لایەنە نارازییەكان متمانەیان بە دادوەرەكانی كۆمسیۆن نییە

"دادوەرەكان چاوبەرەوژێری حزبەكانن، چاوەروانی هیچیان لێ ناكرێ"

لایەنە نارازییەكان متمانەیان بە دادوەرەكانی كۆمسیۆن نییە

906 خوێندراوەتەوە

 

سەبارەت بە دانانی دادوەرەكان لەبری بەرپرسانی كۆمسیۆنی هەڵبژاردن، لایەنە نارازییەكانی هەرێم ئاماژە بەوە دەكەن "دادوەرەكان حزبین و چاوەروانی هیچ شتێكی دڵخۆشكەریان لێ ناكرێت."

 

 

گۆران: دادوەرەكەی سلێمانی یەكێتی نەبوایە باشتر بوو


دانا عەبدالكریم بەرپرسی بەشی حكومەت لە ژووری حكومەت و پەرلەمانی بزووتنەوەی گۆران سەبارەت بە پرۆسەی ئەژماكردنەوەی دەستی دەنگەكان دەڵێت: " هیچ گەشبین نین بە پرۆسەكە چونكە بریاری دادوەرەكان درووست نەبوو لەبارەی ئەژماركردنەوەی تەنها ئەو سندووقانەی كە گوومانیان لەسەرە و سكاڵایان لەسەر تۆمار كراوە."

 

دانا عبدالكریم

 
هەروەها سەبارەت بەو دادوەرەی كە لەبری بەرێوەبەرە گشتیەكەی كۆمسیۆن لە سلێمانی سەرپەرشتی پرۆسەكە دەكات ئەو ئەندامەی بزووتنەوەی گۆران ئاماژە بەوە دەكات كە لەبەر ئەوەی هەرسێ دەسەڵاتە بنەرەتییەكە ( پەرلەمان و دادگا و حكومە) لە حزبدا غەرق بون بۆیە گوومانی ئەوە دەكەین دادوەرەكان حزبی بن و بێ لایەن نەبن، هەر بۆیە باشتر بوو ئەو دادوەرە بەرێزەشی كە لەسلێمانی دانراوە یەكێتی نەبێت.

 

كۆمەڵ: داوامانكرد جێگۆڕكێ بەدادوەرەكان بكرێ، بەڵام نەكرا


هاوژین عومەر: بەرپرسی دەزگای هەڵبژاردنی كۆمەڵی ئیسلامی لەبارەی پرۆسەكەوە دەڵێت: "پرۆسەكە لەژێر فشاری حزبیدا زۆر بەخاوی دەروات كە گوومانی ئەوەی لێ دەكرێت بە لارێدا ببرێت، بۆیە بەم شێوەی ئێستە بەردەوام بێـت جێگەی دڵخۆشی ئێمە و نییە و رەدی ئەدەینەوە."

 

هاوژین عومەر

 
سەبارەت بە دادوەرەكان ئەو ئەندامەی كۆمەڵ دەشڵیـَت: وەك چوار حزبەكە داوامانكرد كە جێگۆركێ بە دادوەرەكان بكرێت بۆ ئەوەی دوور بن لە دەستی حزبی، تاكو بە ئازادانە كارەكانیان بكەن، بەڵام داواكەمان رەفز كراو، لەسەر ئەو بنەمایەی كە دادوەرەكان حزبین و فشاری سیاسیان لەسەرە بۆیە چۆن سكاڵامان لە دەرەنجامەكانی هەڵبژاردن هەبوو ئەگەر دادوەرەكان بێ لایەن نەبن سكاڵاش لەوان تۆمار دەكەین.

 

یەكگرتوو: دادوەرەكان چاوبەرەوژێری حزبەكانن بۆیە چاوەروانی هیچیان لێ‌ ناكرێت


ئەبوبەكر هەڵەندنی ئەندامی پەرلەمانی كوردستان و ئەندامی سەركردایەتی یەكگرتووی ئیسلامی بەهەمان شێوەی دوو لایەنە نارازییەكەی پێشەوە نیگەرانە لە بریاری دادوەرەكان و دەڵێت: "پێش ئەندام پەرلەمانی 21 ساڵ ئەزموونی كاری یاسایی و دادگام هەیە، بۆیە شتێك نییە بەناوی سەروەری یاساو دادوەری لە هەرێمی كوردستان"

ئەبوبەكر هەڵەدنی

 
هەڵەدنی دەشڵێت: ئەو دادوەرە بەرێزانەش كە دانراون بە تەزكییەی حزبی بوون بە دادوەر چونكە چەند ساڵێكە ((پەیمانگی دادوەری)) كراوەتەوە بۆ بوون بە حاكم، بۆیە دادوەرێك چاوبەرەو ژێری حزبەكەی بێت هیچی لێ چاوەروان ناكرێت.

 

هاوپەیمانی: پێمان باش بوو دادوەرەكان لە دەرەوەی هەرێمەوە بێن


ئارام قادر كۆكۆیی ئەندامی ئەنجوومەنی بەرێوەبەردن لە هاوپەیمانی سەبارەت بە هەمان بابەت بۆ دیپلۆماتیك دەدوێت و دەڵێت: "منیش هەمان رای سێ لایەنە نارازییەكەی پێشەوەم هەیە و پێم وایە داوەرەكان حزبین و ناتوانن سەر بەخۆیی بپارێزن."

 

ئارام قادر كۆكۆیی

 


ئەو ئەندامەی هاوپەیمانی بۆ دیموكراسی و دادپەروەی ئەوەش دەڵێـت: كە پێشتر داوایانكردووە ئەو دادوەرە بەرێزانەی دادەنرێن لەبری بەرپرسانی كۆمسیۆن بۆ بەرێوەبردنی پرۆسەی ئەژماكردنەوەی دەستی دەنگەكان لەدەرەوەی هەرێمەوە بێن و كورد نەبن تاكو بێ لایەنی خۆیان بپارێزن لە پرۆسەكە.

،،

لەكۆتایدا بە رێكەوتنێكی سیاسی دەرەنجامەكان یەكلایی دەكرێنەوە دەنگی راستی لە نێو سندووقەكاندا ون دەبێت و خەڵكی بێ هیوا دەكەن لە پرۆسەی دەنگدان.

 

 

هەروەها دانا عەبدالكریم، بەرپرسەكەی ژووری حكومەت لە بزووتەوەی گۆران دەڵێت: كاتێك گەشبین دەبن بە پرۆسەكە كە تەواوی سندووقەكان ئەژمار بكرێنەوە، نەوەكو تەنها بەشێك لە سندووقەكان بەمەش هیچ گۆرانكارییەك بەسەر دەرەنجامەكاندا نەیەت. بۆیە قبوڵمان نییە ئەگەر هەمووی ئەژمار نەكرێـتەوە.
تەمەناش دەكات دادوەرە بەرێزكان بێ لایەن بن چونكە گۆرانیش پشتگیری دادوەری بێ لایەن دەكات و دەستەی دادوەریش چاودێری پرۆسەكە دەكات هیوادارن ئەوانیش بێ لایەنی خۆیان بپارێزن.

 
هەروەها ئەندام پەرلەمانەكەی یەكگرتوو دەشڵێت: لەكۆتایدا بە رێكەوتنێكی سیاسی دەرەنجامەكان یەكلایی دەكرێنەوە دەنگی راستی لە نێو سندووقەكاندا ون دەبێت و خەڵكی بێ هیوا دەكەن لە پرۆسەی دەنگدان.

 
هەڵەدنی دەشڵێت: بەگوومانین لە پرۆسەكە و پێمان وا نیە كە بەشێوەیەكی بێ لایانانە و شەفاف بەرێوە بچێت و ببێتە هۆی گۆرانكاری جدی.

  

،،

چاك دەزانین حاكمە بەرێزەكەی سلێمانی كێیە و سەر بەچ لایەنێكی دەسەڵاتە!؟ بۆیە باشتر بوو لە حزبی دەسەڵات نەبێت، هەربۆیە پرۆسەكە تا ئێستا دڵخۆشی نەكردووین و ئەگەر وا بروات ئەوا ئەنجامەكان بە ویستی دەسەڵات دەبن.

 


هاوژین عومەر بەرپرسەكەی كۆمەڵیش پێی وایە: مەرج نییە هەر شتێكی نەخوازراو لە پرۆسەكەدا روویدا ئیدی خێرا پەنجەی تۆمەت بۆ خودی دادوەرێك رابكێشین چونكە بەحوكمی ئەوەی حزب بەناخی هەموو جومگەكانی دەسەڵاتدا رۆ چووە پێ دەچێت لەرێگەی كارمەندێكی كۆمسیۆنەوە كە حزب دایناوە پرۆسەكە بە لارێدا ببات.

 

 
بەرپرسەكەی هاوپەیمانیش ئارام قادر دەڵێت: چاك دەزانین حاكمە بەرێزەكەی سلێمانی كێیە و سەر بەچ لایەنێكی دەسەڵاتە!؟ بۆیە باشتر بوو لە حزبی دەسەڵات نەبێت، هەربۆیە پرۆسەكە تا ئێستا دڵخۆشی نەكردووین و ئەگەر وا بروات ئەوا ئەنجامەكان بە ویستی دەسەڵات دەبن.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان