عادل نوری: تەواوبوونی تەمەنی پەرلەمان لە بەرژەوەندی "لایەنە ساختەکارەکانە"

پەرلەمانی عێراق یاریەكەی دۆڕان

عادل نوری: تەواوبوونی تەمەنی پەرلەمان لە بەرژەوەندی "لایەنە ساختەکارەکانە"

613 خوێندراوەتەوە

بەهۆی تەواونەكردنی ڕێژەی یاسایی ئامادەبووانەوە لە دوایەمین ڕۆژی تەمەنیدا، پەرلەمانی عێراق یارییەكەی دۆڕان و نەیتوانی تەمەنی خۆی درێژبكاتەوە بەمەبەستی چاودێریكردنی هەمواری سێیەمی یاسای هەڵبژاردنەكان و چاودێری هەژماركردنەوەی دەستی دەنگەكان.

 

گۆڕەپانی سیاسی عێراق لەم چەند مانگەی دوایدا زیاتر لە گۆڕەپانی زۆرانبازی دەچێت لە نێوانی پارتە سیاسی و دامودەزگاكانی دەوڵەتدا.

لە جەولەی یەكەمی زۆرانبازییەكەدا پەرلەمانی عێراق یاریەكەی بردەوە و ركابەرەكانی دا بەزەویدا. بەڵام لە جەولەی دوەمدا ركابەرەكانی خۆیان كۆكردەوە و یاریەكەیان لەژێردەستی دەرهێنا و بە سودی خۆیان كۆتاییان بە یاریەكە هێنا.

 

عادل نوری، ئەندامی پێشوی پەرلەمانی عێراق، رایدەگەیەنێت تەواوبونی تەمەنی پەرلەمان لەبەرژەوەندی لایەنە ساختەكارەكاندایە و بەهۆی تەواوبونی نەمەنی پەرلەمانەوە ئەژماركردنەوەی دەستی دەنگەكان لەژێر چاودێری پەرلەماندا نییە بۆیە هەر دەرەئەنجامێكی هەبێت درووست نییە و ناشەرعییە. و دەشڵێـت: تا تەمەنی پەرلەمان كۆتایی نەهات دەستیان نەكرد بە پرۆسەی ئەژماركردنەوەی دەنگەكان چونكە دەترسان و دەیانزانی ئێمە راستییەكان دەدركێنین".

 

ئەو دەڵێت "دەبێت كۆتایی بەم مەهزەلەیە بهێنرێت كە پێی دەوترێت ئەژماكردنەوەی دەنگەكان كە تەنها كات كوشتنە".

،،

عادل نوری:  دەبێت كۆتایی بەم مەهزەلەیە بهێنرێت كە پێی دەوترێت ئەژماكردنەوەی دەنگەكان كە تەنها كات كوشتنە.

 

dfc
دانیشتنێکی پەرلەمانی عێراق ـ بەغداد

 

نوری یەكێك بووە لەو ئەندام پەرلەمانانەی لەگەڵ درێژكردنەوەی تەمەنی پەرلەمان بوە بەمەبەستی گێڕانەوەی دەنگی خەڵك. ئەو گلەیی جدی دەكات لە سەرۆكی پەرلەمان و دەڵێت: "كۆتا كۆبوونەوەی پەرلەمان كۆبوونەكەی بەجێ بەهێشتووە و چووەتە ریزی ساختەرەكان و بۆیە سەری شۆر بووە و پیاوێكی راستگۆ دەرنەچوو."

 

لەبارەی دادوەرەكانیشەوە دەڵێت "كاتێك دادوەرەكانمان بینی (وەك لیژنەی بەدواداچوونی راستییەكانی هەڵبژاردن لە پەرلەمان) ئەوان راست و روون پێیان گووتین ئێمە عەبدێكین ئەمر جێ بەجێ دەكەین و هیچ قەناعەتی خۆمان نییە كە هاتووین ئەم كارە دەكەین و حەزیشی پێ ناكەین"

،،

عادل نوری: كاتێك دادوەرەكانمان بینی، راست و روون پێیان گووتین ئێمە عەبدێكین ئەمر جێ بەجێ دەكەین و هیچ قەناعەتی خۆمان نییە كە هاتووین ئەم كارە دەكەین و حەزیشی پێ ناكەین".

 

عادل نوری كە یەكێك بوە لەوانەی ڕۆڵیان بینیوە لە كۆبونەوەی پەلەمان و دەرچواندنی هەمواری سێیەمی یاسی هەڵبژاردن. ئومێدی زۆری بە یاساكە هەبوە و پێی وابوە لەڕێگەی یاساكەوە دەتوانرێت یان هەڵبژاردن دوبارە بكرێتەوە یان بژاردنی دەستی تەواوی دەنكگەكان بكرێتەوە. ئێستا نیگەرانە لە بڕیاری دادوەرەكانی كۆمسیۆن بۆ بژاردنەوەی تنها ئەو سندوقانەی سكاڵایان لەسەرە و دەڵێت" دادوەرەكان هەڵەیەكی گەورەیان كرد و خاڵێكی رەشیان لە سیستەمی دادوەری لە عێراق تۆمار كرد"

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان