کوردی
عربي
English
سیاسی
ئابووری
توێژینەوە
کولتور
فۆتۆستۆری
مەڵتی میدیا
بەرنامەکان
پۆدکاست
بیرووڕا
English
عربي
وتار
دەستانخۆش زۆر چاکی تێکدەدەن
د. ڕێبین ئەحمەد ڕەشید
2023-12-15
ئەمڕۆ دایکم لێی پرسیم "مەکتەب هەر نەکراوەتەوە؟ وتم نا، ناوی یەک دو مناڵی گەڕەکی هێنا کە بێبەشن لە خوێندن و دایە پڕمەی گریان بۆیان". مەلیحەخانم ژنێکی نەخوێندەوارە، بە عاستەم ناوی خۆی دەنووسێت و قایمەی کەلوپەلی ناوماڵ دەنووسێتەوە، پێشتر ئەم ژنێکی نانبدە بووە بە پێشمەرگە، دەگێڕێتەوە دەڵێت: دەهاتنە دێکەمان ساوەرمان لێدەنا بۆیان نەیاندەخوارد دەیانگوت ئێمە نان بەنانەوە ناخۆین، دەبوو مریشکی نێو کولانەکەیان بۆ سەربڕین و لە هێلکەکەی بێبەش بین، ئەمڕۆ پەشیمانە لەوەی میوانداری کردوون چونکە پێی وایە ئەوان هۆکاری نەچوونی میر و ئەحمەدی شەش ساڵانی هاوسێ و ئەهلی گەڕەکن بۆ قوتابخانە و نەخوێندەوار دەرچونیان.
چوزانەوەی داخی سەر دڵی مەلیحەکان لەم وڵاتەدا و لەم تەمەنەدا حیرەت بە مرۆڤ ئەهێنێت، شەست و ئەوەندە ساڵە ئەم ژنە لە دەست زوڵمی بێگانە ماڵی کاول دەبێ، ڕادەکا، خێمە و ئۆردوگا دەگۆڕێ، دێهاتی دەسوتێندرێ، دەجار لە سیفرەوە خانووی دروستدەکاتەوە، کرێکاری دەکا، ئاکام حوکمی خۆماڵی تێزابی ناعەدالەتی و بێ مۆراڵی دەکاتە سەر هەموو ئەم برینانەی و لە هەموو کات خراپتر دەیزووڕێنێتەوە. کە دەستی بەرزکردەوە بۆ ئاسمان و وتی "خوایە موسەبیبی ئەم وەزعە بە فەتار فەترا چێ، خوایە بۆ فڵانی تاین کەی" موچڕکەیەک بەلەشمدا هات چونکە هەمان دوعام دیبوو لە ئاوارەیی ئێران لە سەددام و کوڕەکانی دەکرد، نەمتوانی بۆ ساتێک بەزەییم بە کاک فڵان و کوڕەکانیدا نەیەتەوە.
ئەم ژنە نەخوێندەوارە ئەمڕۆ بۆ نەکرانەوەی دەرگای قوتابخانە دەگری، بەڵام پانێڵیست و ئەکادیمیسیان و پارلەمانتار و حکومەت و دادوەر و ...هتد تەماشا دەکەن و قاقا پێدەکەنن.
نیوەی ساڵێک ڕۆیشتووە بەبێ بوونی هیچ شەڕێکی جیهانی لە وڵاتەکەدا، بەبێ هیچ جۆڕە تەقینەوەیەکی ناوەکی و ئەتۆمی و بەبێ ئەوەی ئاوارەیی و ژێرخێمەیی هەبێت جیلێک کوێرە، نازانێت ناوی خۆی بنووسێت، ناتوانێت بخوێنێت و بخوێنێتەوە و نازانێت کە ئەبێ بچێت بۆشوێنێک، بەناوی مەکتەب.
کاتی خۆی گاڵتەمان بە سلۆگانەکانی حکومەت و یونیسێف دەهات سەبارەت بەوەی "خوێندن و پەروەردەی خۆڕایی مافی هەموانە، مناڵ نابێ ئازاری جەستەیی و دەروونی بدرێت، مناڵ دەبێت ژینگەی لەباری خێزانی و پەروەردەیی بۆ بڕەخسێندرێت"، خوێندنی خۆڕایی وەک نوکتەش سەیر نەدەکرا، ئەمڕۆ پاش سی ساڵ لە حوکمڕانی هومەزە و لومەزەی دەوڵەتمەدارە دەستنووقاوەکانی پترۆ-کوردایەتی خوێندن تەنها مافی دەوڵەمەند و پارەدارەکانە، ژینگەی خێزان بووە بەقوربانی ویست و ئیرادەی کەمینەیەکی موتەسەڵیتی پولەکی و دەستقوچاو کە ئەوەندە قوچاوە ناگاتە پشتەملی خۆی، خێزان لەبەر نەبوونی لێکهەڵدەوەشێت و مناڵ دەبێت بە دوو کەرتەوە لە نێوەدا، مناڵ ئازاری جەستەیی و دەروونی دەدرێت بەوەی دەرگای خوێندنگەکەی لێناکرێتەوە، بە ئەنقەست کوێر دەکرێت و شیرازەی مێشکی لە تەمەنێکدا بەجۆرێک تێکدەدرێت کە مانەند و مەسلی نەبێت، وێڵ و سەرگەردانی کۆڵان و و بازاڕ و کارکردنی بەزۆرکراوە. هەر بە جیدی چ دوژمنێک دەیتوانی ئەمە بە مناڵەکانی ئێمە بکات؟
وَيۡلٞ لِّكُلِّ هُمَزَةٖ لُّمَزَةٍ
کاتی حەسار و پیتاکی نەوت بەرامبەر خۆراک و بڕیاری ۹٨٨ یونیسێف داوای دەکرد کیژانیش بچنە قوتابخانە تا فێری خوێندەواری بن، حکومەتە نێرسالارەکە کوردستانی عێراق بۆ پاراستنی یەکسانی جێندەری وا کوڕانیش لە خوێندن بێبەش دەکات.
زیاتر بخوێنەرەوە
تەنیا کوردی
سەرۆکی ھەرێم رێگەی ئاسمان بەرنادا
عوسمان گوڵپی
پارتی چۆن هەڵبژاردنی دواخست؟
فارس نەورۆڵی
پێوەرەکانی کورد بوون
محمد خۆشناو
ڕێ لە جەنگاوەرە ئاگرکوژێنەوەکە مەگرن !!
ڕەوا موسا
شەڕی غەززە لەنێوان تاکتیکێکی جەنگی و بانگەشەکانی مۆڕاڵدا
د. شێرکۆ کرمانج
پارتی و یەکێتی و مەحکەمەی فیدراڵی
محمد خۆشناو
هۆشیارکردنەوە و سنووردار بوونی هۆشیاری کورد !!
بێستون شەهیدجەبار
ئەم هەرێمە چۆن چاک دەبێت؟
ئەلەند مەحوى
سودانی، ئەو پیاوەی بە "چانس" گەمەکان دەباتەوە
بڕوا ستار
حکومەتی عێراق غەدری لە هەرێمی کوردستان کردووە؟
ئەمانەش ببینە
زانکۆی ئەمریکی پێشەنگایەک دەکاتەوە
شێرپەنجە تەنگ بە هونەرمەندانی کورد هەڵدەچنێت ! ... پەرواز و بەیان بۆمبا و دەشنێ موراد نەخۆشن
سەرچاوەی بۆنە ناخۆشەكەی سلێمانی لادەبرێت ... بۆچی هەندێك كەس دژی دەوەستن؟
کۆمپانیای ئێل جی بۆ ئامێری ئەلیکترۆنی بەرهەمی نوێ و ئاست بەرزی ناوماڵی نمایش کرد لە ناوچەکەدا
خانەنشینان ئەمرۆ مووچە وەردەگرن ”ئەو پارەیەی لەبەغداوە بۆمان دێت ئەوەشمان نادەنێ”
بەشێك لە شۆفێرانی بارهەڵگر لە تاسلوجە گردبوونەوە
×
زمانەکان
کوردی
العربیة
English
بابەتەکان
سیاسی
ئابووری
توێژینەوە
کولتور
فۆتۆستۆری
مەڵتی میدیا
بەرنامەکان
پۆدکاست
بیروڕا
ئەرشیف
ئێمە کێێن
دەربارە
پەیوەندی
تۆڕە کۆمەڵایەتیەکان
© 2024 Diplomatic Magazine