ئێران، له‌ گۆرینی نیزامه‌كه‌یه‌وه‌ نزیكه‌ یان دابه‌شبوونی خاكه‌كه‌ی ؟

هەڵوەستەیەک لەسەر بارودۆخی ئێستای ئێران

ئێران، له‌ گۆرینی نیزامه‌كه‌یه‌وه‌ نزیكه‌ یان دابه‌شبوونی خاكه‌كه‌ی ؟

868 خوێندراوەتەوە

و: ئاکۆ حەمید

ئایا دۆخى ئێستا و زه‌مینه‌ى كوڵاوى كۆمه‌ڵایه‌تى بۆ له‌ ناوبردى كۆماری ئیسلامى ئێران له‌ باره‌ یا له‌ هه‌ڵوه‌شاندنه‌وه‌ى چوارچێوه‌ و یه‌كپارچه‌یی وڵاتى ئێران –وه‌ نزیكه‌؟  گۆرینی  ڕژێمی كۆماری ئیسلامى ئێران پێویستى به‌ ئۆپۆزسیۆنێكى به‌هێز و یه‌كپارچه‌ و خاوه‌ن روئیا و دیموكرات هه‌یه‌، كه‌ له‌ ناوخۆى ئێران له‌ هه‌موو شار و شارۆچكه‌یه‌ك ده‌نگ و ڕه‌نگى هه‌بێت و خاوه‌ن په‌یوه‌ندییه‌كى هه‌رێمى و نوێده‌وڵه‌تی به‌هێزبێت، به‌ جۆرێك بتوانێت هه‌موو گروپه‌ ناڕازییه‌كان له‌ هه‌ر ده‌سته‌ و نه‌ته‌وه‌ و ئاینێك بن له‌ چوارچێوه‌ى به‌رژه‌وه‌نییده‌كى هاوبه‌ش و له‌ نێوبازنه‌یه‌كى ئامانجداردا كۆبكاته‌وه‌.

واته‌ ئامانجه‌ سیاسییه‌كانییان پێكه‌وه‌ به‌ ئاراسته‌یه‌كى هاوبه‌ش ئاراسته‌ بكه‌ن، وه‌ك ئاوێنه‌كه‌ى ئه‌رخه‌میدس كه‌ نورى هه‌موو پارچه‌ و  ئاوێنه‌ جیاوازه‌كانى له‌ یه‌ك خاڵدا كۆكرده‌وه‌ تاوه‌كو بووه‌ هۆى دروستكردنى گه‌رمایه‌كى سوتێنه‌ر له‌سه‌ر خاڵى ئامانجدار.

 له‌م په‌یوه‌ندیه‌دا پێویستمان به‌ ئۆپۆزسیۆنێكه‌ كه‌ بتوانێك كۆی تیشكه‌كان به‌ڕێوه‌ ببات و كۆیان بكاته‌وه‌ و پێكه‌وه‌ ئاراسته‌ییان بكات تاوه‌كو سوتاندنى رژێمى ئیسلامى ئێران، له‌م دۆخه‌ى ئێستادا ئێران پێویستى به‌ به‌ڕێوه‌به‌رێكى وه‌ك (ئۆكتۆپوس – هه‌شت پێ) هه‌یه‌ كه‌ بتوانێت هه‌موو یان زۆربه‌ى گروپ و ده‌سته‌ به‌ تواناكانى ناوخۆی ئێران ڕێكبخات و به‌ دامه‌زراوه‌یی بكات، لێره‌وه‌ ده‌كرێت بپرسین ئایا ڕه‌چاوكردنى داواكارییه‌ جیاوازه‌كان و ئاماره‌ كۆمه‌ڵایه‌تییه‌كان له‌ لایه‌ن چینه‌ جیاوازه‌كانه‌وه‌ جێگه‌ى قبوڵه‌ ؟ ئایا پێشبینى بوونى زه‌مینه‌ى له‌ یه‌ك گه‌یشتن و یه‌كتر قبوڵكردن و ڕێزگرتن له‌ بیڕوڕاى یه‌كترى ده‌كرێت ؟

دۆخی ئێستاى ناوخۆی ئێران :
یه‌كه‌م: له‌ ناوخۆى ئێران، ده‌سته‌ و گروپه‌كانى سه‌ر به‌ موسه‌وى و كه‌ڕوبى و ئه‌حمه‌دى نه‌ژاد و ئه‌وانى دیكه‌ به‌ جۆرێك مانه‌وه‌ى سیاسییان په‌یوه‌سته‌ به‌ ژیانى ڕژێمى ئیسلامییه‌وه‌، شه‌ڕى ئه‌م گروپانه‌ له‌ گه‌ڵ ڕژێم وه‌ك ئه‌وه‌یه‌ كه‌ ده‌ڵێت تۆ مه‌یخۆ با من بیخۆم، كه‌ چینه‌ سادده‌كه‌ به‌ دواییان كه‌توون و له‌ ماوه‌یه‌كى كورتدا تێده‌گه‌ن و نا ئومێد ده‌بن.

دووه‌م: ئۆپۆزسیۆن له‌ ماوه‌ى چل ساڵى ڕابردوودا  په‌رته‌وازه‌ و یه‌ك ده‌نگ نه‌بووه‌، زیاتر خه‌ریكى یه‌كترشكاندن بوون و نه‌یان توانییوه‌ ڕۆڵێكى كاریگه‌ریان هه‌بێت.

سێیه‌م: خۆپیشاندان و جوڵه‌ خۆبه‌خۆییه‌كان به‌ شێوه‌ى ته‌قینه‌وه‌ى توڕه‌ی خه‌ڵك بووه‌، به‌بێ سه‌رپه‌رشتى كردن ڕوو ده‌دات و وه‌ك ئاگرگرتنى كۆگیه‌كى بارووت وایه‌ و له‌ ماوه‌یه‌كى كورتدا داده‌مركێته‌وه‌ و كۆتایی دێت.

،،

خۆپیشاندان و جوڵه‌ خۆبه‌خۆییه‌كان به‌ شێوه‌ى ته‌قینه‌وه‌ى توڕه‌ی خه‌ڵك بووه‌، به‌بێ سه‌رپه‌رشتى كردن ڕوو ده‌دات و وه‌ك ئاگرگرتنى كۆگیه‌كى بارووت وایه‌ و له‌ ماوه‌یه‌كى كورتدا داده‌مركێته‌وه‌ و كۆتایی دێت.

 

چواره‌م: شۆڕشی ژنان –یش به‌شێوه‌ى ئازادى له‌سه‌رخۆ و له‌ سه‌ر چوارڕیانێكى ئاینى و سه‌رپۆش به‌سه‌ر وه‌ستاوه‌، به‌جۆرێك خه‌باتى ژنان له‌ نێو كۆمه‌ڵگا په‌سه‌ندنه‌كراوه‌، ئێستا ڕووبه‌ڕووى مۆدیلێكى نوێ بووه‌ته‌وه‌ و كه‌ خه‌باتى ژنانیش كه‌م بایه‌خ ده‌كات، دیمه‌نه‌كان به‌ڵگه‌ى بێباكى و نه‌بوونى هه‌ستى به‌رپرسیارێتى پیاوانه‌ به‌رامبه‌ر به‌ پرس و مافه‌كانى ژنان.

پێنجه‌م: ڕووداوه‌ سیاسیه‌ له‌ مێژینه‌ و به‌رده‌وامه‌كان، كه‌ ده‌رهاویشته‌ى كێشه‌ نه‌ته‌وه‌یی و ئاینى و زمانه‌وانى و فه‌رهه‌نگی و كه‌لتوری نه‌ته‌وه‌كانى ترى ئێرانه‌، بووه‌ به‌ گرێیه‌كى نه‌ته‌وه‌یی و هیچ لایه‌نێك ئاماده‌ نیيه‌ قوربانى به‌ ئامانج وستراتيژ و خواسته‌ نه‌ته‌وه‌ییه‌كه‌ى خۆیی بدات له‌ پێناو یه‌كپارچه‌یی ئێران دا، له‌ ڕێگه‌ى فارسسالاريي و ئێرانى پانفارسیزم، هێز و تواناى خۆیان به‌كاربهێنن، كه‌ زمانى فارسی دووباره‌ وه‌ك سه‌د ساڵى ڕابردوو تا قوڵايي رۆحیان ڕۆشتووه‌، كه‌ سه‌دان ساڵه‌ منداڵه‌كانیان له‌ ده‌رد و ئازارى قوتابخانه‌كان دا ده‌ناڵێنن، ئه‌وانه‌ى ده‌یانه‌وێـت زمانى فارسی له‌ ئازربایجان بپارێزن، رازی نین ددانه‌ ژه‌هراوییه‌ پانفارسیزم –ه‌كه‌یان له‌ گۆشت و رۆحی نه‌ته‌وه‌ی توركى ئازربایجان بكشێننه‌وه‌.

xcv
عەلی خامنەیی رابەری باڵای شۆرش و ژمارەیەک لە ژەنراڵەکانی سوپای ئێران

هه‌ڵبه‌ت ڕێگه‌ نه‌دان به‌ جیابوونه‌وه‌ و نه‌بوونى پشتگیرى رۆشنبیران و ئۆپۆزسیۆنى كۆمه‌ڵگاى فارسی له‌ ڕووداوه‌ نه‌ته‌وه‌یی و شوناسییه‌كان بۆ خۆبه‌ڕێوه‌به‌رییه‌كى سه‌ربه‌خۆ له‌ چوارچێوه‌ى ئێرانى دیموكرات دا، نه‌ك كێشه‌ى شوناسی تاكه‌كه‌سی زیاتر كردووه‌ به‌ڵكو هۆكارێك بووه‌ بۆ ئاڵۆزبوونى شوناسی نه‌ته‌وه‌یی و ئاینى، ئه‌مه‌ش وایكردووه‌ كه‌ هه‌ر گۆروپ و لایه‌نێك ئاراسته‌ و دیدى جیاوازى هه‌بێت بۆ ڕووداوه‌كان و نه‌توانرێت ده‌سته‌یه‌كى هاوبه‌ش بۆ پرسه‌ سیاسییه‌كان دروست بكرێت.

دۆخى ده‌ره‌وه‌ى ئێران :
ئۆپۆزسیۆنى ده‌ره‌وه‌، به‌زۆرى ئه‌و گروپانه‌ن كه‌ تواناى ئابورییان هه‌یه‌ و تواناى دامه‌زراندن و به‌ڕێوه‌به‌ردنى ته‌له‌ڤزیۆن و پاڵتاك و وێب سایتى هه‌واڵى و رۆژنامه‌گه‌رى ئه‌نترنێتییان هه‌یه‌ و ساڵى جارێك كۆبوونه‌وه‌ى راسته‌وخۆییان ده‌بێت ، زیاتر ده‌ركه‌وتن و به‌ركه‌وتن و خاڵیكردنه‌وه‌ى وشه‌ى نێگه‌تیڤانه‌یه‌، فكرسازیی و نوێگه‌رییان تێدا به‌دیناكرێت، هه‌ڵبه‌ت ناتوانن زیاتر له‌وه‌ش بن، زۆربه‌ى كۆبوونه‌وه‌كانیان به‌ بۆچوونى زاره‌كى كۆتایی دێت، چونكه‌ زیاتر وه‌ك دره‌ختێكى بێ ڕیشك ده‌مێننه‌وه‌ كه‌ له‌ گه‌ڵ هه‌ڵكردنى هه‌ر بایه‌ك بیر و ئایدۆلۆژییایان به‌و ئاراسته‌یه‌ ده‌گۆڕن.

،،

ئۆپۆزسیۆنى ده‌ره‌وه‌، ئه‌و گروپانه‌ن كه‌ تواناى ئابوریی و تواناى دامه‌زراندن و به‌ڕێوه‌به‌ردنى ته‌له‌ڤزیۆن و پاڵتاك و وێبسایتى هه‌واڵى و رۆژنامه‌گه‌رى ئینتەرنێتییان هه‌یه‌ و ساڵى جارێك كۆبوونه‌وه‌یان ده‌بێت، زیاتر ده‌ركه‌وتن و به‌ركه‌وتن و خاڵیكردنه‌وه‌ى وشه‌ى نێگه‌تیڤانه‌یه‌، فكرسازیی و نوێگه‌رییان تێدا به‌دیناكرێت.

 

ئه‌م گروپانه‌ هه‌میشه‌ چاوه‌ڕوان ده‌كه‌ن له‌ ناوخۆی ئێران ڕوداوگه‌لێك ڕووبدات تا هه‌ركه‌سێك له‌ شوێنى خۆیه‌وه‌ زمانى شیكردنه‌وه‌ بۆ ڕووداوه‌كان به‌رزبكاته‌وه‌ و دواتر هاوڵاتیانى ناوخۆی ئێران به‌ربده‌نه‌ گیانى یه‌كتر، هه‌روه‌ها لایه‌نگرانى لایك و كۆمێنت زیاتر ئاگرى ناكۆكییه‌كه‌ خۆشتر ده‌كه‌ن و په‌یتا په‌تا به‌ ناردنى لایك و كۆمێنت وه‌ك ئاگرێكى كڵپه‌دارى دیجیتاڵى به‌بێ به‌شدارى و كاریگه‌رى فیزیكى و ئاماده‌ نه‌بوونى جه‌سته‌ییان له‌ ناو كۆمه‌ڵگا بابه‌ته‌كان شه‌ن و كه‌و ده‌كه‌ن و دۆخێكى نه‌خوازراو و دوور له‌ به‌رپرسیارێتى به‌رهه‌مده‌هێنن.

3- هێرشی سه‌ربازیی:

به‌پێچه‌وانه‌ى ڕابردوو وه‌ ئه‌زموونى وڵاتانى تر،  وڵاته‌ زلهێزه‌كان دژى هێرشی سه‌ربازى و شۆرشی وێرانكارین و به‌ته‌واوه‌تى ئه‌و بۆچوونه‌یان ڕه‌تكردووه‌ته‌وه‌، زیاتر بڕوایان به‌و تیۆره‌ هه‌یه‌ كه‌ تێچووى گۆڕانكارى كۆمه‌ڵگایه‌ك، خودى دانیشتوانى ئه‌و ناوچه‌یه‌ له‌ئه‌ستۆی بگرن، تا قه‌در و ڕێزى حكومه‌تى نوێ بگرن و له‌ بیریان نه‌چێته‌وه‌ كه‌ به‌ ده‌ستهێنانى دیموكراسی چه‌ند كێشه‌ و ئاڵۆزه‌، پاشان بزانن پاراستنى دیموكراسی به‌ زیندوی له‌ به‌ده‌ستهێنانى زه‌حمه‌تتره‌، چونكه‌ به‌ بچوكترین هه‌ڵه‌ و كه‌وتنه‌ ژێركاریگه‌رى هه‌ستى پوپولیستى لایه‌نێك، هاوسه‌نگى هێز ده‌گۆڕێت و  ده‌كه‌وێـته‌ ده‌ست هیتله‌رێكى نوێ و سه‌رده‌مییانه‌وه‌.

گۆڕان و له‌ ناوچوونى ڕژێمه‌ دكتاتۆرییه‌كان، تێچووى ماددى و گیانى ده‌وێت، له‌ ئێران هیچ كه‌س و نه‌ته‌وه‌یه‌ك ئاماده‌ نیه‌ له‌ پێناو گۆڕانكارى گشتى و له‌ نێوبردنى رژێمى دكتاتۆردا گیانى فیدا بكات، به‌ڵكو فه‌رهه‌نگى نه‌زاكه‌ت به‌كارده‌هێنن، دانیشتوانى ئازربایجان هه‌میشه‌ قه‌در و ڕێزیان هه‌بووه‌ لاى ئێرانیه‌كان به‌ڵام پێویسته‌ له‌ به‌رامبه‌ر ئه‌و زوڵم و ناڕه‌واییه‌ى به‌رامبه‌ریان ده‌كرێت رۆح ببه‌خشن و گیان فیدا بكه‌ن، دڵنیابن نه‌ته‌وه‌یی ئێرانى ڕه‌سه‌نیش بێ ده‌نگ نابێت.

هه‌موو ئه‌و نه‌ته‌وه‌ و ئاین و ئایدیا جیاوازانه‌ى له‌ نێو خاكى به‌رفراوانی ئێران دا ده‌ژین و له‌ سێبه‌ى ڕژێمى ئیسلامى شیعه‌گه‌ریدا رۆژده‌كه‌نه‌وه‌، ده‌بێت پێ بنێنه‌ قۆناغێكى نوێ و هێز و قودره‌تیان بۆ دنیایه‌كى باشتر ئاماده‌ بكه‌ن، چونكه‌ ئێستا دنیاى ده‌ره‌وه‌ و ناوه‌وه‌ زیاتر چاوه‌ڕوانى جوڵه‌ و شه‌پۆله‌ ناڕه‌زایه‌كانى نه‌ته‌وه‌كانى ترى ده‌ره‌وه‌ى فارسیزم و پانئێرانین.

 

ده‌ركه‌وته‌كانى هه‌ڵوه‌شاندنه‌وه‌ى ئێران :

یەکەم: نه‌بوونى فه‌زای پێویست بۆ گفتوگۆى ڕووبه‌ڕوو، ئازاد و بونیادنه‌ر، ده‌رباره‌ى مافى نه‌ته‌وه‌كانى ترى ئێران، نه‌بوونى زمان و فه‌زاى پێویست بۆ دیالۆگ و بابه‌ته‌ جدى و ژیارییه‌كان، ئه‌مڕۆ ئۆپۆزسیۆنى سه‌رتاسه‌رى هه‌ستى به‌وه‌ كردووه‌ كه‌ ناتوانێت به‌بێ نه‌ته‌وه‌كانى ترى وه‌ك كورد و تورك له‌ ئێران به‌ ئاسانى و ئازایانه‌ بڕیار بدات، ئه‌مه‌ش له‌ ئه‌نجامى ئه‌وه‌ بووه‌ كه‌ به‌بێ جوڵه‌ و خرۆشانى ئه‌م نه‌ته‌وانه‌، فارسه‌كان نه‌یان توانیووه‌ هه‌نگاوێك بۆ پێشه‌وه‌ له‌ بنكۆڵكردنى ده‌سه‌ڵات هه‌ڵبگرن.

دووەم: ئۆپۆزسیۆنى گشتى به‌شێوه‌یه‌كى هه‌ستیار، په‌یوه‌ستن به‌ لایك و كۆمێنتى دیجیتاڵییه‌وه‌ و هه‌موو شیكردنه‌وه‌ى بۆچوونه‌كانیان له‌ دیجیتاڵ میدیا ده‌خه‌نه‌ڕوو و هیچ كه‌سێكیان ڕێگه‌ به‌ خۆى نادات به‌ شێوه‌یه‌كى تر هه‌ڵوێست وه‌ربگرێت، كاتێ ڕووبه‌ڕووى تێكدان و رووخانى سنوره‌ پرخێره‌كانى ئێران ده‌بنه‌وه‌، بیر ده‌كه‌نه‌وه‌ كه‌ ئێستا زۆر دره‌نگه‌ تا بێنه‌ نێو خه‌ڵك و ببن به‌ به‌شێك له‌و گۆڕانكارییه‌ گشتییه‌ كه‌ به‌رهه‌م هاتووه‌، كه‌ ئه‌و گۆڕانكارییانه‌ ئێستا له‌ هه‌مووكاتێك نزیكتره‌ بۆ بوون به‌ واقعیه‌ت.

sdx
کۆنگرەی ئۆپۆزسیۆنی ئێرانی ـ بەلجیکا ـ ٢٠١٨.٧.٢

سێیەم: شیكردنه‌وه‌ى سیاسی و بڕیاره‌كانى ئۆپۆزسیۆن به‌گشتى له‌سه‌ر زانیارییه‌ راستییه‌كان نیه‌ و، زیاتر بریارى شه‌خسی و تاكه‌كه‌سییه‌، له‌ هه‌ر سیسته‌مێكدا نه‌توانین شیكارى بۆ ڕووداواكان بكه‌ین و ڕا و بۆچوون و فكر و تیۆرمان هه‌بێت، په‌نجه‌ بۆ كه‌ڵین و به‌ربه‌سته‌ سیاسییه‌كان هه‌ڵبڕین، دواتر له‌ نێو بازنه‌یه‌كى داخراو و سنورداردا گفتوگۆ بكه‌ین، له‌ ئه‌نجام دا هه‌نگاوێك له‌ روخان و وێرانبوونى وڵات به‌ نمونه‌ ئێران نزیكمان ده‌كاته‌وه‌.

هه‌ر سیسته‌مێكى سیاسی وابه‌سته‌ بێت به‌ ڕابردوو، له‌سه‌ر بنه‌ماى ڕابردوو و داب و نه‌ریتى كۆن بریار بدات، هێما و ئاماژه‌كانى ڕابردوو له‌ ده‌ستورى نوێدا زیندوبكاته‌وه‌، بڕیاره‌ عه‌قڵانى و سه‌رده‌مییه‌كان په‌راوێز بخات، ئه‌وا ڕاسته‌وخۆ له‌ نێو بازنه‌ى ڕوخان و هه‌ڵوه‌شاندنه‌وه‌ى یه‌كجاره‌كیدا ده‌سوڕێینه‌وه‌ به‌ نمونه‌ وڵاتى ئێران.

،،

هه‌ر سیسته‌مێكى سیاسی وابه‌سته‌ بێت به‌ ڕابردوو، له‌سه‌ر بنه‌ماى ڕابردوو و دابونه‌ریتى كۆن بریار بدات، هێما و ئاماژه‌كانى ڕابردوو له‌ ده‌ستورى نوێدا زیندوبكاته‌وه‌، بڕیاره‌ عه‌قڵانى و سه‌رده‌مییه‌كان په‌راوێز بخات، ڕاسته‌وخۆ له‌ نێو بازنه‌ى ڕوخان و هه‌ڵوه‌شاندنه‌وه‌ى یه‌كجاره‌كیدا ده‌سوڕێینه‌وه‌.

 

له‌ هه‌ر شوێنێك هه‌ستت كرد بڕیاره‌كانت له‌ پێناو دروستكردنه‌وه‌ى ئاینده‌ و به‌رژه‌وه‌ندى گشتى نییه‌ و به‌ڵكو ڕاسته‌وخۆ ده‌چێته‌ خزمه‌ت پاراستنى مێژوو و دابونه‌ریته‌كانى وڵات بۆ پاراستنى ژیانى تاكه‌كه‌سی و به‌رژه‌وه‌ندى خۆت، ئه‌مه‌ش لێدانى بزمارى كۆتاییه‌ له‌ تابووتى مه‌رگى سیاسی وڵات به‌نمونه‌ وڵاتى ئێران.

ئه‌گه‌ر خواستى شه‌خسی و هه‌ڵبژاردنه‌ تاكه‌كه‌سییه‌كان جێگه‌ى بڕیاری گشتى و زانیاری و ئاماره‌ سیاسی و خزمه‌تگوزارییه‌كان بگرێته‌وه‌، ئه‌وكات ئه‌م خواستانه‌ ده‌چێته‌ خزمه‌ت به‌ وێرانكردنى وڵات و پایه‌كانى وڵات ده‌پوكێنێته‌وه‌، كاتێك كه‌ چاوه‌كانتان له‌ ئاست واقیه‌ت به‌ست و گوێیه‌كانت قورس بوون له‌ ئاست بیستنى ئازارى كۆمه‌ڵگا، ئه‌وا له‌ ڕوخانى سنورى پرخێروبێرى وڵات نزیك بووینه‌ته‌وه‌ كه‌ وڵاتى ئێران باشترین نمونه‌یه‌ بۆ ئه‌م چه‌شنه‌ بیركردنه‌وه‌.

 

دەرەنجام

له‌ ده‌رئه‌نجامى ئه‌م شیكاری و شێوه‌ بیركردنه‌وانه‌وه‌ هه‌ڵوه‌شاندنه‌وه‌ى ئێران نزیكه‌! گه‌وره‌ترین ئیمپراتۆرییه‌تى وه‌ك ڕوسیاى سۆڤیه‌ت هه‌ڵوه‌شایه‌وه‌، به‌هێزترین سیسته‌مى سه‌ربازى بوو به‌ مێژوو و ئێستا له‌ نێوپه‌ره‌كانى مێژوو كردار و بڕیاره‌كانیان ده‌خوێنینه‌وه‌،  بۆچى بازنه‌ى گفتوگۆكان به‌رته‌سك ده‌كه‌نه‌وه‌؟ بۆچی سنورى پڕخێرى ئێران و سه‌رزه‌مینى به‌هه‌شتى كوروش و فیرده‌وسی و خافزى شیرازى و سه‌عدى وێران ده‌كه‌ن؟ له‌ جیاتى دروستكردنه‌وه‌ و داڕشتنه‌وه‌ى ئاینده‌ى وڵات، به‌ چاوێكى داخراو و گوێیه‌كى قورسه‌وه‌ به‌رگرى له‌ ڕابردوو و به‌ربه‌ریه‌ت ده‌كه‌ن، هه‌ست و به‌رژه‌وه‌ندى تاكه‌كه‌س باڵى كێشاوه‌ به‌سه‌ر وڵاتدا.

به‌پێى ئه‌و لێكه‌وت و واقعیه‌ته‌ى ئێستا له‌ ئێران ده‌گوزه‌رێت ڕوخانى یه‌كپارچه‌یی ئێران نزیكه‌ چونكه‌ نیزامەکە له‌ هه‌موو شار و شارۆچكه‌یه‌ك ده‌نگ و ڕه‌نگى هه‌یه‌ و تۆوى خۆیی تێداچاندووه‌، به‌ ئاسانى ناتوانێرت هه‌ڵبكه‌نرێت و دووربخرێنه‌وه‌.

سەرچاوە: سازاخ ـ ایران گلوبال

 

author photo

تایبه‌ت به‌ دیپلۆماتیك