دۆناڵد ترەمپ : خەریكە شیوعیەكی عەیارە 24 و چەپێكی توندرەو دەبێتە عومدەی نیویۆرك

دۆناڵد ترەمپی سەرۆكی ئەمریكا هێرشی توندی كردە سەر زەهران مەمەدانی ئەو گەنجە  بەرەچەڵەك مسوڵمانەی كە پاڵیوراوی دیموكراتەكانە بۆ وەرگرتنی پۆستی عومدەی شاری نیو یۆرك.

دۆناڵد ترەمپ لە چاوپێكەوتنێكی كەناڵی فۆكس نیوزدا ووتی"زەهران مەمەدانی شیوعیەكی عەیارە 24 و چەپێكی توندڕەوە"
وتیشی "ئەم كارە زۆر بەخراپ بەسەر نیو یۆركدا دەشكێتەوە"

ئاماژەی بەوەشكرد ئەگەر بشبێتە عومدەی نیویۆرك و لەژێر رۆشنایی سیاسەتی ئێمە كار نەكات چاوی بە بودجەی فیدراڵی ناكەوێت.

لەوەڵامدا مەمەدانی لە بەرنامەیەكی تەلەفزیۆنیدا ووتی من كەسێكی شیوعی نیم بەڵكۆ سۆسیالیستێكی دیموكراتم.

وتیشی"ترەمپ لە رەنگ و دەنگمەوە حوكمم لەسەر دەدات،نایەوێت دان بەو راستیەدا بنێت كە من لە پێناوی چیدا ئەجەنگم.وەڵامەكەش ئەوەیە كەمن لەپێناوی ئەو كرێكارانەدا دەجەنگم كە ئەو خیانەتی لێكردن.