هاوپەیمانی نێوان لایەنە ئۆپۆزسیۆنەكانی كوردستان شكستی هێنا

"دەستێك لەناو حیزبەكانی ئۆپۆزسیۆندا هەیە دەیەوێت ئەم هاوپەیمانیە سەرنەگرێت، و لەكارەكەشیان سەركەوتووو بون"

هاوپەیمانی نێوان لایەنە ئۆپۆزسیۆنەكانی كوردستان شكستی هێنا

4739 خوێندراوەتەوە

سەكۆی جەماوەری رایدەگەیەنێت پڕۆژەی دروستكردنی هاوپەیمانی لەناو لایەنەكانی ئۆپۆزسیۆن بۆ هەڵبژاردنیی پەرلەمانی كوردستان شكستی هێناوە و هیچ ئومێدێك نەماوە بۆ دروستكردنی ئەو هاوپەیمانێتییە.


كەمال رەئوف یەكێك لە كەسایەتیەكانی ناو پرۆژەی سەكۆی جەماوەری كە ماوەیەكە لە نێوان لایەنە ئۆپۆزسیۆنەكاندا لەهەوڵی دروستكردنی بەرەیەكی هاوبەشدان بە دیبلۆماتیك مەگەزینی ڕاگەیاند" هەرچەەندە هەموو لایەنەكان پرۆژەكەیان پێیان باش بووە لەئاستی تیۆریدا بەڵام لەئاستی كردەیدا كەسیان نەهاتنە پێشەوە و بەو هۆیەشەوە پڕۆژەكە شكستی هێنا"

،،

هۆكارى  شكستهێنانی هاوپەیمانی لەناو لایەنەكانی ئۆپۆزسیۆن  قین و دووبەرەكییە لەنێوان لایەنەكاندا و غروری هەندێ لایەنە كە پێی كەمە لەگەڵ بەرامبەر رێك بكەوێت و هەست نەكردنە بە بەرپرسیارییەتی و كێشەیان نییە چی روو دەدات و چی دەقەومێت".


ئەو ووتی" لەسەرەتادا گەشبین بوین كە هەوڵەكەمان ئەنجامی دەبێت، تەنانەت گۆران لە كۆبوونەوەی جڤاتی نیشتیمانی باسی كردبووو بڕیاری لەسەر دابوو، هاوپەیمانی لە كۆبونەوەی باڵادا بڕیاری لەسەردابوو، لەلایەن كۆمەڵیشەوە وەڵامی باشی هەبوو، بەڵام هەنگاوی جدی نەنرا لەبارەیەوە".


كەمال رەئوف دەڵێت " لێت ناشارمەوە دەستێك لەناو حزبەكاندا هەبوو، كە پێی باش بوو ئەم یەكگرتن و پرۆژەیە سەر نەگرێ، ئیدی نازانین بەرژەوەندی شەخسیە یاخود هاتنە ناوەوەی ئەجێندای حیزبەكانی دەسەڵات بوو؟؟ یاخود نەخێر بیرورای سیاسی و تایبەت بوو، گرنگ ئەوەیە كارەكەیان سەری گرت و ئەم كارە ئەنجام نەدرا و كاتەكەش خەریكە تێدەپەرێت و ئەوەی ئێمە داوامان دەكرد سەر ناگرێت".


ئەو چالاكەی سەكۆی جەماوەری كە بەئامانجی دروستكردنی بەرەیەكی بەهێزی نیشتیمانی بەرامبەر یەكێتی و پارتی دامەزراوە باس لەوە دەكات ئەوان سێ پێشنیاریان خستبووە روو، پێشنیاری یەكەم:هەممووو لایەنەكانی ئۆپۆزسیۆن پێكەوەبن، پێشنیاری دووەم: گۆران و هاوپەیمانی پێكەوە بن و ئیسلامییەكانیش پێكەوە بن واتە دوو بلۆك لەبەردەم دەسەڵات بوەستن. یاخود لە كەناڵەكان رایگەیەنن كە ئەمان پێكەوە كار دەكەن و لەدوای هەڵبژاردن پێكەوە هاوپەیمانی دروستبكەن كە ئەمەیان وەك سیناریۆیەك هێشتا ماوە.

،،

لەناو حزبەكاندا هەبوو، كە پێی باش بوو ئەم یەكگرتن و پرۆژەیە سەر نەگرێ، ئیدی نازانین بەرژەوەندی شەخسیە یاخود هاتنە ناوەوەی ئەجێندای حیزبەكانی دەسەڵات بوو؟؟ یاخود نەخێر بیرورای سیاسی و تایبەت بوو، گرنگ ئەوەیە كارەكەیان سەری گرت


كەمال ڕەئوف دەڵێت لەدوای ئەو دۆخە سیاسیەی پاش هەڵبژاردنەكانی عێراق هاتۆتەوە ئاراوە ئێمە داوامان كردووە ئەو حیزبانە بچن دەنگدەری خۆیان ئاشت بكەنەوە، چونكە زۆربەی دەنگدەرەكان كە دەنگیان نەداوە لەوان بوون، لەبەرامبەردا دەسەڵات زۆرینەی دەنگدەرانی خۆی بردۆتە سەر سندووقەكانی دەنگدان.
هەروەها پێمان وتون، دەسەڵات تەزویر دەكات و هێزی تایبەتی خۆی هەیە و پارەی لەدەستدایە، بەم دۆخەوە چۆن دەتوانی دۆخی كوردستان بگۆڕیت؟ تەنها لەرێگەی دەنگدان و بەدەستهێنانی پەنجا كۆ یەك نەبێت، بۆیە دەبێت كار لەسەر ئەوە بكرێت كە هێزێكی بەهێزتر لەبەرامبەریان درووست بكرێت.لەشێوەی بلۆكێكی سیاسی كە هەمووو لایەنە ئۆپۆزسیۆنەكانی تێدابن لە بەرامبەر بە بلۆكی دەسەڵات.

پاش ئەو هەوڵە زۆرەی وەك نێواندگیر لەنێوان لایەنكاندا دایاین، بەرەی جەماوەری ڕیدەگەیەنێت كە هیچ ئومێدێك بۆ دروستكردنی ئەو بەرەیە نەەماوە و وادیارە لایەەنەكان دەیانەوێت بەتەنیا بچننە هەڵبژاردنەكانەوە، لەم ڕوەوە كەمال ڕەئۆف ووتی" من بۆ خۆم هیچ ئومێدێك نابینم، و لە نزیكەوە ئاگاداری كارو بارەكانی ئەم بابەتەم، لە رووی كردارییەوە هیچكامیان دەست بۆ میكانیزمێك نابەن كە نزیكیان بكاتەوە و تەنانەت نەیانتوانیوە پێكەوە شاندێك درووست بكەن و بچن بۆ دانیشتنەكەی عەبادی".


سەبارەت بە هۆكارەكانی پشت پەردە لە شكستهێنانی ئەم بابەتەدا دەڵێت "هۆكارەكەی قین و دووبەرەكییە لەنێوان لایەنەكاندا و غروری هەندێ لایەنە كە پێی كەمە لەگەڵ بەرامبەر رێك بكەوێت و هەست نەكردنە بە بەرپرسیارییەتی و كێشەیان نییە چی روو دەدات و چی دەقەومێت".


ئەو لە كۆتایدا ووتی" ئەگەر ئەوان دەیانەوێت دەسەڵات بگۆڕن ئەمە ڕێگە راستەكەیە، ئەگەر تەنها یبەشداریان دەوێت لە دەسەڵات ئەوا پارتی و یەكێتتی بەشداریی لاوازی ئەوانیان پێ‌ خۆشە و لەوانەیە بە كورسی كەمتریشەوە ئامادەبن بەشدارییان پێبكەن"

 

author photo

ڕۆژنامەنوس و مامۆستای زانكۆ

سەرنوسەری دیپلۆماتیك مەگەزین

ڕۆژنامەنوسی تایبەتمەند لە ڕۆژنامەوانی بنكۆڵكاری