دیارییەكەی ترەمپ بۆ كیم جۆن ئون

دیارییەكەی ترەمپ بۆ كیم جۆن ئون

424 خوێندراوەتەوە


لەكۆبونەوەی مانگی رابردووی نێوان هەردوو سەرۆكی ئەمەریكا و كۆریای باكوردا، دۆناڵد ترەمپ بەڵێنی ناردنی دیارییەكی بە كیم جۆن ئون داوە و ئێستاش سورە لەسەر ناردنی دیارییەكەی.


زۆری نەخایاند كە سەرۆكی ئەمەریكا پابەندی خۆی بەبەڵێنەكەی دووپاتكردەوە كە پێشكەشكردنی دیارییەك بوو بە سەرۆكی كۆریای باكور، كیم جۆن ئون.
رۆژی سێ شەممەی رابردوو، دۆناڵد ترەمپ جەختی لەسەر ئەوە كردووە كە دیارییە بەڵێن پێدراوەكەی دەگەیەنێتە سەرۆكی كۆریای باكور كە ئەویش كۆپییەكە لە سی دی گۆرانییەكی ( ئیڵتۆن جۆن) بەناونیشانی ( رۆكێت مان ) یان (پیاوی موشەكەكە ).


لەمیانەی گەشتێكی بۆ دەرەوەی كۆشكی سپی و لەوەڵامی پرسیارێكدا كە ئایا سی دییەكەی پێشكەشی سەرۆكی كۆریای باكور كردووە، دۆناڵد ترەمپ رایگەیاند " ئەوان دیارییان پێشكەش نەكردووە، من پێشكەشی دەكەم، ئەوان هیچیان بۆ ئەو پێنەبوو من پێمە بۆی، ئەوەش لەكاتی خۆیدا دەبینن."
شیكەرەوە سیاسییەكانیش ئەم جەختكردنەوەیەی سەرۆكی ئەمەریكا بەئاماژەی دیكە لێكدەدەنەوە و پێیانوایە ئەم رۆكێتەی لەگۆرانییەكەی ( ئیلتۆن جۆن)دا پێشكەشی دەكات پێدەچێت ببێتە موشەكێكی راستەقینەی ئاراستەكراو بەكۆریای باكور.

،،

 ترەمپ جەختی لەسەر ئەوە كردووە كە دیارییە بەڵێن پێدراوەكەی دەگەیەنێتە سەرۆكی كۆریای باكور كە ئەویش كۆپییەكە لە سی دی گۆرانییەكی ( ئیڵتۆن جۆن) بەناونیشانی ( رۆكێت مان ) یان (پیاوی موشەكەكە ).


هەفتەی رابردوو، مایك پۆمپیۆی وەزیری دەرەوەی ئەمەریكا لە كۆریای باكور بوو بۆ قسەكردن لەسەر داماڵینی چەكی ئەتۆمی لەكۆریای باكور و دیارییەكەی ترەمپیشی لەگەڵ خۆی بردبوو كە ترەمپ واژۆی خۆی لەسەر كردوە، بەڵام بەهۆی ئەوەی نەیتوانی سەرۆكی كۆریای باكور ببینێت، بەدیارییەكەیەوە گەڕایەوە ئەمەریكا بۆلای سەرۆك ترەمپ.


سەرچاوەیەك كە ئاگاداری گفتوگۆكانی نێوان وەزیری دەرەوەی ئەمەریكا و بەرپرسانی كۆریای باكور بوو بە ( سی ئێن ئێن) ی راگەیاند " لەكۆشكی سپی ئەو هەستە دروستبووە كە ئەنجامی دیدارەكەی مانگی رابردووی نێوان ترەمپ و كیم بەخراپی گوزەردەكات هەروەك چاوەڕوان دەكرا "
ئەو سەرچاوەیە ئەوەشی پشتڕاستكردەوە كە بەرپرسانی كۆریای باكور بەلێنی رێكخستنی دیدارێكی كیم جۆن ئونیان بە وەزیری دەرەوەی ئەمەریكا دابوو بەڵام پابەند نەبوون بەبەڵێنەكەیان و بە ئاشكرا ئەوە بەدیدەكرێت كە كۆرییەكان نایانەوێت رێككەوتنەكەی نێوان دوو سەرۆك بەرهەمداربێت.

،،

سەرچاوەیەك كە ئاگاداری گفتوگۆكانی نێوان وەزیری دەرەوەی ئەمەریكا و بەرپرسانی كۆریای باكور بوو بە ( سی ئێن ئێن) ی راگەیاند " لەكۆشكی سپی ئەو هەستە دروستبووە كە ئەنجامی دیدارەكەی مانگی رابردووی نێوان ترەمپ و كیم بەخراپی گوزەردەكات هەروەك چاوەڕوان دەكرا "

مەسەلەی دیارییەكە چۆن بوو؟


بەپێی زانیارییەكانی رۆژنامەیەكی كۆریای باشور، مەسەلەی دیارییەكەی ترەمپ بۆ كیم جۆن ئون لەكاتی خواردنی نانی نیوەڕۆی نێوان ترەمپ و كیم بوو لە سینگاپور. كیم باسی ئەوەی كردووە كە ساڵی رابردوو ترەمپ ئەوی بە " پیاوی موشەكەكە" ناوبردووە لەكاتی ئەنجامدانی تاقیكردنەوە موشەكە ناوەكییەكانی وڵاتەكەی.


بەپێی سەرچاوەیەك لەكۆبونەوەكە كە بە ( سی ئێن ئێن) ی راگەیاندووە، ترەمپ پرسیاری لە كیم جۆن ئون كردووە " ئایا دەزانی ئەو نازناوەم لەچییەوە بۆ داناویت ؟ " كیم وەڵامی داوەتەوە و وتویەتی " نەخێر"


دۆناڵد ترەم پرسیویەتی هیچ دەزانی لەبارەی گۆرانییەكەی ( ئیلتۆن جۆن)ی بەریتانی، كیم جۆن ئون وەڵامی ئەو پرسیارەشی بە نەخێرداوەتەوە و رایگەیاندووە كە هیچ نازانێت لەبارەی ئەو گۆرانی بێژەوە.


دواتر ترەمپ پێیوتووە كە ئیلتۆن جۆن گۆرانی بێژێكی باشی بەریتانییە و گۆرانییەكی هەیە بەناوی ( پیاوی موشەكەكە) سی دییەكی ئەو گۆرانییەی وەك دیاری بۆدەنێرێت.


پاش ئەوەش، ترەمپ پرسیاری لە كیم جۆن ئون كردووە ئایا پێی ناخۆش نیە پێیبوترێت " پیاوی موشەكەكە " لە وەڵامدا كیم وتویەتی " نەخێر ".
ساڵی رابردوو چەند جارێك وەك گاڵتەپێكردن، دۆناڵد ترەمپ كیم جۆن ئونی بە " پیاوی بچوكی موشەكەكە " و هەندێك جاریش بە " پیاوی موشەكەكە" ناوبرد.

وەرگێرانی: بەهمەن ئەحمەد

سەرچاوە: سی ئێن ئێن

 

author photo

تایبه‌ت به‌ دیپلۆماتیك