پسپۆڕێكی هەڵبژاردن: لە هەڵبژاردنی پەڕلەمانی عێراق، ئەو حیزبانەی لە 4 كورسی و بەرەوخواریان هێناوە،زەحمەتە بگەنە كورسی پەڕلەمانی

دیپلۆماتیک
ئارام جەمال،بەڕێوەبەری پەیمانگای كوردی بۆ هەڵبژاردن توێژینەوەیەكی ئەنجامداوە و لە ئەنجامی توێژینەوەكەیدا بەوە گەیشتووە هاوپەیمانی هەموو هێزەكانی ئۆپۆزسیۆن پێكەوە لە بازنەكانی هەڵبژاردن نابێتە هۆی زیادبونی ژمارەی كورسیەكانیان تەنها لە هەولێر نەبێت كە 1 كورسی زیاد دەكات.

بەپێی توێژینەوەكانی ئەو پسپۆرەی بواری هەڵبژاردن یاسای سانت لیگۆی هەموار كراو هەموو ئەو كورسیانە لەو حیزبانە وەردەگرێتەوە كە بەیاسای باقی ئەقوا یان یاسای زۆرترین ماوە وەریان گرتووە.

بەپێی ئەو توێژینەوەیە لەسەر بنەمای دەنگەكانی پەڕلەمانی كوردستان یەكێتی لە سلێمانی 8 كورسی و لە هەولێر 3 كورسی دەبات.
پارتی دیموكرتیش لە دهۆك 9 كورسی و لە هەولێر 9 كورسی لە سلێمانی 2 كورسی دەبات
هەرچی نەوەی نوێیە 8 كورسی دەبات و یەكگرتوو 3 كورسی و كۆمەڵ و هەڵوێستیش یەكی یەك كورسی دەبەن.