سەرۆكی دەزگای ئیستخباراتی بەعس لە كوردستان داڵدە دراوە

 فازڵ ئەبوو ڕەغیف؛ پسپۆڕی بواری ئاساییش داوای لە سەرۆکی حکوومەتی هەرێم کردووە شەش لە سەرانی ڕژێمی بەعسی ڕووخاو، کە ئەنجامدانی تاوانی قێزەون تۆمەتبارن، لە سەرووی هەموویشیانەوە،تاهیر جەلیل حەببووش، کە لە سەردەمی دەسەڵاتی بەعسدا سەرۆکی دەستگای ئیستیخباراتی عێراق بووە، ڕادەستی دەستگا پەیوەندیدارەکانی دەوڵەتی ناوەند بکات.

ئەو نوسەرە ئاماژەی بەوە كردووە،بەعسییەکان دزێوترین تاوانیان لە دژی خەڵکی عێراق، لە ناویشیاندا برا کوردەکان ئەنجام داوە، کەچی ئێستا شەش لەوان،لە هەرێمی کوردستان و بەدیاریکراوی لە هەولێرن!
 
لە درێژەی توویتەکەیدا نووسیویەتی: "هیوادارم ڕاستگۆیانە و وەک ڕێزێک بۆ خوێنی کەسوکارەکەت -مەبەستی کوردە- بە زووترین کات خۆت دەستپێشخەری بکەیت و ڕادەستیان بکەیت، چونکە داواکراون. خوێنیش موجامەلە هەڵناگرێت".

بەپێی شاهید حاڵەكانی ئەنفال،تاهیر جەلیل حەبووش،یەكێكە لەو تاوانبارانەی فەرمانی گولەبارانكردنی ئەنفالەكانی داوە لە كۆمەڵكوژیەكانی ساڵی 1988