2024.03.26
بەکارهێنەرانی تەلەڤیزۆنی ئێل جی بە ئاسانی دەستیان دەگاتە گەورەترین خزمەتگوزاری پەخشی ئانیمێ لە جیهاندا
لەم مانگەدا خاوەنانی تەلەڤیزۆنی ئێڵ جی لە جیهاندا دەستیان دەگاتە Crunchyroll® بۆ پەخشی ئانیمێ، لەڕێی ئەم بەرنامەیەوە دەتوانن لەسەر تەلەڤیزۆنەکانیان لە ماڵەکانی خۆیانەوە چێژ ببینن لە گەورەترین کۆکراوەی ئانیمێ لە جیهاندا.
بەرنامەی Crunchyroll لە کۆتایی شوباتی ئەمساڵدا نێردرا بۆ بازارەکانی جیهان و لە سەر تەلەڤیزۆنە زیرەکەکانی ئێڵ جی1 لە مانگی داهاتوودا لە سەد و شەست وڵات و هەرێمی جیهاندا بەردەست دەبێت، بینەران دەتوانن چێژ ببینن لە زیاتر لە ١٨،٠٠٠ کاتژمێر یان ٤٦،٠٠٠ ئەڵقە لە ئانیمێ و فلیم.
هەروەها بینەران چێژ دەبینن لە دەستگەشتن بە نوێترین زنجیرەکان کە پەخش دەکرێن لەسەر Crunchyroll بەماوەیەکی کەم پاش یابان، بە زنجیرەی خەیاڵیی تەمومژاوی Solo Leveling و زنجیرەی عاتیفی ئاڵۆزی Frieren: Beyond Journey's End و زنجیرەی کۆمیدی MASHLE: MAGIC AND MUSCLES The Divine Visionary Candidate Exam Arc لەنێو چەندین زنجیرەی بەردەستی تردا (بەردەستبوونی بەرنامەکان بەپێی هەرێمەکان دەگۆڕێت). کەتەلۆگی Crunchyroll بە ژێرنووس و بڕێکی سنوردار دۆبلاژکراو بەردەستە بە ١٢ زمانی وەکو ئینگلیزی و ئیسپانی (ئەمریکای لاتینی و ئیسپانیا/کاستیلیا) و پورتوگالی و فەرەنسی و ئەلمانی و عەرەبی و ئیتالی و هیندی و تەلوگو و تامیل.
Crunchyroll زیاتر لە ١٣ ملیۆن بەشداربووی بەپارەی هەیە لە جیهاندا، لە زیاتر لە ٢٠٠ ولات و هەرێمدا لە جیهاندا هەیە گەورەترین کۆکراوەی پەخشی ئانیمێیە لە جیهاندا، هەروەها ئەزموونی گشتگیریش پێشکەش دەکات بۆ بۆنە تایبەتیەکان و تەماشاکردنی پێشوەختەی فلیمەکان و یاری مۆبایل و کەلوپەل و بازرگانی ئەلیکترۆنی و چەندان شتی تر.
ئێڵ جی پابەندە بە دابینکردنی بابەتی دەنگ و رەنگ و خزمەتگوزاری تەواوەتی بە ئاسانی بۆ بەکارهێنەران هەمووی لەڕێی سەکۆی ئاسانکاری webOS ەوە.
# # #
1 ئەو تەلەڤیزۆنانەی سەکۆی webOS 4.0 (مۆدێلی ٢٠١٨) یان نوێتریان لەسەرە.
دەربارەی کۆمپانیای ئێل جی بۆ ئامێری ئەلیکترۆنی و کاتبەسەربردنی ناوماڵ
کۆمپانیای ئێل جی بۆ ئامێری ئەلیکترۆنی و کاتبەسەربردنی ناوماڵ داهێنەرێکی بەناوبانگە لە بواری سیستەمی تەلەڤیزۆنی و دەنگ و رەنگدا. ئێڵ جی ئەزموونێکی نایابی کاتبەسەربردنی ناوماڵ دابین دەکات لەڕێی تەلەڤیزۆنەکانی ئۆلید و QNED ئۆلید کە سەکۆی زیرەکی webOS یان لەسەرە و براوەی چەندان خەڵاتن. ئێڵ جی بە ئامانجی یارمەتیدان لە دابینکردنی نایابترین ئەزموون بۆ بەکارهێنەرانی، هەموو بەرهەمەکانی کاتبەسەربردنی ناوماڵی بە شێوەیەکی ژینگە دۆستانە دیزاین کردووە هەر لە بەرهەمهێنانەوە تا لەکارکەوتن و فڕێدان. بۆ هەواڵی زیاتر لەسەر ئێڵ جی، سەردانی ئەم ماڵپەڕە بکە: www.LGnewsroom.com
پەیوەندی بە راگەیاندنەوە:
/https://www.lge360.com/iraq_en
https://www.lge360.com/iraq_en/press-media