لە كۆشكی پاشایەتییەوە بۆ ئاوارەیی و وەرگرتنی زەكات

سەرۆكی پێشوی تونس، دان بەهەڵەكەیدا دەنێت و داوا دەكات بگەڕێتەوە وڵاتەكەی

لە كۆشكی پاشایەتییەوە بۆ ئاوارەیی و وەرگرتنی زەكات

2264 خوێندراوەتەوە

 زەینولعابدین وەك یەكەم سەرۆكی لەسەركارلابراوی بەهاری عەرەبی لە بارودۆخێكی خراپی دارایدا دەژی، وە دان بەهەڵەكانیدا دەنێت، داواش دەكات بگەرێتەوە بۆ تونس، راشد غەنوشی سەرۆكی نەهزەی تونسیش دەڵێت: "ئەو تاوانبارە و مافی گەرانەوەی نییە"

 

 
ساڵی 2011 تونس بوو بە لانكەی شۆرشێك كە تەنها نەبووە هۆی ئەوەی سەرۆكی خودی وڵاتەكەی لەسەر كار لا ببات، بەڵكو بووە هۆی لەسەركار لابردن و دوورخستنەوە و تەنانەت كوشتنی هەندێ سەرۆكی دیكەش بەدەستی گەلەكانیان.

 

وێنەیەك لە شۆرشی بەهاری عەرەبی

 

 "دەستم گیراوە و هیچم پێ ناكرێـت"


سەرۆكی پێشووی تونس زەینولعابدین بن عەلی كە ئەمرۆ لە شاری جەدەی وڵاتی سعودیە دەژی، لەرێگەی یەكێك لە سەركردەكانی پێشووی پارتی نەهزەی تونسییەوە پەیامێك ئاراستەی گەلەكەی دەكات، كە تیایدا سكاڵای هەیە لەو بارودۆخە خراپەی كە تێی كەوتووە. دەڵێت: "دەستم گیراوە و هیچم پێ ناكرێـت"


وەهەروەها دان بە چەند هەڵەیەكیدا دەنێت كە لە سەردەمی حوكمرانیدا كردوونی و دەشڵێت: "زۆرێك لە هەڵەكان ژنبراكانم پێیان كردم و من ئاگام لێ نەبووە"

 

،،

سەرۆكی پێشووی تونس باری دارای زۆر خراپە، تەنها بەو برە پارە كەمە دەژی كە حكومەتی سعودیە وەك خەیر و زەكات پێی دەدات، ئەمە لەكاتێكدا سەروەت و سامانی خێزانەكەی عابدین مەزندە دەكرا بە 13 ملیار دۆلار كە 5 ملیار دۆلاری بەتەنها هی خودى زەینولعابدین بووە.

 

 
لەدوای ساڵی 2011 و بە درووستی دوای هەشت ساڵ، عابدین یەكەم لێدوان دەدات و دەردەكەوێتەوە، ئەویش لەرێگەی سابر حەمرونی كە یەكێكە لە سەركردەكانی پێشووی پارتی نەهزەی تونسی. كە سەردانی كردووە بۆ شاری جەدە و لەنزیكەوە چاوی كەوتووە بە زەینولعابدین بە مەبەستی ئاگاداربوون لە تەندرووستی و گوزەرانی سەرۆكی پێشوی تونس، زەینولعابدین.

 


حەمرونی لە زاری بن عەلییەوە دەڵێـت: سەرۆكی پێشووی تونس زەینولعابدین باری دارای زۆر ناجێگرە و خراپە، تەنها بەو برە پارە كەمە دەژی كە حكومەتی سعودیە وەك خەیر و زەكات پێی دەدات، و حكومەتی تونسیش هیچ پارەیەكی وەك خانەنشینی پێ نادات و بێ بەشی كردووە، ئەمە لەكاتێكدا سەروەت و سامانی خێزانەكەی عابدین مەزندە دەكرا بە 13 ملیار دۆلار كە 5 ملیار دۆلاری بەتەنها هی خودى زەین العابدین بووە.

 

حەمرونی لەگەڵ زەینولعابدین، كە پیری و بێ تاقەتی لەنێوچاوی سەرۆكی پێشوی تونس دەردەكەوێت.

 

 

سابر حەمرونی لەتۆری كۆمەڵایەتی فەیس بووك وێنەی خۆی لەگەڵ سەرۆكی پێشووی تونس بڵاو دەكاتەوە و نوسیویەتی... عابدین دەڵێت: پێم خۆشە بگەرێمەوە بۆ تونس و لەبەردەم دادگایەكی بێ لایەنی دوور لە پاشخانی سیاسی بوەستم و بەشێوەیەكی دادپەروەرانە حوكمم بەسەردا بدرێت"

 
ئەمە لەكاتێكدا سەرۆكی پێشووی تونس دان بەكۆمەڵێك هەڵەیدا دەنێت كە لە سەردەمی حوكرانیدا ئەنجامی داون، بەتایبەت ئازاردانی ئەو سیاسیانەی كە ئۆپۆزسیۆن بوون وەهەروەها مامەڵەی خراپیان كردووە لەگەڵ خەڵكیدا..


بەڵام زەینولعابدین ئاماژە بەوەش دەكات كە زۆرێك لەم هەڵانە دەگەرێنێتەوە بۆ ژنبراكانی كە وایان كردووە تونس رووبەرووی ئەم قەیرانە ببێتەوە و ببێـتە هۆی ئەوەی گەلی تونس سەرۆكەكەیان بكەنە دەرەوەی وڵات.

 
عابدین زۆر نیگەران و بێ تاقەتە لەوەی كە بە كودەتایەكی سیاسی لە دەسەڵات دوور خرایەوە، كە زۆرێك لەدۆست و نزیەكانی لەم كودەتایەدا تێوەگلابوون.

 


حەمرونی وەك سەركردەیەكی پێشوی پارتی نەهزەی تونسی وە لەئێستاشدا كە سەرۆكی رێكخراوێكی مافی مرۆڤە دوو جار چاوی بەسەرۆكی پێشووی تونس كەوتووە لە سعودییە ئەوانیش: لە هەردوو مانگی یەك و چواری 2018 .

 
هەربۆیە لەزاری زەینولعابدینەوە دەشڵێت: هەڵەیەكی دیكەی سەرۆك ئەوەبوو كە كاتێك گەلی تونس راپەرین لەیەكەم وتاردا سەرۆك ئاماژەی بەوە نەكرد كە هەڵەی ئەو نەبووە وڵات رووبەرووی ئەم حاڵەتە بووەتەوە، بەڵكو لە سێیەم وتاریدا كاتێك كار لەكار ترازابوو ئاماژەی بەوە كردووە كە ژنبراكانی هۆكاری سەرەكی و تاوانباری سەرەكین لە خراپبوونی باردوودۆخی خەڵكی.

،،

راشد غەنووشی رەدی كردووەتەوە كە زەینولعابدین ببینێت و قسەی لەگەڵ بدات چونكە غەنووشی پێی وایە عابدین پیاوێكی تاوانبارە و مافی ئەوەشی نییە كە دەرگای تونسیشی بۆ بكرێتەوەو بگەرێتەوە بۆ وڵات.

 

 
حەمروونی دەشڵێت: سەرۆكی پارتی نەهزەی تونسی راشد غەنوشی ئاگاداری ئەم چاوپێكەوتنەیە كە لەگەڵ سەرۆكی پێشووی تونس ساز كراوە و بەوردی ئاگاداری هەموو پرسیار و وەڵامەكان بووە.

 
لەبەرامبەردا راشد غەنووشی رەدی كردووەتەوە كە زەین العابدین ببینێت و قسەی لەگەڵ بدات چونكە غەنووشی پێی وایە عابدین پیاوێكی تاوانبارە و مافی ئەوەشی نییە كە دەرگای تونسیشی بۆ بكرێتەوەو بگەرێتەوە بۆ وڵات.

 

بن عەلی لەگەڵ هاوسەرەكەی، لەیلا تەرابلووسی، لەسەردەمی حوكمرانی تونسدا

 
جێگەی ئاماژەپێدانە دوای هەڵگیرسانی بەهاری عەرەبی و راپەرینی گەلی تونس، سەرۆكی ئەو وڵاتە بەرەو وڵاتی سعودیە هەڵهات و لەوێ دەسەڵاتدارانی ئەو وڵاتە رێگەیان پێدا لە جەدە نیشتەجێ بێت. لە ئێستادا عابدین لەگەڵ هاوسەرەكەی بەناوی لەیلا تەرابلوسی و تەواوی ئەندامەكانی دیكەی خێزانەكەیان لە شاری جەدەی سعودییە دەژین.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان