ئاشتبوونەوەی ئەو برایانەیە كە ئەگەر پێشتر و لەكاتی هەڵبژاردنەكاندا قسەیەكی بەرزو نزمیان بەرامبەر یەكدی كردبێت، تاكو وەك برا دڵیان لەكدی ساف ببێتەوەو كەس نەكەوێتە نێوانیان.


سەبارەت بە كۆمێنتی هەندێك لەبارەی ئیسلامییەكان كە تەنها نان خواردن كۆیان دەكاتەوە رۆستایی دەڵێت: " هەر دەبێت شتێك كۆمان بكاتەوە ئیدی ئەو شتە كەبابە یان رەمەزانە یان هەر شتێكی دیكە گرنگ ئەوەیە بتوانین كۆ ببینەوە لەیەك دانەبرێین"

 
یەكگرتوو: لە پرۆژەی سیاسی یەكگرتوو، سەركەوتوو نەبووین

موستەفا عەبدوڵا ئەندامی ئەنجوومەنی جێبەجێكردن لە یەكگرتووی ئیسلامی كوردستان سەرەرای ئەوەی باس لەوە دەكات كە ئیسلامییەكان كارێكی زۆریان پێكەوە كردووە لەرووی كۆمەڵایەتییەوە كە دواجار خزمەتی كۆمەڵگایان پێكردووە بەڵام نایشارێتەوە كە لەروی پرۆژەی سیاسی و یەكگرتنی سیاسی سەركەوتوو نەبوون.


سەبارە بە كۆبوونەوە و ئێوارەخوانەكانیان ئەو سەركردەی یەكگرتووی ئیسلامی پێ وایە كە رەمەزان هەستێكی ناسك بۆ ئیسلامییەكان درووست دەكات و بۆیە حەز دەكەن و پێیان باشە پێكەوە كۆببنەوە و لەسەر یەك سفرە پێكەوە نان بخۆن، بەڵام كاتێك باس و خواس دێتە سەر بیرورا جیاوازەكان لەرووی سیاسییەوە سەركەوتوو نابن و كاتی زۆرتریان دەوێت بۆ قسەكردن.

،،

سەبارەت بە كەباب و نانخواردن پێكەوە كە بۆچی ئیسلامییەكانی پێ تۆمەتبار دەكرێت كە تەنها لەسەر سفرە یەكیان لەبیرە ئەو سەركردەی یەكگرتووش هاوشێوەی سەركردەكەی كۆمەڵ پێی وایە ئەوە تەنها بۆ جەوێكی برایانەیە و بەڵام بێ ئومێد نین لەوەی كە ببێتە هۆی ئەوەی جیاوازییەكانی نێوانیان كەمتر ببێتەوە لە داهاتودا یەك بگرن.

 

موستەفا عەبدوڵا، ئەندامی ئەنجوومەنی جێ بەجێكردنی یەكگرتووی ئیسلامی

 
موستەفا عەبدوڵا ئەوەش ئاشكرا دەكات كە ئەوان هەستیان كردووە كە ئیدی پێویستییەكی ناچاری هەیە بەتایبەت دوای هەڵبژاردنەكانی 12ی ئایارەوە كە پێویست دەكات ئیسلامییەكان پێكەوە بن و نزیكتر بن لەیەكدی چونكە پێكەوە بەهێزتر دەبن.


سەبارەت بە كەباب و نانخواردن پێكەوە كە بۆچی ئیسلامییەكانی پێ تۆمەتبار دەكرێت كە تەنها لەسەر سفرە یەكیان لەبیرە ئەو سەركردەی یەكگرتووش هاوشێوەی سەركردەكەی كۆمەڵ پێی وایە ئەوە تەنها بۆ جەوێكی برایانەیە و بەڵام بێ ئومێد نین لەوەی كە ببێتە هۆی ئەوەی جیاوازییەكانی نێوانیان كەمتر ببێتەوە لە داهاتودا یەك بگرن.

  

بزووتنەوە: یان مەولودو تەعزییە یان پرۆژەی جدی

عەبدوڵا وەرتی كارگێری مەكتەبی سیاسی بزووتنەوەی ئیسلامی كوردستان سەبارەت بەم بابەتە، ئەویش بۆ دیپلۆماتیك دەدوێت و دەڵێت: "من دوو ئیختیارم خستۆتە بەردەم لایەنە ئیسلامییەكان یان دەبێـت ئیسلامییەكان هەر سەرقاڵی مەولودو تەعزیە بن یان دەبێت بەجدی پرۆژەی سیاسی یەكگرتوویان هەبێت."

 

عەبدوڵا وەرتی، كارگێری مەكتەبی سیاسی بزووتنەوەی ئیسلامی

 

،،

چونكە ناكرێت بۆ ماوەی نیو سەعات پێكەوە بین و نانێك بخۆین و تەواو ئیدی بڵاوەی لێ بكەین و هەركەسە بۆ مزگەوتێكی دیكە بۆ نوێژكردن و دواتر بۆ ماڵەوە، ئیدی یەك قسەی جدی نەكەین لەبارەی پرۆژەی سیاسی و یەكگرتن.

 


ئەو كارگێرەی بزووتنەوە ئەوە ناشارێتەوە كە ئێوارەخوان و نانخواردن لەنێوان ئیسلامییەكان شتێكی زۆر باشە و خراپ نییە بەڵام ئەمە تاكە ئیشی ئیسلامییەكان نییە و نابێت تەنها سەرقاڵی ئەمە بن چونكە ئەمە زانایەكی ئایینیش دەتوانێ رێكی بخان و زۆر گەورە نییە.


چونكە ناكرێت بۆ ماوەی نیو سەعات پێكەوە بین و نانێك بخۆین و تەواو ئیدی بڵاوەی لێ بكەین و هەركەسە بۆ مزگەوتێكی دیكە بۆ نوێژكردن و دواتر بۆ ماڵەوە، ئیدی یەك قسەی جدی نەكەین لەبارەی پرۆژەی سیاسی و یەكگرتن.


ئەو سەركردەی بزووتنەوە زۆر بە راشكاوانە ئاماژە بەوە دەكات كە دەبێت لەبری نانخواردن و ئێوارەخوان بیر لەوە بكەنەوە چۆن یەك بگرن چونكە دەركەوت چۆن بەتەنها بێ كاریگەرن و بەهەموویانەوە چوار كورسی دێنن، بە پێچەوانەشەوە پێكەوە بوونیان هێزو توانایان پێ دەدات.

،،

ئەگەر كەباب وەك رەمزێكی بەرژەوەندیش نزیكیان بكاتەوە و كاری لەسەر بكەن بۆ یەكگرتن زۆر باش دەبێت بۆیان.

 

عەبدوڵا رێشاوی: پێویستە مەترسییەكان، ئیسلامییەكان نزیك بكاتەوە

 سەبارەت بە بابەتی نانخواردن و پێكەوە كۆبوونەوەی ئیسلامییەكان عەبدوڵا رێشاوی وەك چاودێرێكی سیاسی پێی وایە: " ئیسلامییەكان ئەگەر تەنها بۆ كەباب و نانخواردن كۆ ببنەوە ئەوا خۆڵ دەكەنە چاوی ئەندامەكانی خۆیان."


ئەو چاودێرە پێشی وایە دەبێت مەترسییەكان ببێتە هۆكارێك كە نزیك ببنەوە لەیەكدی و ئەگەر كەباب وەك رەمزێكی بەرژەوەندیش نزیكیان بكاتەوە و كاری لەسەر بكەن بۆ یەكگرتن زۆر باش دەبێت بۆیان.


عەبدوڵا رێشاوی هاوشێوەی سەركردە ئیسلامییەكان پێی وایە ئیسلامییەكان بە تەنها و پارچە پارچەبوونیان هێزو قورسیان نییە وەك لە یەكگرتن و پێكەوەیدا هەیانە، هەروەها دەشڵێت: "كۆبوونەوە بۆ ئێوارەخوان و كەباب خواردن هیچ گرنگییەكی سیاسی نییە و دەبێت ئیسلامییەكان بیر لە پرۆژەی جدیترو باشتر بكەنەوە."

 

وێنەی یەكێك لە ئێوارەخوانەكانی ئیسلامییەكان

 

ساڵانە و بەتایبەت لە مانگی پیرۆزی رەمەزاندا ئیسلامییەكان لەسەر یەك سفرە كۆ دەبنەوە و نان دەخۆن بۆ كۆتاجاریش ئەم رۆژانەی رابردوو و لە مانگی رەمەزاندا هاوشان لەگەڵ مەڵبەندی هەڵەبجەی شەهیدی یەكگرتوو، مەڵبەندی یەكی سلێمانیش لە یەكگرتووی ئیسلامی كوردستان ئێوارەخوانێكی ساز كرد بۆ كۆمەڵێك كەسایەتی و سەركردەی هەرسێ لایەنە ئیسلامییەكە لە یەكگرتوو و كۆمەڵ و بزووتنەوەی ئیسلامی.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان