عەبدولرەزاق شەریف: گۆڕان نەك حكومەتی نەكرد بە دامەزراوەیی بەڵكو خۆشی بە دامەزراوەیی نەكرا

عەبدولرەزاق شەریف: گۆڕان نەك حكومەتی نەكرد بە دامەزراوەیی بەڵكو خۆشی بە دامەزراوەیی نەكرا

1353 خوێندراوەتەوە

 ئەندامێكی جڤاتی گشتی بزووتنەوەی گۆران ئاماژە بەوە دەكات كە دوای نەوشیروان موستەفا بزووتنەوەی گۆڕان دۆخی خراپ بووە و دانانی هەندێ كاندیدیش لە لیستی گۆراندا لە شكۆی حزبەكەیان كەم كردووەتەوە.

 

 

عەبدولرەزاق شەریف، ئەندامی جڤاتی نیشتمانی بزووتنەوەی گۆران و رێكخەری ژووری رۆژنامەوانی، لەبەرنامەیەكی راستەوخۆی پەیجی دیپلۆماتیك مەگەزیندا سەبارەت بە كێشە ناوخۆییەكانی گۆڕان و پەیامەكانی نەوشیروان مستەفا دەڵێت: پەیامی سەرەكی كاك نەوشیروان داواكردنی سیستەمێكی پەرلەمانی بوو، بەڵام ئەو كاكانەی كەوا جێگەی كاك نەوشیروانیان گرتەوە نەیانتوانی ئەم پەیامە لە درووشمەوە بكەنە واقع و كاری جدی بۆ بكەن.

 

،،

ئەو ئەندامەی جڤات ئەوەش ناشارێتەوە كە مردنی نەوشیروان موستەفا كاریگەری گەورەی هەبووە لە سەر بزووتنەوەكە و رووبەرووی چەندین كێشە و قەیرانی ناوخۆیی كردۆتەوە.

 

 هەروەها دەشڵێـت:"بە دامەزراوەیكردنی حكومەت و حزب درووشمی سەرەكی نەوشیروان موستەفا بوو كە هەتاكو مرد كاری جدیی بۆ كرد، بەڵام دوای وەفاتی ناوبراو، گۆران لەگەڵ ئەوەی شكستی هێنا لەوەی حكومەت بە دامەزراوەیی بكرێت، خودی گۆرانیش بەدامەزراوەیی نەكراوە و ئەو دامەزراوانەش كە بەر لە مەرگی كاك نەوشیروان دامەزرابوون، بەداخەوە ئەمرۆ نیشانەی پرسیاریان لەسەر دانراوە.

 

 

 
ئەو ئەندامەی جڤات ئەوەش ناشارێتەوە كە مردنی نەوشیروان موستەفا كاریگەری گەورەی هەبووە لە سەر بزووتنەوەكە و رووبەرووی چەندین كێشە و قەیرانی ناوخۆیی كردۆتەوە.

 
عەبدولرەزاق شەریف لەبارەی ئەو دەنگۆیانەی كە باس لەوە دەكەن گۆران لە دیاریكردنی سەرۆكی لیست بۆ هەڵبژاردنەكان و دیاریكردنی كاندیدەكان كە زۆرێكیان میدیاكاری كەناڵەكەیانن رووبەرووی كێشەی ناوخۆیی بووەتەوە، دان بەوەدا دەنێـت كە "گۆرانیش وەك حزبەكانی دیكە بە ئاسانی نەیتوانیوە سەرۆك لیست دیاری بكات و هەموو كات لیستەكانی گۆران بۆ هەڵبژاردن كاندیدی لاوازی تێدا بووە"

 

لە وەڵامی پرسیاری دیپلۆماتیكدا كە بۆچی سەرۆك و كەسە باڵاكانی حزبەكان خۆیان كاندید ناكەن بۆ پەرلەمان ئەگەر دەیانەوێ سیستەم پەرلەمانی بێت و پەرلەمانێكی بەهێزو كارا بونیات بنرێـت؟

 

،،

ئاماژە بەوەش دەكات كە هەندێ كات گرنگ بووە گۆران بریار بدات بەڵام نەیتوانیوە بریار بدات بۆیە هەمووی كەڵەكە بووە بەسەر یەكدا و وەك گڵۆڵە بەنێك هەتاوەكو هاتووە زۆرتر خڕ بووەتەوە و گەورە بووە، تا وایلێهات ئەمرۆ گۆران ناتوانێ بە ئاسانی لێی دەربچێت.

 

 

رێكخەرەكەی ژووری رۆژنامەوانی گۆران ئەم بابەتە بۆ هۆكارێكی سەرەكی دەگەرێنێتەوە كە كۆمەڵگا لە هەموو رویەوەكەوە دوا كەوتووە و هەموو سێكتەرەكان وەك چەند ساڵی پێشوو كەسی بەهێز درووست ناكەن، ئیدی ئایا مامۆستایە ئایا هونەرمەندە یاخود سیاسی، بۆیە خەڵكی ئاسایی لەكۆمەڵگا كەسانی لاوازیان دەوێت و بیر لەكەسی بەهێز ناكەنەوە، كەسە دیارو بەرپرسە باڵاكان پێیان عەیبە خۆیان كاندید بكەن و لەم تەموومژەدا بچنە پەرلەمان وا دەزانن لەسەریان دەكەوێت".

 
ئەو ئەندامەی جڤاتی نیشتیمانی گۆران ئەوەش ناشارێتەوە كە هەموو حزبەكان راستگۆ نەبوون لەگەڵ خەڵیكدا و پەیام و درووشمەكانیان تەنها قسەن و بەكردار ئەنجامی نادەن. 


ئاماژە بەوەش دەكات كە هەندێ كات گرنگ بووە گۆران بریار بدات بەڵام نەیتوانیوە بریار بدات بۆیە هەمووی كەڵەكە بووە بەسەر یەكدا و وەك گڵۆڵە بەنێك هەتاوەكو هاتووە زۆرتر خڕ بووەتەوە و گەورە بووە، تا وایلێهات ئەمرۆ گۆران ناتوانێ بە ئاسانی لێی دەربچێت.

 
لەكۆتایدا ئەندامەكەی جڤاتی نیشتمانی بزووتنەوەی گۆران دەڵێت: لە پرۆسەی سیاسیدا هەرێمی كوردستان رووبەرووی پاشەكشەیەكی زۆر بووەتەوە، چونكە هەموو دام و دەزگاكانی حوكمداری لە هەرێم رووبەرووی لاوازی و پاشەكشە بوونەتەوە ئەمەش زۆر مەترسیدارە و دەبێت زۆر بە وریاییەوە لەگەڵ بارودۆخەكەدا برۆین.

 
بزووتنەوەی گۆران كە لە ساڵی 2009 وەك بزووتنەوەیەكی جەماوەری بەشداری یەكەمین هەڵبژاردنی كرد لە كوردستان، ئەمرۆش جارێكی دیكە خۆی ئامادە دەكات بۆ هەڵبژاردنی 30ی 9 پەرلەمانی كوردستان، بەڵام وا باس دەكرێت كە كێشە ناوخۆییەكان و دیاریكردنی هەندێ كاندید حزبەكە دووچاری كۆمەڵێك سەرئێشەی جدی بكاتەوە.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان