بەرپرسێكی سەربازی پێشوی توركیا: یەكێك لە ئامانجەكانی ئەم شەڕە دامەزراندنی دەوڵەتی كوردییە

جاهید یایجی، فەرماندەی پێشووی هێزە دەریاییەکانی تورکیا لەسەر شەڕی ئێران ئیسرائیل دەڵێت:ئیسرائیل و ئەمریکا کار بۆ جێبەجێکردنی پڕۆژەی رۆژهەڵاتی نێوەڕاستی گەورە دەکەن و ئامانجیان داگیرکردنی ئێران نییە، بەڵکو دروستکردنی پشێوییە لەنێو ئەو وڵاتە و دەستپێکردنی شەڕی نێوخۆیە تێیدا.
 
یایجی ئاماژەی بەوەش کرد، یەکێک لە ئامانجە سەرەكیەكانی ئەم شەڕە،دیزاینكردنەوەی رۆژهەڵاتی ناوەراست و   دامەزراندنی دەوڵەتی  کوردستانە.بەجۆرێك هەوڵدەدرێت پارچەیەک لە ناوچەکانی باکووری رۆژئاوای ئێران بە كوردستانی عێراقەوە بلکێندرێت و پێكەوە بكرێنە دەوڵەتێكی سەربەخۆ بەناوی كوردستان