ئێران لەسەر چەكی ئەتۆم تەسلیمبونی راگەیاند ... بەڵێن دەدەینهەرگیز چەکی ئەتۆمی دروست ناكەین

عەلی شەمخانی، راوێژکاری عەلی خامنەیی، ڕابەری باڵای شۆڕشی ئیسلامی ئێران لە چاوپێکەوتنێکدا لەگەڵ کەناڵی "ئێن بی سی" رایگەیاند: ئێران بە تەواوەتی پابەند دەبێت بەوەی هەرگیز چەکی ئەتۆمی دروست نەكات، لەگەڵ دەستەبەرداربونی لەو  یۆرانیۆمەی كە بە ئاستێكی بەرز پیتاندویەتی،بۆ لەمەودواش   پیتاندنی یۆرانیۆم تەنها لەو ئاستەدا ئەنجام دەدات كە پێویستە بۆ بەکارهێنانی مەدەنی 

شەمخانی رایگەیاند:یەكێك لە هەنگاوەكانمان  رێگەدان دەبێت بە پشکنەرە نێودەوڵەتییەکان بۆ چاودێری پرۆسەکە.
وتیشی: هەموو ئەمانە لە بەرامبەر هەڵگرتنی دەستبەجێی هەموو ئەو سزا ئابورییانەیە كە بەسەر ئێراندا سەپێنراون.

شەمخانی ئامادەیی وڵاتەكەی بۆ واژوكردنی رێكەوتن لەگەڵ ئەمریكا راگەیاند.
هەر ئەمرۆش دۆناڵد ترەمپی سەرۆكی ئەمریكا رایگەیاند ئەمریكاو ئێران نزیكن لە رێكەوتن