هۆزی عوبێد: ئەو عەجاجەی گرتوتانە ئەسڵیەكە نییە

هۆزی عوبێد لە ناحیەی زلوعیەی سەر بە پارێزگای سەلاحەدین دەڵێن،ئەو عەجاجەی كە دەزگای ئاسایشی نیشتیمانی عێراق گرتویەتی ئەسڵیەكە نییە و ئەمە عەجاجێكی دیكەیە.

لە كۆنگرەیەكی رۆژنامەنوسیدا،هۆزی عوبێد لە ناحیەی زلوعیەی پارێزگای سەلاحەدین لە كۆنگرەیەكی رۆژنامەوانیدا رایانگەیاند ئەو كەسەی دەستگیركراوە عەجاج ئەحمەد حەردانە و خەڵكی پارێزگای سەلاحەدینە،جیاوازە لەو عەجاجەی بەرپرسی نوگرە سەڵمان بووە.

ئەوان دەڵێن حكومەت بە هەڵە ئەم كەسەی هۆزەكەمانی دەستگیركردووە كە خەریكی ئاژەڵداری و كشتوكاڵ بووە و هەرگیز پۆستی سەربازی لەسەردەمی بەعسدا نەبووە.

ئەمە لەكاتێكدایە دەزگای ئاسایشی نیشتیمانی عێراق دەڵێن ئەو كەسەی دەستگیریان كردووە خودی تاوانبار عەجاج تكریتییە و نەشتەرگەری جوانكاری كردووە بۆ ئەوەی نەناسرێتەوە.

هەروەها دەڵێن عەجاج لە زینداندا دانی بە هەموو تاوانەكانیدا ناوە

خێڵی عەجاج (حەجاج) ئەو کەسەی بە "جەللادی نوگرەسەلمان" ناسراوە و دەستگیرکراوە، دەڵێن، ئەم عەجاجە ئەو عەجاجە نییە