پارێزراوترین کوڕ لە جیهاندا..

گەرمیان مەحمود

بارۆن ترەمپ، کوڕە نازدارەکەی دۆناڵد ترەمپی سەرۆکی ئەمریکا، ئەو کوڕەی جیهانێکی تایبەت بەخۆی هەیە..
بارۆن تەمەنی ١٩ساڵە وکوڕە بچووکی دۆناڵد ترەمپە و تاکە کوڕیەتی لەگەڵ میلانیا ترەمپ.

ئێستا بارۆن پارێزراوترین کوڕە لە جیهاندا، کاتێک بە شەقامەکاندا دەڕوات، ئیدی شەقامەکان دادەخرێن و تیمێکی پاسەوانی راهێنراو لە ئاستێکی بەرزدا بە زریپۆشەوە پاسەوانی دەکەن و رێگە نادەن هیچ کەسێک لێی نزیک ببێتەوە و هەموو کەسێک لە دەوروبەرییەوە دەڕوات پشکنینی بۆ دەکرێت و هەر وشەیەک لەبەردەمیدا دەوترێت هەزار جار ئەژمار دەکرێت.
 بارۆن ژیانی منداڵێکی ئاسایی یاخود وەک گەنجێکی ئاسایی ناژی، بەڵکو وەک شازادەیەک لەناو کۆشکی سپیدا دەژی. 
دەوترێت سامانی تایبەتی بارۆن کە بەهۆی ئیمپراتۆریەتی باوکیەوە دەستی کەوتووە، پێنج ملیار دۆلاری تێپەڕاندووە. 

بارۆن خاوەنی جوانیی و باڵایەکی سەرنجڕاکێشە کە دوو مەتر و شەش سانتیمە و ئارامییە نهێنییەکەی وای لێکردووە ببێتە هێمایەک بۆ نەوەی نوێی دەسەڵات.
ئەو هەندێک جار لە بۆنە گەورەکانی وەک نمایشی سەربازی یان وتاری گشتیدا، لە تەنیشت دایکیەوە دەردەکەوێت و لەناو ئەمریکادا بە هێمای دەسەڵاتی داهاتوو دادەنرێت و چاوەڕوان دەکرێت میراتگری ئیمپراتۆریەتی سیاسی بنەماڵەی ترەمپ بێت. 

بارۆن ئێستا لە سەرووی یاساکانەوە دەژی و لە ئاستێکدا دەژی کە هیچ منداڵێکی دونیا پێی ناگات..
ئەو بەهۆی پێگە و سەرنجڕاکێشییەکەیەوە هەزاران کچ ئاواتەخوازن نیگایەکیان بۆ بکات یا خود پەیوەندییان لەگەڵ دروست بکات، بەڵام بەپێچەوانەی زۆربەی هاوتەمەنەکانییەوە، تاوەکو ئێستا لەگەڵ کچاندا نەبیندراوە..