کار لە کار ترازا و پوتین دەست بۆ کارە مەترسیدارەکە دەبات

دیپلۆماتیک - گەرمیان مەحمود
دوای هێرشە مەترسیدارەکەی چەند رۆژی رابردووی ئۆکرانیا بۆسەر رووسیا کە به‌117 درۆن هێرشیكرده‌سه‌ر ڕوسیاو له‌قوڵایى ئه‌و وڵاته‌ 40 فڕۆكه‌ى سه‌ربازیى تێكشكاند، ڤیدیۆیەکی ڤلادیمێر پوتینی سەرۆکی رووسیا بڵاوکرایەوە کە تێستی فڕۆکە بۆمبهەڵگری ئەتۆمی دەکات..
هێرشەکەی ئۆکرانیا بەجۆرێک گەورە و مەترسیداربووە، کە لەو کاتەی شەڕ لەنێوان هەردوولا هەڵگیرساوە هێرشی لەوجۆرەی نەکردووە و ئەو زیانەی پێ نەگەیشتووە و ٣٤٪ فرۆکە موشەک هەڵگرەکانی رووسیای لەناو بردووە.
به‌گوێره‌ى دوا هەواڵی ڕاگەیەنراو لەلایەن میدیاکانی ئۆکرانیاوە، ئەو هەڵمەتە زیانی نزیکەی حه‌وت ملیار دۆلاری بەڕوسیا گەیاندوە.

ئەو هێرشە پوتینی بەتەواوی توڕە کردووە و خۆی بۆ هێرشی گەورە ئامادە دەکات، تەنانەت هەڕەشە لە هەموو ئەوروپا دەکات.
میدیاکانی رووسیا ڤیدیۆیەکی سەرۆکی وڵاتەکەیان بڵاوکردووەتەوە کە تیایدا دەردەکەوێت، پشکنین بۆ فرۆکەی بۆمبهەڵگری ئەتۆمی دەکات و دەڵێن: بەم زووانە ئەورووپا دەلەرزێنین و دووکەڵی ڕژێمەکەی زیلینسکی ئاسمانی ئەورووپا داگیردەکات.
هەرچەندە ئێستا هەوڵی کۆبوونەوەی سێ قۆڵی لەنێوان ترەمپ و پوتین و زێلنسکی دەدرێت و ترەمپیش ئامادەیی بۆ کۆبوونەوەکە نیشانداوە، لەپێناو راگرتنی شەڕی نێوان رووسیا و ئۆکرانیا، بەڵام هێرشە گەورەکەی ئۆکرانیا هەموو شتێکی پێچەوانە کردووەتەوە و پێدەچێت، گڕی ئاگرەکە خۆشتر بێت و بەم زوانە نەکوژێتەوە.