قسەکردن لەسەر هەر کاراکتەرێکی سیاسی لە کوردستان بێ باج نیە، بە تایبەتی ئەگەر دۆخی ئەم کاراکتەرە لەوە ترازابێت کە تەنیا کێشەیەکی ناوخۆی حیزبێك یان هەرێـمێك بێت، چونکە بەرەکان هەموو لە کەمینن نەك تەنیا لە یەکتر، بەڵکو لە هەر بۆچوونێك کە دەرچوونێك بێت لەو چوارچێوەیەی ئەوان دەیانەوێ ڕووداوەکانی پێ بخەنە ڕوو.
بەرەی دژە " لاهور" لە هەڵبەزو دابەزینێکی زۆر دایە لە ئەنجامی هەڵوێستی ناکۆك دژ بەیەك، لە هەر هەڵوێستێکی ناکۆکیشدا خیتابێکی پڕ لە پینە دەهۆننەوە کە زیاتر دەچێتەو بەرژەوەندی لاهور.
،،
بەرەی لاهور و زاتی خۆشی هەرگیز پلانیان نەبوو بۆ ڕۆژگارێکی وا، چونکە چاوەڕوانیەکی وایان نەبوو لە ئامۆزاکانی خۆیان بەم جۆرە و بەم پێوانەیە، بەم خێراییە ببن بە نەیاری سەرەکی و جێبەجێکەر.
،،
ئەم دۆخە سەربازی نیە، تەنانەت ئەگەر ئەو هێزانەی دەوری ماڵی لاهوریان داوە چ بە یەك کاتژمێر ئەو شوێنە وێران بکەن چ هەفتەیەك شەڕ بکەن، لێرە نەیارانی لاهور کورتبینن، چونکە خۆیان وا یارمەتی بەهێزبوونی " کاریزمایی" ئەو کەسە دەدەن.