ژنە ئیسرائیلیەكە لە عێراقەوە دەركەوت پەیوەندی بە كوردەوە چییە؟

دوای زیاتر لە 7 مانگ دیارنەمانی،ژنە ئیسرائیلیەكە لە ڤیدیۆیەكەوە دەركەوت و رایگەیاند كە بارمتەیە و لە عێراق دەستبەسەرە.

ئەلیزابیس تسواركوف،هاوڵاتی ئیسرائیلی بە بنەچە روسی لە ڤیدیۆیەكی چەند خولەكیدا دەركەوت و رایگەیاند كە ئەو كارمەندی مۆساد و سی ئای ئەی ئەمریكی بووە و لە سوریاو عێراق كاری بۆ ئەو دوو دەزگایە كردووە.

ئەلیزابێس ووتی من لە عێراقم و بە بارمتە گیراوم وەك زیندانیەك مامەڵەم لەگەڵ دەكەن،داوا لە خێزان و هاوڕێكانم دەكەم فریام بكەون و رزگارم بكەن.


تشوارسكۆف هاوڵاتیەكی ئیسرائیلییە و لە بنەرەتدا لە سان بتروسبورگی روسیا لەدایك بووە،هەڵگری هەردوو رەگەزنامەی روسیا و ئیسرائیلە.وەكو توێژەر لە دوو دامەزراوەی ئیسرائیلی و ئەمریكی كار دەكات.

ئیسرائیل دەڵێن ئەو ژنە ئیسرائیلییە بە بێ‌ ئاگاداری حكومەت بە پاسپۆرتە روسیەكەی سەفەری بۆ عێراق كردووە،لەكاتێكدا حكومەیتی ئیسرائیل جەخت دەكاتەوە هیچ ئیسرائیلیەك سەفەری ئەو ووڵاتە نەكات.

ئیسرائیل دەڵێت ئەو ژنەی دەستگیركراوە توێژەرە و خوێندكاری دكتۆرایە:بۆكاری زانستی چۆتە عێراق.

بەڵام لەو گرتە ڤیدیۆیەدا كە دیارنییە لەژێر فشاردا قسەی پێ‌كراوە یان نا دان بەوەدا دەنێت كە كارمەندی دەزگای سیخوڕی موساد و سی ئای ئەیە.

لە تۆمارە ڤیدیۆكەدا ئەلیزابێس دەڵێت،لە سوریا كارەكەم بریتی بوو لە دروستكردنی پەیوەندی لە نێوان هێزەكانی سوریای دیموكراتی هەسەدە و ئیسرائیل.
لەعێراقیش ئەركەكەم بریتی بوو لە گڕدانی ئاگری ناكۆكیەكان و دروستكردنی شەڕ لە نێوان هێزە شیعییە جیاوازەكاندا.


موقاوەمەی ئیسلامی عێراق کە گروپێکی چەکداری شیعەیەو بەمدواییانەو ھاوکات لەگەڵ جەنگی غەززەدا ھێرشەکانی بۆسەر بنکەکانی ئەمریکا لە عێراق چڕکردوەتەوە، بەرپرسیارێتی رفاندنی ژنە ئیسرلاائیلیەكەی لە ئەستۆ گرتووە.

بنیامین ناتانیاھۆ سەرۆک وەزیرانی ئیسرائیل دەڵێت ئیلیزابێس تسوركوف لەلایەن گروپی کەتیبەکانی حزبوڵاوە رفێندراوەو توێژەرە لەبواری کاروباری سوریاو رۆژھەڵاتی ناوەڕاست، بە پشتبەستن بە پاسپۆرتە روسییەکەی سەردانی عێراق کردووە بەمەبەستی ئامادەکردنی نامەی دکتۆراکەی.
ئەوکات ناتانیاھۆ بەرپرسیارێتی گیانی ئەم ژنەی خستە ئەستۆی حکومەتی عێراق،

هەرچەندە حكومەتی عێراق هەڵمەتێكی چڕی دەستپێكردووە بۆ دۆزینەوەی شوێنی ئەم ژنە ئیسرائیلییە لەلای گروپە چەكدارەكان، بەڵام پێناچێت حکومەتی عێراق شوێنی بەندکردنی بزانێت.