بۆچی ئێرانیەكان بە موشەكی فاتیح ١١٠ هێرشیان كردە سەر هەولێر؟ 

ئەو موشەکەی  ئێران ئاراستەی هەولێری کرد، ٢٢ ساڵ لەمەوبەر دروستکراوە و توانای بڕینی ٣٠٠ بۆ ٥٠٠ کیلۆمەتری هەیە.
فاتیح ١١٠ بۆ یەکەمجار ساڵی ٢٠٠٢ سوپای پاسدارانی ئێران بەرهەمی هێناوە، ئەم موشەکە لە ساڵانی ٢٠٠٤ و ٢٠١٠ و ٢٠١٤ پەرەی پێدراوە و فاتیح ١١٠ ئەی و بی و دی و دواترینیان کە ساڵی ٢٠١٨ ئاشکرا کرا فاتیح ئی مۆبنە، کە توانای بڕینی ٣٠٠  بۆ ٥٠٠ کیلۆمەتری هەیە.
ئەم موشەکە لەسەر سەکۆیەکی یەک موشەکی هەڵدەدرێت و توانای هەڵگرتنی ٥٠٠ کیلۆ تەقەمەنی هەیە.
موشەکی فاتیح ١١٠ پێشتر بۆ پشتیوانی لە ڕژێمی ئەسەد دژ بە داعش و هێزەکانی ئۆپۆزسیۆنی ئەو وڵاتە بەکار هاتوە.
شەوی رابردوو سوپای پاسداران چەندین موشەکی فاتیح ١١٠ ی نا بە هەولێرەوە و لە ئەنجامدا سەرمایەداری دیار پێشڕەو دزەیی و کچە ساواکەی و هاوڕێیەکی سەرمایداری بەناوی کەرەم میخائیل، کە بازرگانێکی عێراقیە گیانیان لەدەستدا.