کوردی
عربي
English
سیاسی
ئابووری
توێژینەوە
کولتور
فۆتۆستۆری
مەڵتی میدیا
بەرنامەکان
پۆدکاست
بیرووڕا
English
عربي
وتار
کێ شکستی هێنا؟
هادی حەمە ڕەشید
2023-12-20
ئەوەی کە شکستی هێنا بە پلەی یەکەم پڕۆژەی نیشتیمانیی بوو، ئەوەشی براوە بوو، هێڵەکانی ئاراستەکراوی دەرەوە بوو، ئەوەی دۆڕاوی چەند بارە بوو وەهمی(مەدەنیی و لۆژیکی ناتوندوتیژیی) بوو، ئەوەش کە براوە بوو لیستی سێبەری پۆستاڵ و نینۆك تیژەکان بوو!
لە دوای هەموو هەڵبژاردنێك دەرگای نوکتە و قسەی قۆشمە و تەنز ئەکرێتەوە، بە تەنیشت ڕەخنە و گلەیی و خۆ خاڵیکردنەوە بەسەر دۆڕاو و هێزە شکستخوادووەکان.
ئەوەی لە تابلۆ سیاسییەکەدا قسەی جدییە ئەوەیە؛ دەمێکە ئێمەومانان ئەڵێین پڕۆسەی سیاسیی لە کوردستاندا گەیشتووەتە بنبەست، یەکێتیی و پارتیی قۆرخی هەموو شتێکیان کردووە، ئەوان بە پاڵپشتی وڵاتانی هەرێمایەتیی و بە بەکارهێنانی سەرباز و ئەمن لە پێشی هەر شتێکەوە، دەستیان بەسەر داهات و ئیدارە و مەرز و بازاڕ و پیرۆزییەکانی کوردستاندا گرتووە!
ئێمە زوو وتمان: لەبەرامبەر ئەم دوو ماڵە قۆرخکارەدا، پانتاییەکی گەورە لە ناڕەزایەتیی هەیە، پانتاییەکی بێ ڕوئیا و لوتبەرزی هیچ لەباردا نەبوو، ئەوان ئەوەندە فشەڵ و بێ سەنگی سیاسیین کە پارتیی و یەکێتیی بێ کێشە دەرئەکەون(لەچاو کێشە زۆرەکانی ئەواندا)!
ناڕازییەکان دابەش بوون بەسەر؛ حیزبی ڕێکخراو و کەسایەتیی و کانتۆناتی ناڕێکخراودا.
حیزبەکان؛ نەوەی نوێ و یەکگرتوو و کۆمەڵن، ئەوەی یەکەمیان شەق لە هەور ئەدات و پێی وایە ماسییەك لە زەریای ئەتڵەسی و ئارام و هیندیی تا ئەگات بە کۆی ئەستێرەکانی ئاسمان، بەبێ پرس و خواستی شاسوار ناجوڵێت!
کێشەی ئۆکراین و ڕووسیا و فەلەستین و ئیسرائیل تەنیا و تەنیا بە ئەمری جەنابیان چارەسەر ئەبێت!
ئەو کە خۆی بازرگانێکی ناو هەناوی سەرمایەدارییە، کەچی بە هەناسەی چەپێکی چلەکانی سەدەی ڕابردوو، بە زمانی سیاسییەکی زۆر نا کامڵ لە هەموو پرسێکدا و زۆر سەتحیی قسە ئەکات، ئەو کە لەسەردەمی دەسەڵاتی پارتیی و یەکێتیی و بەشێوەیەکی زۆر ناڕوون دەوڵەمەند بووە، ئێستا باسی دادپەروەریی ئەکات و لەپێش پارتیی و یەکێتییەوە ڕەخنە لە خەڵکە ناڕازییەکە ئەگرێت و بەهەڵمەتی ڕێکخراو تەشهیریان پێئەکات و تیرۆری کەسایەتییان ئەکات!
بەلوتبەرزییەکی بێ پێشیینەوە موخاتەبەی خەڵك ئەکات، بەشێك لە ڕۆژنامەنووسان و دەستەبژێری(ڕۆشنبیر) لەلای خۆی کردووە بە موچەخۆر، هەر بەو چاوەوە سەیری هەموو کۆمەڵگا ئەکات!
یەکگرتوو و کۆمەڵ جگە لە چەند هەزار دەنگێکی ئایدۆلۆژیی و پەیوەست بە کارنامەکەیان، کاریگەرییان تەواو سنووردارە و سەرقاڵی بیزنسن لە بواری زانکۆ و خوێندنگە و نەخۆشخانەی ئەهلیی و کردنەوەی قوتابخانەی تەحفیز و پرسە سیاسییەکەیان ترشاندووە بەسەر یەکدا و دابەشی دوو ئەجێندای ئێرانیی و تورکیین!
کەسایەتیی و گرووپە ناڕێکخراوەکان؛ کەمتر لەو سێ حیزبە ئۆباڵی خراپیی بارودۆخەکەیان لەسەر نییە!
ئەوانیش کۆمەڵە گرووپێکی سەیر و سەمەرەن، کول و کۆڵ ئەبیت تا دوانیان پێکەوە تەنیا گفتوگۆ بکەن!
ئەمانەش کە زۆرینەیان خانەنشینی چەند ملیۆنیی و خاوەنی پەیجی چەند هەزار لایك و لەسایەی ئەم دۆخەدا بوون بە پەبلیك فیگەر، خۆیان لێگۆڕاوە و هەر یەکەیان وەك شاسوار پێیان وایە بە وتارێك یان دیمانەیەك ئەتوانن دەسەڵات بڕۆخێنن!
بە سەردانێکی بەغدا و بینینی فەرمابەرێکی وەزارەتی دارایی موچەی دزراو ئەگێڕنەوە و بە تۆمارکردنی سکاڵایەك سەرانی پارتیی و یەکێتیی زیندانیی ئەکەن!
هەموو چەکێکی دەستی ئەوان لیست دروستکردن و هەڵبژاردنە، ئەوەش هەڵبژاردن، یەکێتیی و پارتیی دە ساڵ قەزوان کۆکردنەوەت بە ڕۆژێك گوێز کڕین لێئەباتەوە!
ئەوەی کە دۆڕاوە هەموومانین، تەنیا نەوەی نوێ و لیستەکەی کۆمەڵ و یەکگرتوو نییە!
پارتیی و یەکێتیی هەموو شتێکی ئێمەیان بردووە، لەعێراقدا بچووك و وابەستەی ئەم و ئەون، ئەوەش ڕکابەرەکانیانە لێرە!
زیاتر بخوێنەرەوە
تەنیا کوردی
سەرۆکی ھەرێم رێگەی ئاسمان بەرنادا
عوسمان گوڵپی
پارتی چۆن هەڵبژاردنی دواخست؟
فارس نەورۆڵی
پێوەرەکانی کورد بوون
محمد خۆشناو
ڕێ لە جەنگاوەرە ئاگرکوژێنەوەکە مەگرن !!
ڕەوا موسا
شەڕی غەززە لەنێوان تاکتیکێکی جەنگی و بانگەشەکانی مۆڕاڵدا
د. شێرکۆ کرمانج
پارتی و یەکێتی و مەحکەمەی فیدراڵی
محمد خۆشناو
هۆشیارکردنەوە و سنووردار بوونی هۆشیاری کورد !!
بێستون شەهیدجەبار
ئەم هەرێمە چۆن چاک دەبێت؟
ئەلەند مەحوى
سودانی، ئەو پیاوەی بە "چانس" گەمەکان دەباتەوە
بڕوا ستار
حکومەتی عێراق غەدری لە هەرێمی کوردستان کردووە؟
ئەمانەش ببینە
زانکۆی ئەمریکی پێشەنگایەک دەکاتەوە
شێرپەنجە تەنگ بە هونەرمەندانی کورد هەڵدەچنێت ! ... پەرواز و بەیان بۆمبا و دەشنێ موراد نەخۆشن
سەرچاوەی بۆنە ناخۆشەكەی سلێمانی لادەبرێت ... بۆچی هەندێك كەس دژی دەوەستن؟
کۆمپانیای ئێل جی بۆ ئامێری ئەلیکترۆنی بەرهەمی نوێ و ئاست بەرزی ناوماڵی نمایش کرد لە ناوچەکەدا
خانەنشینان ئەمرۆ مووچە وەردەگرن ”ئەو پارەیەی لەبەغداوە بۆمان دێت ئەوەشمان نادەنێ”
بەشێك لە شۆفێرانی بارهەڵگر لە تاسلوجە گردبوونەوە
×
زمانەکان
کوردی
العربیة
English
بابەتەکان
سیاسی
ئابووری
توێژینەوە
کولتور
فۆتۆستۆری
مەڵتی میدیا
بەرنامەکان
پۆدکاست
بیروڕا
ئەرشیف
ئێمە کێێن
دەربارە
پەیوەندی
تۆڕە کۆمەڵایەتیەکان
© 2024 Diplomatic Magazine