بۆچی هەمووان لە هاوپەیمانیكردن لەگەڵ بەرهەم ساڵح ساردن؟

ئایا شكستی هاوپەیمانێتی نێوان چوار لایەنەكە لە ئەستۆی گۆڕانە ؟

بۆچی هەمووان لە هاوپەیمانیكردن لەگەڵ بەرهەم ساڵح ساردن؟

6431 خوێندراوەتەوە

دوێنێ‌ بزوتنەوەی گۆڕان لە كۆبوونەوەی جڤاتی نیشتیمانیدا ئامادەیی خۆی نیشاندا بۆ هاوپەیمانی و كاری پێكەویی، لەگەڵ هەموو ئەو لایەنانەی كە داوای چاكسازیی دەكەن، كۆبونەوەكە لەكاتێكدابوو كە كۆمسیۆنی باڵای هەڵبژاردن و راپرسی هەرێمی كوردستان بۆ ماوەی یەك ڕۆژ دەرگای بەستنی هاوپەیمانێتی نێوان لایەنەكانی درێژ كردبوەوە.

بڕیاری ئامادەیی گۆڕان بۆ هاوپەیمانی لەكاتی زیادكراوی پرۆسەكە و بەكەمتر لە چەند كاتژمێرێك بەر لە داخستنی پرۆسەكە لە هەقیقەتدا مانای ئەوەبوو كە بزوتنەوەی گۆڕان هاوپەیمانێتی ڕەتكردووەتەوە هەرچەندە لە ڕووكەشدا داوای دەكات. هەموو ئەوەی دوێنێ‌ بزوتنەوەی گۆڕان كردی تەنها بۆ رازیكردنی جەماوەری گۆڕان بوو، تاوەکو لە دواتردا رەخنەبارانیان نەكەن بەوەی كە هاوپەیمانێتیان رەتكردووەتەوە.

لە دوای ئاشكراكردنی ئەنجامەكانی هەڵبژاردن و بانگەشەی ساختەكاریی لە لایەن حزبە ناڕازییەكانەوە، خواستی ڕوبەڕوبەنەوەی دەسەڵات لە هەرێمی كوردستان زیاتر بووە و  بنكەی جەماوەریی ئەو حزبانە بەگەرموگوڕییەوە داوای یەك لیستی و یەك هەڵوێستیان دەكرد.

سەركردایەتی بزوتنەوەی گۆڕان بە خانەی راپەڕاندن و جڤاتی نیشتیمانیەوە لە ئێستادا لەگەڵ هاوپەیمانیدا نین پێیان وایە ئەو لەبەرژەوەندی ئەوان ناكەوێتەوە.

هەروەها لە هەفتەی رابردوودا، سەڵاحەدین بەهادین دەستپێخەرییەكی راگەیاند بۆ هاوپەیمانی نێوان لایەنەكان بەڵام هیچ لایەنێك بەدەم بانگەوازەكەیەوە نەهاتن و لە كۆتایدا لەگەڵ بزوتنەوەی ئیسلامی پێكەوە هاوپەیمانێتیەكیان راگەیاند بەناوی "بەرەو ئیسڵاح".

،،

لە ناو كۆبوونەوەكەی دوێنێی جڤاتی نیشتیمانی باس لە دوو هۆكار كراوە بۆ ئەنجامنەدانی هاوپەیمانی لەگەڵ بەرهەم ساڵحدا، لە خاڵی یەكەم باس لەوە كراوە كە هاوپەیمانی لەگەڵ بەرهەم ساڵح پەیوەندیيەكانیان لەگەڵ یەكێتی دەباتە ئاستێكی خراپ، چونكە بە بڕوای یەكێتی بەرهەم ساڵح دراوە بە زەویدا و نایانەوێت كەس دەستی بگرێت و هەڵی بسێنێتەوە، هەروەها باس لەوەشكراوە كە  هاوپەیمانی لەگەڵ بەرهەم ساڵح وادەكات زیاتر هەوڵی ساختەكاری و سوتاندنی دەنگەكانیان بدرێت.

 

لە ناو لایەنەكاندا ئەوەی كە زیاتر لە هەمووان ئامادەیە بۆ هاوپەیمانی، بەرهەم ساڵح و حزبە نوێيةكەیەتی، كە خوازیاری دروستبوونی هاوپەیمانێتیەكی سەرتاسەریین لە كوردستان.

d
کۆبوونەوەیەکی جڤاتی گشتی بزوتنەوەی گۆران ـ سلێمانی ـ ٢٠١٨.٦.٢٦

لە ناو كۆبوونەوەكەی دوێنێی جڤاتی نیشتیمانی باس لە دوو هۆكار كراوە بۆ ئەنجامنەدانی هاوپەیمانی لەگەڵ بەرهەم ساڵحدا، لە خاڵی یەكەم باس لەوە كراوە كە هاوپەیمانی لەگەڵ بەرهەم ساڵح پەیوەندیيەكانیان لەگەڵ یەكێتی دەباتە ئاستێكی خراپ، چونكە بە بڕوای یەكێتی بەرهەم ساڵح دراوە بە زەویدا و نایانەوێت كەس دەستی بگرێت و هەڵی بسێنێتەوە، هەروەها باس لەوەشكراوە كە  هاوپەیمانی لەگەڵ بەرهەم ساڵح وادەكات زیاتر هەوڵی ساختەكاری و سوتاندنی دەنگەكانیان بدرێت.

هێشتا لە نێوانی  بزوتنەوەی گۆڕان و یەكێتی نیشتیمانی کوردستان، چەندین رایەڵەی پەیوەندی هەیە و ئاراستەیەكی ناو گۆرانیش لەگەڵ ئەوەدانین هەموو ئەو رایەڵانە ببچڕێنن.

بە نمونە پێشتر بزوتنەوەی گۆڕان مانگانە 250 هەزار دۆلاریان لە یەكێتی وەرگرتووە لە چوارچێوەی ڕێكەتنی نێوانیاندا، بەڵام بەچەند مانگێك پێش هەڵبژاردنەكانی عێراق پارەکە بردراوە، لە ئێستاشدا باس لەوە دەكرێت كە لە دەرەوەی ئۆرگانە فەرمییەکانی بزوتنەوەی گۆران و بەڕێگەی دیكە یەكێتی ئەو پارەیە بدات.

لە هۆكاری دووەمیشدا باس لەوە كراوە كە لەوانەیە كەسایەتی كاریزمی بەرهەم ساڵح هاوپەیمانێتیەكە قوتبدات و بەرهەم ساڵح بكاتە كەسی یەكەمی نێو ئەو بەرەیە و كاریگەری گۆڕان كەمتر ببێتەوە.


هەرچی یەكگرتووی ئیسلامیشە كە بەرهەم ساڵح داوای هاوپەیمانی دووقۆڵی لێكردوون، هاوپەیمانی دووقۆڵیان رەتكردووەتەوە، چونکە دەترسن لەحاڵەتی هاوپەیمانی بەتەنها لەگەڵ بەرهەم ساڵحدا بكەونە بەر پەلامار و سوتاندنی دەنگەكانیان لە لایەن یەكێتییەوە.

،،

سەڵاحەدین بەهادین دەستپێشخەرییەكی راگەیاند بۆ هاوپەیمانی نێوان لایەنەكان بەڵام هیچ لایەنێك بەدەم بانگەوازەكەیەوە نەهاتن و لە كۆتایدا لەگەڵ بزوتنەوەی ئیسلامی پێكەوە هاوپەیمانێتیەكیان راگەیاند بەناوی "بەرەو ئیسڵاح".

 

d
سەڵاحەدین بەهادین، ئەمینداری گشتی یەکگرتووی ئیسلامیی


لەبەرامبەریشدا كۆمەڵی ئیسلامی هاوپەیمانێتی لەگەڵ یەكگرتوو و بزوتنەوەی ئیسلامیی رەتكردووەتەوە و ئامادە نەبووە بچێتە ناو ئەو هاو پەیمانێتیەوە.

كۆمەڵی ئیسلامی زیاتر دڵی بۆ هاوپەیمانێتی لەگەڵ بزوتنەوەی گۆڕان لێ دەدات، بزوتنەوەی گۆڕانیش نایاوێت بچێتە هیچ هاوپەیمانێتیەكەوە و پێیانوایە هاوپەیمانێتی لە قازانجی حزبی گەورە نییە و حزبە بچوكەكانی ناو هاوپەیمانێتییەکان زیاتر قازانجی لێدەكەن.

،،

كۆمەڵی ئیسلامی زیاتر دڵی بۆ هاوپەیمانێتی لەگەڵ بزوتنەوەی گۆڕان لێ دەدات، بزوتنەوەی گۆڕانیش نایاوێت بچێتە هیچ هاوپەیمانێتیەكەوە و پێیانوایە هاوپەیمانێتی لە قازانجی حزبی گەورە نییە و حزبە بچوكەكانی ناو هاوپەیمانێتییەکان زیاتر قازانجی لێدەكەن.

 

لە بەرامبەر ئەمەدا بزوتنەوەی گۆڕان حەزی بەكاری هاوبەش و پێكەوەیی هەیە لە دەرەوەی لیستی هاوبەش و دەیەوێت هاوپەیمانێتیەك لە دەرەوەی یەك لیستی دروست بكات كە خۆی چەقی قورسایی و هەڵسوڕێنەری بێت بەبێ‌ ئەوەی باجی یەك لیستی بدات، لەمەشدا جۆرێك لە ئیستیغلالكردن هەیە لە بری قوربانیدان و ئەو دەیەوێت ئەو حزبانە بە دەوری ستراتیژیی سیاسی خۆیدا كۆبكاتەوە.

لەوانەیە ئەم تێڕوانینە لەڕووی تاكتیكیەوە هەندێ‌ک قازانجی بۆ گۆران تێدابێت بەڵام ئەوەی لەم بابەتەدا لەبەرچاونەگیراوە بردنە پێشەوەی ستراتیژی ئۆپۆزسیۆن و چاكسازییە لە هەرێمی كوردستان، لەكاتێكدا بە ئەزموون دەركەوت كە بونی حزبی بچوكی پەرتوبڵاو هەرێمی كوردستان لاواز دەكات و پرۆسەی سیاسیش پاشەكشە پێدەكات و چیتر ئەم هێزانە بە پەرتوبڵاوی ناتوانن ڕۆڵیان هەبێت لە وەستاندنی دۆخی خراپ و خەریكە خۆشیان دەبن بە بار بەسەر ئەزمونی سیاسی كوردستانەوە.

dml
کۆبوونەوەی سەرکردەکانی چوار لایەنە نارازییەکە لەگەڵ برێت ماکگۆرک ـ سلێمانی ـ ٢٠١٨.٥.٢٢

هەروەها لەوانەیە زۆر قورس بێت بەم دۆخە سیاسیەی كوردستان و بەم بێهیوایەی خەڵكیەوە بتوانرێت خەڵك ببرێتە سەر سندوقەكانی دەنگدان، ئەگەر هیوایەكی گەورەی بۆ دروست نەكرێت و جارێكی دیكە ئومێدی بۆ نەگەڕێتەوە.

سەبارەت بە هاوپەیمانێتیەكەی د.بەرهەم ساڵح كە دەیەوێت دووەمین ئەزموونی خۆی تاقیبكاتەوە، كۆمەڵێك پرسیار هەیە دەبێت بەڕوونی وەڵامیان بداتەوە.
پرسیاری یەكەم سەبارەت بەوەیە کە ئایا هاوڕێكانی لەگەڵی ماون یان گەڕاونەتەوە ناو یەکێتی، چونكە تا ئێستاش كەم نین ئەو دەنگانەی پێیانوایە بەرهەم ساڵح بەتەنها خۆیەتی و حزبێكی جەماوەری فراوانی نییە و هاوڕێكانیشی لەگەڵی نایەنە دەرەوە.

ئەگەر تا ئەمڕۆ مانەوەی هاوڕێكانی لەناو یەكێتی لەقازانجی بووبێت ئەوا ئیتر خەریكە ئەو بابەتە پێچەوانە دەبێتەوە و وادەخوێنرێتەوە كە ئەوان تەنها لە حاڵەتی سەركەوتن لە د.بەرهەم نزیكن و لەكاتێكدا لە هەڵبژاردنی پەرلەمانی عێراق هاوپەیمانی دراوە بە زەویدا بۆیە خۆیانی لێناكەنە خاوەن و لێی دووردەكەونەوە.

بۆئەوەی بیسەلمێنێت ئەم دەنگۆیە راست نییە پێویستی بەوەیە جارێكی دیكە هێز و تواناكانی خۆی ڕێكبخاتەوە و ئەو سەركردانەش بە ئاشكرا بێنە پاڵی كە حزبە نوێیەكەی بەرهەم ساڵحیان قبوڵە و چیتر لە تاریكیدا نەمێننەوە.

 

author photo

ڕۆژنامەنوس و مامۆستای زانكۆ

سەرنوسەری دیپلۆماتیك مەگەزین

ڕۆژنامەنوسی تایبەتمەند لە ڕۆژنامەوانی بنكۆڵكاری