زیاتر لە ٤٠ ملیۆن كورد چاوەڕێی بەڵێنێكی بارزانیە

ئایا بارزانی خاوەنی بەڵێنەكەی خۆی دەبێت؟

زیاتر لە ٤٠ ملیۆن كورد چاوەڕێی بەڵێنێكی بارزانیە

601 خوێندراوەتەوە

هەموو ئامادەكاریەكانی شەڕ تەواوبووە. سەربازەكان لە سەنگەرەكان جێگیر كراون و چەكە قورسەكانیش گواستراونەتەوە بۆ بەرەكانی شەڕ.بەهەموو پێوانەیەك شەڕێكی راستەقینەی كورد و كورد لە بەردەرگایە.


سوپای ببێگانە چاوەڕووانی ئەوەن كەی خوێنی براكان تێكەڵ بە یەكتریی دەبێت. لەهەر لا بكوژررێت لە تێرڕوانینی ئەوانەوە نە پەكێك و نە پارتیەك كوژراون، بەڵكو ئەوەی لە هەردولا دەكوژرێت كوردە.

هاتنی سوپای توركیا و خۆتاقیكردنەوەی لەشەڕی پەكەكەدا تازەە نییە و دەیان جاری دیكەش دوبارە بۆتەوە،.ئەوەی ئەم جارە جیاوازە ئەگەری بەشداری و تێوەگلانی پارتییە لەم شەڕەدا دژی پەكەكە.

بە ئاشكرا دیاریە بۆ ئەم شەڕە پارتی لەژێر فشاری گەورەی توركیادایە،بەڵام ئەگەر بێت و خوا نەكردە شەڕێكی وەها روبدات و براكان دەستیان بچێتە خوێنی یەكتر، ئاگرێكی وەها هەڵدەگیرسێت كە رەنگە هەڵگیرساندنی بەدەستی خۆیان بێت، بەڵام كوژاندنەوە و كۆتایپێهاتنی بەدەستی ئەوان نابێت.

،،

بە ئاشكرا دیاریە بۆ ئەم شەڕە پارتی لەژێر فشاری گەورەی توركیادایە،بەڵام ئەگەر بێت و خوا نەكردە شەڕێكی وەها روبدات و براكان دەستیان بچێتە خوێنی یەكتر، ئاگرێكی وەها هەڵدەگیرسێت كە رەنگە هەڵگیرساندنی بەدەستی خۆیان بێت، بەڵام كوژاندنەوە و كۆتایپێهاتنی بەدەستی ئەوان نابێت.

لەسەر وبەندێكی وەهادا هیچ كەسێكی عاقڵ خۆی ناخاتە ناو گۆمی خوێنەوە، بەتایبەتی كە لەوشەڕدا لە هەردولا خوێنی كورد بڕژێت، هیچ شەرفمەندیەكی تێدا نییە و كەس تیایدا براوە نابێت.

بە هەموو پێوانەیەك ئەگەر خوای نەكردە شەڕی پەكەكە و پارتی روبدات، براوە تەنها سوپای بێگانەیە. ئەو تەنها لاشەی كورد دەبژێرێت نەك لاشەی گەریلا و پێشمەرگە.


لەم ئان و ساتەدا كە تەنها چركەیەكی ماوە بۆ دەستپێكردنی شەڕە گەورەكە، بارزانی خاوەنی دوا بڕیارە و كۆتا فلتەرە كە دەتوانێ‌ پزیسكی ئاگرەكە هەڵكات یاخود رێگە لە هەڵگیرسانی جەنگێكی ناوخۆیی بگرێت.

،،

دەبێت بارزانی هەمیشە بەڵێنەكەی خۆی لە یاد بێت كە وتی: " هەرگیز لەسەر داواكاری هیچ وڵاتێك شەڕی كورد و كورد ناكەم".

هەموان شایەتی ئەوەن لە ئێستادا پەكەكە هێرشكەر نییە و لە سەنگەرەكانی خۆیدا بەرگریكەرە.

لێ‌گەڕێن تورك خۆی چۆن یەكلایی دەكاتەوە و پەكەكە چۆن بەرگری دەكات با بیكات،بەڵام ئێوە مەبن بە پێش قەتاری سەربازەكانی تورك.

بێگومان دەبێت بارزانی هەمیشە بەڵێنەكەی خۆی لە یاد بێت كە وتی: " هەرگیز لەسەر داواكاری هیچ وڵاتێك شەڕی كورد و كورد ناكەم".

 

author photo

ڕۆژنامەنوس و مامۆستای زانكۆ

سەرنوسەری دیپلۆماتیك مەگەزین

ڕۆژنامەنوسی تایبەتمەند لە ڕۆژنامەوانی بنكۆڵكاری